ବିବାହ କାର୍ଯ୍ୟକ୍ରମରେ ଡ୍ୟାନ୍ସ କଲେ ମମତା । ଆଦିବାସୀ ସଙ୍ଗୀତର ତାଳେ ତାଳେ ଝୁମିଲେ ଦିଦି
କନକ ବ୍ୟୁରୋ: ବିବାହ କାର୍ଯ୍ୟକ୍ରମରେ ଡ୍ୟାନ୍ସ କଲେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ସଙ୍ଗୀତର ତାଳେ ତାଳେ ନାଚିଲେ ମମତା । ଅଲ୍ଲିପୁରଦ୍ୱାର ଜିଲ୍ଲାର ଫକଲଟା ଠାରେ ଆୟୋଜିତ ଗଣ ବିବାହ ଉତ୍ସବରେ ମମତା ବାନାର୍ଜୀ ନାଚୁଥିବାର ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ଏହି ଗଣ ବିବାହ କାର୍ଯ୍ୟକ୍ରମରେ ଆଦିବାସୀ ନୃତ୍ୟ ପରିବେଷଣ କରାଯାଇଥିବା ବେଳେ ଏହି ସମୟରେ ଆଦିବାସୀ ମହିଳାଙ୍କ ସହ ମମତା ବାନାର୍ଜୀ ମଧ୍ୟ ନାଚିବା ଆରମ୍ଭ କରିଥିଲେ । ମମତା ବାନାର୍ଜୀ ଧଳା ଶାଢୀ ଓ ସବୁଜ ରଙ୍ଗର ଶାଲ ଘୋଡାଇ ହୋଇ ଆଦିବାସୀ ମହିଳାଙ୍କ ସହ ନାଚୁଥିବାର ଦେଖିବାକୁ ମିଳିଛି । ପ୍ରଥମେ ଗୋଟିଏ ଦଳ ମହିଳାଙ୍କ ସହ ନାଚିବା ପରେ ଆଉ ଏକ ଦଳ ମହିଳାଙ୍କ ସହ ମିଶି ନାଚିଥିଲେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ । ଏହି କାର୍ଯ୍ୟକ୍ରମରେ ସାମିଲ ହୋଇଥିବା ମହିଳା ମାନେ ମମତାଙ୍କ ହାତ ଧରି ତାଙ୍କ ସହ ନାଚିବାକୁ ଲାଗିଥିଲେ, ଏହି ସମୟରେ ମମତା ମଧ୍ୟ ତାଙ୍କ ସହ ତାଳରେ ତାଳ ମିଶାଇ ନାଚିଥିଲେ ।