ନନ୍ଦିଗ୍ରାମ ଆସନରୁ ବିଜୟୀ ହେଲେ ମମତା ବାନାର୍ଜୀ । ୧୨୦୦ ଭୋଟରେ ଜିତିଲେ ଦିଦି । ପରାଜୟ ଭୋଗିଲେ ବିଜେପି ନେତା ଶୁଭେନ୍ଦୁ ଅଧିକାରୀ ।
କନକ ବ୍ୟୁରୋ: ପଶ୍ଚିମବଙ୍ଗ ନିର୍ବାଚନର ଭୋଟ୍ ଗଣତି ଭିତରେ ଯେଉଁ ଆସନ ଉପରେ ସମସ୍ତଙ୍କର ନଜର ଥିଲା, ତା’ର ରେଜଲ୍ଟ ଏବେ ଘୋଷଣା ହୋଇଛି । ନନ୍ଦିଗ୍ରାମ ଆସନରୁ ବିଜୟୀ ହୋଇଛନ୍ତି ତୃଣମୂଳ ନେତ୍ରୀ ମମତା ବାନାର୍ଜୀ । ନିଜର ବିରୋଧୀ ତଥା ବିଜେପି ନେତା ଶୁଭେନ୍ଦୁ ଅଧିକାରୀଙ୍କୁ ଟକ୍କର ଦେଇ ମମତା ନନ୍ଦିଗ୍ରାମ ଆସନରୁ ବାଜିମାତ୍ କରିଛନ୍ତି । ଯାହା ଫଳରେ ଟିଏମସି ଶିବିରରେ ଉତ୍ସାହର ଲହର ଖେଳିଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଆଜି ସକାଳୁ ଯେତେବେଳେ ଭୋଟ ଗଣତି ଆରମ୍ଭ ହୋଇଥିଲା, ସେତେବେଳେ ଶୁଭେନ୍ଦୁ ଅଧିକାରୀ ମମତାଙ୍କୁ ଟକ୍କର ଦେବା ସହିତ ଆଗରେ ରହି ବିଜେପି ଶିବିରରେ ଉତ୍ସାହ ଭରିଥିଲେ । ହେଲେ କିଛି ଘଂଟା ପରେ ପୁଣି ଦିଦି ଆଗରେ ରହିବା ସହିତ ଆଗକୁ ବଢିଥିଲେ । ଶେଷରେ ମମତା ନନ୍ଦିଗ୍ରାମ ଆସନରୁ ବାଜିମାତ୍ କରିବା ସହିତ ୧୨୦୦ ଭୋଟରେ ଆଗରେ ରହି ବିଜୟୀ ହୋଇଛନ୍ତି ।
#ଦିଦି_ଜିତିଲେ_ନନ୍ଦୀଗ୍ରାମ
ମମତା ଜିତିଲେ ନନ୍ଦୀଗ୍ରାମ ବାଜି । ୧୨୦୦ ଭୋଟରେ ବିଜୟ ଲାଭ କଲେ । ଶୁଭେନ୍ଦୁ ଅଧିକାରୀଙ୍କୁ ମାତ୍ ଦେଲେ ମମତା । #Nandigram #MamataBanerjee #TMC pic.twitter.com/kIwLBCGIpm— Kanak News (@kanak_news) May 2, 2021
ଚଳିତ ଥରର ନିର୍ବାଚନ ମମତାଙ୍କ ପାଇଁ ବେଶ ସଂଘର୍ଷପୂର୍ଣ୍ଣ ଥିଲା । ସେ ତାଙ୍କ ପାରମ୍ପରିକ ଆସନକୁ ଛାଡି ନନ୍ଦିଗ୍ରାମରୁ ଲଢିଥିଲେ । ଯେଉଁଠି ବିଜେପି ଶୁଭେନ୍ଦୁ ଅଧିକାରୀଙ୍କୁ ପ୍ରାର୍ଥୀ କରି ସଫଳତା ପାଇବାକୁ ଆଶା ବାନ୍ଧିଥିଲା । ମମତା ଏଠାରୁ ଛିଡା ହେବା ପରେ ଶୁଭେନ୍ଦୁ-ମମତାଙ୍କ ଭିତରେ ଜୋରଦାର ଟକ୍କର ମଧ୍ୟ ଦେଖିବାକୁ ମିଳିଥିଲା । ଏପରିକି ପ୍ରଚାର ବେଳେ ଦୁଇ ନେତାଙ୍କ ଉପରେ ଆକ୍ରମଣ ହେବା ଭଳି ମଧ୍ୟ ଅଭିଯୋଗ ଆସିଥିଲା । ହେଲେ ସବୁ ପରେ ଆଜି ନିର୍ବାଚନ ଫଳାଫଳ ପ୍ରକାଶ ପାଇବା ସହିତ ମମତା ନନ୍ଦିଗ୍ରାମ ଆସନରୁ ବିଜୟୀ ହୋଇଛନ୍ତି ।