ବନ୍ଧା ପଡ଼ିଛି ଆଦିବାସୀ ଛାତ୍ରୀଙ୍କ ଭବିଷ୍ୟତ । ୩ ବର୍ଷ ହେଲା ସାର୍ଟିଫିକେଟ୍ ଦେଉନି ସ୍କୁଲ । ହାଇକୋର୍ଟଙ୍କ ନିର୍ଦ୍ଦେଶ ପରେ ବି ମାଲକାନଗିରି ନର୍ସିଂ ସ୍କୁଲର ଭାଙ୍ଗୁନି ନିଦ
କନକ ବ୍ୟୁରୋ: ବର୍ଷ ବର୍ଷ ଧରି ବନ୍ଧା ପଡିଛି ଆଦିବାସୀ ଛାତ୍ରୀଙ୍କ ସାର୍ଟିଫିକେଟ । ହାଇକୋର୍ଟଙ୍କ ନିର୍ଦ୍ଦେଶ ପରେ ବି ଛାତ୍ରୀଙ୍କୁ ଶିକ୍ଷାଗତ ପ୍ରମାଣପତ୍ର ଫେରାଉନାହିଁ ଏଏନଏମ୍ ତାଲିମ କେନ୍ଦ୍ର । ଏପରି ଅଭାବନୀୟ ଖବର ଆସିଛି ମାଲକାନଗିରି ଜିଲ୍ଲାରୁ । ଗତ ୩ ବର୍ଷ ଧରି ପିଲାଙ୍କ ସମସ୍ତ ସାର୍ଟିଫିକେଟ ରଖି ସେମାନଙ୍କୁ ଠାରୁ ବେଆଇନ ଭାବେ ଟଙ୍କା ଆଦାୟ କରିଚାଲିଥିବା ଅଭିଯୋଗ ହୋଇଛି । ମାଲକାନଗିରି ଜିଲ୍ଲାର ୫୦ ରୁ ଅଧିକ ଛାତ୍ରୀଙ୍କ ସାର୍ଟିଫିକେଟ ଏବେ ମାଲକାନଗିରି ସ୍ଥିତ ଓଡିଶା ହେଲ୍ଥ ଏଜୁକେଶନ ଫର ସ୍କୁଲ ଅଫ ନର୍ସିଂ ନାମକ ଅନୁଷ୍ଠାନ ନିକଟରେ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଗତ ୧୨ ବର୍ଷ ଧରି ମାଲକାନଗିରି ଠରେ ପିଲାଙ୍କୁ ନର୍ସିଂ ତାଲିମ ଦେବା ନାଁରେ ଏହି ନର୍ସିଂ ତାଲିମ କେନ୍ଦ୍ର ଆଦିବାସୀ ଇଲାକାରେ ନିରୀହ ପିଲାଙ୍କୁ ବିଭିନ୍ନ ପ୍ରଲୋଭନ ଦେଖାଇ ଏପରି ହଇରାଣ କରି ଆସୁଛି । ୨୦୧୭-୧୮ ଓ ୨୦୧୮-୧୯ ଶିକ୍ଷା ବର୍ଷର ଛାତ୍ରୀମାନେ ନିଜ ପାଠ୍ୟକ୍ରମ ସାରିବା ପରେବି ଏଯାଏଁ ସଂସ୍ଥା ଫେରାଉନି ପ୍ରମାଣପତ୍ର । ଦଶମ ଓ ଯୁକ୍ତଦୁଇର ଶିକ୍ଷାଗତ ଅସଲି ପ୍ରମାଣପତ୍ର ରହିଛି ନର୍ସିଂ ସ୍କୁଲ କବଜାରେ । ୬ ସପ୍ତାହ ଭିତରେ ପିଲାଙ୍କ ସାର୍ଟିଫିକେଟ ଉଦ୍ଧାର କରିବା ଲାଗି ମାନ୍ୟବର ହାଇ କୋର୍ଟ ମାଲକାନଗିରି ପୁଲିସ କୁ ନିରଦେଶ ଦେଇ ଥିବା ଜଣା ପଡିଛି । ତେବେ ଇତି ମଧ୍ୟ ରେ ମାସ ପରେ ମାସ ବିତି ଯାଇ ଥିଲେ ହେଁ ସାର୍ଟିଫିକଟେ କିନ୍ତୁ ମିଳି ପାରି ନାହିଁ । ଜିଲ୍ଲାପାଳ ଓ ମାଲକାନଗିରି ପୁଲିସ କୁ ଗୁହାରି କରି ମଧ୍ୟ କୌଣସି ସୁଫଳ ପାଇ ନାହାନ୍ତି ଛାତ୍ରୀ ମାନେ ।