ମମତା-ଅଶ୍ୱିନୀ କଥା କଟାକଟି, ମୃତ୍ୟୁ ସଂଖ୍ୟାକୁ ନେଇ ପ୍ରଶ୍ନ ଉଠାଇଲେ ମମତା
କନକ ବ୍ୟୁରୋ: ବାହାନଗା ଟ୍ରେନ୍ ଦୁର୍ଘଟଣାସ୍ଥଳ ବୁଲି ଦେଖିଥିଲେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ସେହି ସମୟରେ ମୃତ୍ୟୁସଂଖ୍ୟାକୁ ନେଇ ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଓ ମମତାଙ୍କ ମଧ୍ୟରେ କଥା କଟାକଟି ହୋଇଥିଲା । ମମତା କହିଥିଲେ, ସ୍ଥାନୀୟ ଲୋକ କହୁଛନ୍ତି, ଏହି ଦୁର୍ଘଟଣାରେ ପ୍ରାୟ ୫ଶହ ଲୋକଙ୍କ ମୃତ୍ୟୁ ହୋଇଛି । କିନ୍ତୁ ଅଶ୍ୱିନୀ କହିଥିଲେ, ରାଜ୍ୟ ସରକାରଙ୍କ ତଥ୍ୟ ଅନୁସାରେ ଏପର୍ଯ୍ୟନ୍ତ ୨୩୮ଜଣଙ୍କ ମୃତ୍ୟୁ ହୋଇଛି । ଅଶ୍ୱିନୀଙ୍କ ତଥ୍ୟକୁ ନେଇ ମମତା ଅସନ୍ତୋଷ ପ୍ରକାଶ କରି କହିଥିଲେ, ଏହା ଗତରାତିର ତଥ୍ୟ । ମୃତ୍ୟୁସଂଖ୍ୟା ଆହୁରି ବଢ଼ିଗଲାଣି । ଏଥିସହ ୩ଟି ବଗି ତଳେ ଆହୁରି ଲୋକ ଚାପି ହୋଇ ରହିଥିବା ସନ୍ଦେହ କରାଯାଉଛି । ଜବାବ ରଖି ଅଶ୍ୱିନୀ କହିଥିଲେ, ଉଦ୍ଧାର କାର୍ଯ୍ୟ ଶେଷ ହୋଇଛି । କେବଳ ଏତିକି ନୁହେଁ ଟ୍ରେନ୍ ଦୁର୍ଘଟଣା ପାଇଁ କେନ୍ଦ୍ର ସରକାରଙ୍କୁ ଦାୟୀ କରିଛନ୍ତି ମମତା । କହିଛନ୍ତି, ବିଭାଗର ସମନ୍ୱୟ ଅଭାବରୁ ଏତେ ବଡ ଦୁର୍ଘଟଣା ଘଟିଲା । ଏହି ଘଟଣାର ଉଚ୍ଚସ୍ତରୀୟ ତଦନ୍ତ ହେଉ ।
Kanak News is now on WhatsApp
Join and get latest news updates delivered to you via WhatsApp
ତେବେ ବର୍ତମାନ ସମୟରେ ସେ ରାଜନୀତି କରିବାକୁ ଚାହୁଁନଥିବା କହିଛନ୍ତି ।ଏବଂ ରେଳ ମନ୍ତ୍ରୀ ସହ ଅଛନ୍ତି ବୋଲି କହିଛନ୍ତି ମମତା । ସୂଚନା ଅନୁସାରେ ଏହି ଦୁର୍ଘଟଣାରେ ବହୁ ସଂଖ୍ୟାରେ ପଶ୍ଚିମବଙ୍ଗ ଯାତ୍ରୀଙ୍କର ମୃତ୍ୟୁ ହୋଇଛି ।