କନକ ବ୍ୟୁରୋ : କଂଗ୍ରେସ ଅଧ୍ୟକ୍ଷ ନିର୍ବାଚନ ପାଇଁ ନାମାଙ୍କନ ଭରିବା ପରେ ଆଜି ମଲ୍ଲିକାର୍ଜୁନ ଖଡଗେ ରାଜ୍ୟସଭାର ବିରୋଧୀଦଳ ନେତା ପଦରୁ ଇସ୍ତଫା ଦେଇଛନ୍ତି । ସେ ତାଙ୍କର ଇସ୍ତଫା ପତ୍ର ଦଳର ହାଇକମାଣ୍ଡ ସୋନିଆ ଗାନ୍ଧୀଙ୍କୁ ଦେଇଛନ୍ତି । କଂଗ୍ରେସ ଦଳୀୟ ସମ୍ବିଧାନ ମୁତାବକ ଜଣେ ବ୍ୟକ୍ତି କେବଳ ଗୋଟିଏ ପଦରେ ରହିପାରିବ ।
#CongressPresidentPolls | Following the Udaipur Resolution of One Leader One Post, Candidate for Congress President Poll Mallikarjun Kharge has sent his resignation from the post of LoP in Rajyasabha to Congress Interim President Sonia Gandhi
(File pic) pic.twitter.com/Rx4JvusmHM
— ANI (@ANI) October 1, 2022
ସେପଟେ ଖଡଗେ ଏହି ପଦରୁ ଇସ୍ତଫା ଦେବା ପରେ ଏବେ ପଦ ପାଇଁ ରେସକୁ ଆସିଛନ୍ତି ପି. ଚିଦାମ୍ବରମ ଓ ଦିଗବିଜୟ ସିଂ । ସେପଟେ କୁହାଯାଉଛି କି ମଲ୍ଲିକାର୍ଜୁନ ଖଡଗେ, ପି.ଚିଦାମ୍ବରମ ଓ ଦିଗବିଜୟ ସିଂ ଉଭୟ ଦେଶର ଦକ୍ଷୀଣାଞ୍ଚଳ ନେତା । ଉଭୟ ରାଜ୍ୟସଭାର ନେତା ପ୍ରତିପକ୍ଷ ଓ ଦଳର ହାଇକମାଣ୍ଡ ଯଦି ଦକ୍ଷୀଣାଞ୍ଚଳରୁ ହେଉଛନ୍ତି ତାହା ଦଳର ଉତ୍ତର-ଦକ୍ଷୀଣ ସନ୍ତୁଳନ ଉପରେ ପ୍ରଭାବ ପକାଇପାରେ । ଏହି କାରଣରୁ ନେତା ପ୍ରତିପକ୍ଷ ପଦ ଉତ୍ତର ଭାରତୀୟ ନେତାଙ୍କ ମଧ୍ୟରୁ କାହାକୁ ଦିଆଯାଇପାରେ ବୋଲି ଆକଳନ କରାଯାଉଛି ।