ବିଜେପି ସହିତ ଚାଲିଥିବା ଲଢେଇ ମଧ୍ୟରେ ଶରଦ ପାୱାରଙ୍କ ସହ ମମତାଙ୍କ ଆଲୋଚନା । ତୁରନ୍ତ ହୋଇପାରେ ସବୁ ବିରୋଧୀ ଦଳ ନେତା ମାନଙ୍କ ସହ ବୈଠକ ।
କନକ ବ୍ୟୁରୋ : ମହାରାଷ୍ଟ୍ରର ଜଣେ ବରିଷ୍ଠ ନେତା ସୂଚନା ଦେଇଛନ୍ତି କି ସୋମବାର ଦିନ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଏନସିପି ମୁଖ୍ୟ ଶରଦ ପାୱାରଙ୍କ ସହ ଆଲୋଚନା କରିଛନ୍ତି । ଏହି ଆଲୋଚନା ବେଳେ ବିରୋଧୀ ଶାସିତ ରାଜ୍ୟ ସରକାର ମାନଙ୍କୁ କେନ୍ଦ୍ର ସରକାର କିଭଳି ଭାବେ ଅସ୍ଥିର କରିବାକୁ ଚେଷ୍ଟା କରୁଛନ୍ତି ତାହା ଉପରେ ଆଲୋଚନା ହୋଇଛି । ଏନସିପି ର ରାଷ୍ଟ୍ରୀୟ ପ୍ରବକ୍ତା ନୱାବ ମଲ୍ଲିକ୍ କହିଛନ୍ତି କି ମମତା ବାନାର୍ଜୀ କେନ୍ଦ୍ର ସରକାରଙ୍କ ଉପରେ ଆରୋପ ଲଗାଇଛନ୍ତି କି ପଶ୍ଚିମବଙ୍ଗ ନିର୍ବାଚନ ପୂର୍ବରୁ ବିଜେପି କିଭଳି ଭାବେ ତାଙ୍କୁ ଟାର୍ଗେଟ୍ କରିଛନ୍ତି । ବିଶେଷ ଭାବେ ଏହି ଆଲୋଚନାରେ ଜେ. ପି ନଡ୍ଡାଙ୍କ ଉପରେ ଆକ୍ରମଣ ଘଟଣାକୁ ନେଇ ତିନିଜଣ ବରିଷ୍ଠ ଅଧିକାରୀଙ୍କୁ କେନ୍ଦ୍ର ଗୃହମନ୍ତ୍ରଣାଳୟ କିଭଳି ଦିଲ୍ଲୀ ସମନ୍ କରିଛନ୍ତି ତାହା ଉପରେ ଆଲୋଚନା ହୋଇଥିବା କଥା ସେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ନୱାବ ମଲ୍ଲିକ ଆହୁରି କହିଛନ୍ତି କି ଏହି ଚର୍ଚ୍ଚା ବେଳେ ବିଜେପି କିଭଳି ଭାବେ ପଶ୍ଚିମବଙ୍ଗରେ ଅସ୍ଥିିରତା ସୃଷ୍ଟି କରୁଛି । କେନ୍ଦ୍ର ସରକାର ସରକାରୀ ଅଧିକାରୀ ମାନଙ୍କୁ କିଭଳି ନିଜ ଇଚ୍ଛାରେ ଦିଲ୍ଲୀ ଫେରାଇ ନେବାକୁ ଚେଷ୍ଟା କରୁଛି ଓ ରାଜ୍ୟ ମାନଙ୍କ ନିକଟରେ ଥିବା କ୍ଷମତାକୁ କିଭଳି ଉଲଙ୍ଘନ କରୁଛି ତାହା ଉପରେ ବିଷଦ ଆଲୋଚନା ହୋଇଛି ।
ସେ କହିଛନ୍ତି କି ଏନେଇ ମମତା ବାନାର୍ଜୀ ଓ ଶରଦ ପାୱାର ଏନେଇ ରାଷ୍ଟ୍ରୀୟ ନେତା ମାନଙ୍କ ସହିତ ଏକ ବୈଠକ କରିବାର ଯୋଜନା ରହିଛି । ଯଦି ଆବଶ୍ୟକ ପଡିବ ତେବେ ଶ୍ରୀ ପାୱାର ପଶ୍ଚିମବଙ୍ଗ ଗସ୍ତ କରିବେ । ଅନ୍ୟପଟେ ମମତା କହିଛନ୍ତି କି ବିଜେପି ଏକ ଧୋକ୍କାବାଜ ପାର୍ଟି । କ୍ଷମତା ପାଇଁ ସେ କିଛି ବି କରିପାରିବେ । କହିରଖୁ କି ଅମିତ୍ ଶାହାଙ୍କ ଗସ୍ତ ବେଳେ ଟଏମସିର ୩୫ ଜଣ ବିଦ୍ରୋହୀ ଖୋଲା ଖୋଲି ଭାବେ ବିଜେପିରେ ଯୋଗ ଦେବା ପରେ ମମତା ଏଭଳି ବୟାନ ରଖିଛନ୍ତି ।
ଅନ୍ୟପଟେ ଜେପି ନଡ୍ଡାଙ୍କ ଗସ୍ତ ବେଳେ ଦାୟିତ୍ୱରେ ଥିବା ୩ ଜଣ ଆଇପିଏସ୍ ଅଧିକାରୀଙ୍କୁ କାର୍ଯ୍ୟରେ ଅବହେଳା ଦର୍ଶାଇ କେନ୍ଦ୍ର ଗୃହ ବିଭାଗ ସେମାନଙ୍କୁ ଦିଲ୍ଲୀ ଯିବା ପାଇଁ ସମନ କରିଥିବା ବେଳେ ମମତା ସରକାର ସେମାନଙ୍କୁ ଦିଲ୍ଲୀ ଯିବାକୁ ଅନୁମତି ଦେଇ ନାହାନ୍ତି ।