ମୋଦୀଙ୍କୁ ‘ବିଷଧର ସାପ’ କହିଲେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ୍ ଖଡଗେ । ବୟାନକୁ ନେଇ ବଢିଲା ବିବାଦ, ବିଜେପି କଲା କଡା ନିନ୍ଦା ।

କନକ ବ୍ୟୁରୋ: ମୋଦୀଙ୍କୁ ବିଷଧର ସାପ କହିଲେ କଂଗ୍ରେସ ଅଧ୍ୟକ୍ଷ । ମଲ୍ଲିକାର୍ଜୁନ୍ ଖଡଗେ କର୍ଣ୍ଣାଟକ ବିଧାନସଭା ନିର୍ବାଚନବେଳେ ଦେଇଥିବା ଏହି ବୟାନ ଏବେ ବିବାଦ ଠିଆ କରିଛି । ଗୁରୁବାର ମୋଦୀଙ୍କୁ ନେଇ ଏପରି ବୟାନ ରଖିଛନ୍ତି କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ୍ ଖଡଗେ ।

ସେ କହିଛନ୍ତି ଯେ, ମୋଦୀ ହେଉଛନ୍ତି ଜଣେ ବିଷଧର ସାପ । ଆପଣ ତାଙ୍କୁ ଜହର ଭାବନ୍ତୁ କି ନ ଭାବନ୍ତୁ । ହେଲେ ଆପଣ ଯଦି ତାଙ୍କୁ ଚାଖିବେ, ତେବେ ତୁରନ୍ତ ମରଯିବେ । ଏଥିସହ ସେ ଆହୁରି ମଧ୍ୟ କହିଛନ୍ତି ଯେ, ମୋଦୀ ଜଣେ ଭଲ ଲୋକ, ସେ ଯାହା ଦେବେ, ଆପଣ ନିଶ୍ଚୟ ଦେଖିବେ । ହେଲେ ଯଦି ଆପଣ ତାକୁ ଚାଖିଗେ, ତେବେ ତୁରନ୍ତ ଶୋଇଯିବେ । ତେବେ ମଲ୍ଲିକାର୍ଜୁନ ଖଡଗେଙ୍କ ଏହି ବୟାନ ପରେ ଏହାର ତୀବ୍ର ନିନ୍ଦା କରିଛି ବିଜେପି ।

#KarnatakaAssemblyElections2023 | PM Modi is like a 'poisonous snake', you might think it’s poison or not. If you lick it, you’re dead...: Congress chief Mallikarjun Kharge in Kalaburagi pic.twitter.com/Bqi7zVFnO9

— ANI (@ANI) April 27, 2023

ଅନ୍ୟପଟେ ଖଡଗେ ନିର୍ବାଚନ ବେଳେ ଏପରି ଭାଷଣ ରଖିଥିବାବେଳେ, ତୁରନ୍ତ ଏହାର ସଫେଇ ମଧ୍ୟ ରଖିଛନ୍ତି । ସେ କହିଛନ୍ତି, ପ୍ରଧାନମନ୍ତ୍ରୀ ମୋଦୀଙ୍କୁ ନେଇ ସେ ଏପରି କହିନାହାଁନ୍ତି । ସେ କୌଣସି ବ୍ୟକ୍ତିଗତ ବୟାନ ଦେଇନାହାଁନ୍ତି । ତାଙ୍କ କହିବା ମୁତାବକ, ତାଙ୍କ ବିଚାରଧାରା ସାପ ଭଳି । ଯଦି ଆପଣ ଏହାକୁ ଚାଟିବେ ତେବେ ତୁରନ୍ତ ମରିବେ ।

ଖଡଗେଙ୍କ ଏହି ବୟାନ ପରେ ଗୃହ ରାଜ୍ୟ ମନ୍ତ୍ରୀ ନିତ୍ୟାନନ୍ଦ ରାୟ ଟୁଇଠ୍ କରି କଂଗ୍ରେସକୁ ଟାର୍ଗେଟ କରିଛନ୍ତି । ଖଡଗେ ପ୍ରଧାନମନ୍ତ୍ରୀଙ୍କୁ ବିଷଧର ସାପ କହି ଆପତ୍ତିଜନକ ଭାଷାର ବ୍ୟବହାର କରିଛନ୍ତି । ସମାଜରେ ବିଭାଜନର ଜହର, ଦେଶର ବିଭାଜନର ଜହର, ଭଷ୍ଟାଚାରର ଜହର ଓ ରାଜନୀତିରେ ବଂଶବାଦର ଜହର କଂଗ୍ରେସ ଖେଳାଇଛି ବୋଲି ସେ କହିଛନ୍ତି ।

Now Congress Presidnet Kharge calls Prime Minister Modi ‘poisonous snake’…

What started with Sonia Gandhi’s ‘maut ka saudagar’, and we know how it ended, the Congress continues to plummet to new depths.

The desperation shows Congress is losing ground in Karnataka and knows it. pic.twitter.com/75FECizSOW

— Amit Malviya (@amitmalviya) April 27, 2023

ସେହିପରି ବିଜେପି ଆଇଟି ସେଲର ମୁଖ୍ୟ ଅମିତ ମାଲବୀୟ କହିଛନ୍ତି ଯେ, ଏହି ବୟାନ ଦ୍ୱାରା କଂଗ୍ରେସର ହତାଶ ଭାବ ସାମ୍ନାକୁ ଆସୁଛି । ଦିନେ ସୋନିଆ ଗାନ୍ଧୀ ମୋଦୀଙ୍କୁ ମୌତ୍ କା ସୌଦାଗର ବୋଲି କହିଥିଲେ । ଆଜି ଆଉ ଜଣେ କଂଗ୍ରେସ ଅଧ୍ୟକ୍ଷ ଏବେ ମୋଦୀଙ୍କୁ ବିଷଧର ସାପ କହିଛନ୍ତି ।