ଡାକ ବିଭାଗ ପାଇଁ ମୁଣ୍ଡ ବ୍ୟଥାର କାରଣ ପାଲଟିଲା ବିଜେପି-ମମତା ଲଢ଼େଇ : ପରସ୍ପରକୁ ପୋଷ୍ଟକାର୍ଡ ପଠାଇବା ଯୁଦ୍ଧରେ ପେସି ହେଉଛି ବିଚରା ଡାକ ବିଭାଗ
ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଏବଂ ବିଜେପି ମଧ୍ୟରେ ଚାଲିଥିବା ରାଜନୈତିକ ଯୁଦ୍ଧ ଡାକ ବିଭାଗ ପାଇଁ ସଂକଟ ସ୍ଥିତି ସୃଷ୍ଟି କରିଛି । ଗତ କିଛି ଦିନ ହେବ ଦକ୍ଷିଣ କୋଲକାତାରେ ଥିବା କାଲୀଘାଟ ପୋଷ୍ଟ ଅଫିସରେ ହଜାର ହଜାର ପୋଷ୍ଟକାର୍ଡର ଲାଇନ୍ ଲାଗିଛି । ଏହି ପୋଷ୍ଟ କାର୍ଡରେ ଜୟ ଶ୍ରୀରାମ ଲେଖାଯାଇଛି ଏବଂ ଏହା ମମତାଙ୍କୁ ପଠାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ପୋଷ୍ଟ ଅଫିସ ସୂତ୍ର ମୁତାବକ, ସାଧାରଣତଃ ମୁଖ୍ୟମନ୍ତ୍ରୀଙ୍କ ନିକଟକୁ ପ୍ରତିଦିନ ୩୦ରୁ ୪୦ ପୋଷ୍ଟକାର୍ଡ ଆସୁଥିଲା। କିନ୍ତୁ ଏବେ ହଠାତ୍ ପୋଷ୍ଟକାର୍ଡ ସଂଖ୍ୟା ବଢ଼ିଯାଇଛି । ମମତା ବାନାର୍ଜୀ ମୁଖ୍ୟମନ୍ତ୍ରୀ ହେବା ଦିନଠାରୁ କାଲୀଘାଟ ପୋଷ୍ଟ ଅଫିସ ତାଙ୍କ ପାଇଁ ଜଣେ ପୋଷ୍ଟମ୍ୟାନ ଯୋଗେଇ ଦେଇଛନ୍ତି । ଏନେଇ ଜଣେ କର୍ମଚାରୀ କହିଛନ୍ତି କି, ପୋଷ୍ଟମ୍ୟାନ ପ୍ରତିଦିନ ପୋଷ୍ଟକାର୍ଡ ନେଇଯାଏ ଏବଂ ଏହାକୁ ନିର୍ଦ୍ଧାରିତ ବ୍ୟକ୍ତିଙ୍କୁ ଦେଇଆସେ । ତେବେ ସର୍ବଦା ଶାନ୍ତିପୂର୍ଣ୍ଣ ରହୁଥିବା ଏହି ପୋଷ୍ଟ ଅଫିସ୍ ଜୟ ଶ୍ରୀରାମ ପୋଷ୍ଟ କାର୍ଡର ଗହଳି ପାଇଁ ନିଜକୁ ପ୍ରସ୍ତୁତ କରିଦେଇଛି ।
କେବଳ ସେତିକି ନୁହେଁ ମେଲ ସର୍ଭିସ୍ ମଧ୍ୟ ମୁଖ୍ୟମନ୍ତ୍ରୀଙ୍କୁ ପଠାଯାଇଥିବା ପାଖାପାଖି ୪୫୦୦ ପୋଷ୍ଟକାର୍ଡ ଚିହ୍ନଟ କରିଛି । ଅନ୍ୟ ପକ୍ଷରେ ଟିଏମସି ଏହାକୁ ନେଇ ଏବେ ଅସନ୍ତୋଷ ରହିଛି । କାର୍ଯ୍ୟକର୍ତ୍ତାମାନେ ପୋଷ୍ଟକାର୍ଡର ଜବାବ ଦେବା ଆରମ୍ଭ କରିଦେଲେଣି । ଟିଏମସି ଜୟ ଶ୍ରୀରାମ ସ୍ଥାନରେ ଜୟ ହିନ୍ଦ, ଜୟ ବାଙ୍ଗଲା ଲେଖି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପୋଷ୍ଟକାର୍ଡ ପଠାଇବା ଆରମ୍ଭ କରିଦେଲେଣି ।