ଚର୍ଚ୍ଚାରେ ମାଲକାନଗିରିର କ୍ଷୀର ବ୍ୟବସାୟୀ: ଲକଡାଉନ କଟକଣାରେ ବାଇକ ଚଢିବାକୁ ପ୍ରଶାସନର ବାରଣ; ସପ୍ତାହେ ହେଲା ଘୋଡାରେ ସହରକୁ ଆସି ଗ୍ରାହକଙ୍କୁ ଦେଉଛନ୍ତି କ୍ଷୀର
କନକ ବ୍ୟୁରୋ: ଘୋଡାରେ କ୍ଷୀର ବ୍ୟବସାୟ । ଆଜିର ଅତ୍ୟାଧୁନିକ ଯୁଗରେ କଥାଟା ଶୁଣିବାକୁ ଅଡୁଆ ଲାଗୁଥିଲେ ବି ସତ । ମାଲକାନାଗିରିରେ ଗତ ସପ୍ତାହେ ହେଲା ଲକଡ଼ାଉନ ନିୟମ କଡ଼ାକଡ଼ି କରାଯାଇଛି । ବିନା କାରଣରେ ବାଇକରେ ଯାତାୟତକୁ ବାରଣ କରାଯାଉଛି । ତେଣୁ ମାଲକାନାଗିରି ଏମଭି୪୨ର ଦୁଗ୍ଧ ଚାଷୀ କୃଷ୍ଣ ଚନ୍ଦ୍ର ମିସ୍ତ୍ରୀ ସବୁଦିନ ଘୋଡ଼ାରେ ବସି ସହରକୁ ଯାଇ କ୍ଷୀର ବିକ୍ରି କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କାଳେ କେହି ପୁଲିସ ହଇରାଣ କରିବ, ସେହି ଆଶଙ୍କାରେ ଗଳି କନ୍ଦି ରାସ୍ତା ଦେଇ ମାଲକାନଗିରି ସହରରେ ଗ୍ରାହକଙ୍କୁ କ୍ଷୀର ଦେଇ ଆସୁଛନ୍ତି । ସହରକୁ ଯାଇ ଘରେ ଉତ୍ପାଦିତ ୩୦ ଲିଟର କ୍ଷୀରକୁ ନିଜ ଗ୍ରାହକମାନଙ୍କୁ ଦେଉଛନ୍ତି । ମାଲକାନାଗିରି ପୌରାଂଚଳକୁ ସମ୍ପୁର୍ଣ୍ଣ ଲକଡ଼ାଉନ ରଖାଯିବା ସହ କଂଟେନମେଂଟ ଜୋନ ଘୋଷଣା କରାଯାଇଛି । ପନିପରିବା ଏବଂ ଗ୍ରୋସରୀ ସାମଗ୍ରୀ ହୋମ୍ ଡ଼େଲିଭରି କରାଯାଉଛି । ଔଷଧ ଦୋକାନ ଗୁଡିକ ଅଡ ଇଭେନ ଫର୍ମୂଲାରେ ଖୋଲା ହେଉଛି । ଏସବୁ କଟକଣା ଭିତରେ କ୍ଷୀର ବ୍ୟବସାୟୀ ଘୋଡାବାଲାକୁ ନେଇ ସହରରେ ଚର୍ଚ୍ଚା ଚାଲିଛି ।