ମାଲ୍ୟବନ୍ତ ମହୋତ୍ସବରେ ଅଘଟଣ : ଦଳାଚକଟାରେ ୧୦ରୁ ଅଧିକ ଆହତ; ଏକାଠି ହୋଇଥିଲେ ୫୦ ହଜାରରୁ ଅଧିକ ଲୋକ
କନକ ବ୍ୟୁରୋ : ମାଲକାନଗିରି ମାଲ୍ୟବନ୍ତ ମହୋତ୍ସବରେ ଅଘଟଣ । ଦଳାଚକଟାରେ ୧୦ରୁ ଅଧିକ ଆହତ । ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଆହତଙ୍କ ଚାଲିଛି ଚିକିତ୍ସା । ସାମାନ୍ୟ ଆହତ ହୋଇଥିବା କିଛି ଦର୍ଶକ ସୁସ୍ଥ ହୋଇ ଘରକୁ ଫେରିଛନ୍ତି । ଗତକାଲି ଥିଲା ମାଲ୍ୟବନ୍ତ ମହୋତ୍ସବର ତୃତୀୟ ସଂଧ୍ୟା । ୫୦ ହଜାରରୁ ଅଧିକ ଦର୍ଶକ ମହୋତ୍ସବରେ ଯୋଗଦେବା ପାଇଁ ଆସିଥିଲେ । ଭିଡକୁ ନିୟନ୍ତ୍ରଣ କରିବା ପାଇଁ ନାକେଦମ୍ ହୋଇଥିଲା ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ଭିଡ ନିୟନ୍ତ୍ରଣ ପାଇଁ ମାଲ୍ୟବନ୍ତ ପଡ଼ିଆର ମୁଖ୍ୟ ଫାଟକକୁ ପୋଲିସ ବନ୍ଦ କରିଦେଇଥିବା କୁହାଯାଉଛି । ଏଥିପାଇଁ ଠେଲାପେଲା ହୋଇଥିବା ପ୍ରତ୍ୟକ୍ଷଦର୍ଶୀ ଓ ଆହତମାନେ କହିଛନ୍ତି । ତୃତୀୟ ସଂଧ୍ୟାର ମୁଖ୍ୟ ଆକର୍ଷଣ ଥିଲା କଣ୍ଠଶିଳ୍ପୀ ମଂଟୁ ଛୁରିଆ ଓ ଅସୀମା ପଣ୍ଡା । ଦୁଇ କଳାକାରଙ୍କ ଗୀତ ଶୁଣିବା ପାଇଁ ହଜାର ହଜାର ଦର୍ଶକ ଏକାଠି ହୋଇଥିଲେ । ଏହି ସମୟରେ ଠେଲାପେଲା ହେବାରୁ ୧୦ରୁ ଅଧିକ ଆହତ ହୋଇଛନ୍ତି ।