ବନ୍ୟା ଫେରିଲା ମାଲକାନଗିରିକୁ । ରାଜରାସ୍ତାରେ ଚାଲିଲା ପାଣି, କାଲିମେଳା-ପଡିଆ ମଧ୍ୟରେ ଯୋଗାଯୋଗ ବିଚ୍ଛିନ୍ନ

65

କନକ ବ୍ୟୁରୋ : ମାଲକାନଗିରିରେ ପୁଣି ବନ୍ୟା ପରିସ୍ଥିତି । କେବଳ ୩୨୬ ନମ୍ବର ଜାତୀୟ ରାଜପଥ ନୁହେଁ ଜିଲ୍ଲାର ଆଭ୍ୟନ୍ତରୀଣ ଅଂଚଳକୁ ଯୋଗାଯୋଗ କରୁଥିବା ମୁଖ୍ୟରାସ୍ତାଗୁଡିକରେ ଜାତାୟାତ ଠପ ହୋଇଯାଇଛି । କନ୍ୟାଶ୍ରମଠାରେ ପୋଲ ଉପରେ ବନ୍ୟାଜଳ ପ୍ରବାହିତ ହେଉଥିବାରୁ କାଲିମେଳା-ପଡିଆ ମଧ୍ୟରେ ଯୋଗା ଯୋଗ ବିଚ୍ଛିନ୍ନ ହୋଇଛି । ସେହିପରି ସାବେରୀର ବନ୍ୟା ପାଣି ଯୋଗୁଁ ପଡିଆଠାରୁ ସିମିଳିବାଂଛା, ଏମଭି-୬୬, ଏମଭି-୫୯, ଉଣ୍ଡୁରୁକୁଣ୍ଡା ଆଦି ଅଂଚଳ ସହ ଯୋଗା ଯୋଗ ବିଚ୍ଛିନ୍ନ ରହିଛି ।

ବଣ୍ଡା ଘାଟି ସହିତ ଯୋଗା ଯୋଗ କରୁଥିବା ମୁଖ୍ୟରାସ୍ତାରେ ଭୁସ୍ଖଳନ ଯୋଗୁଁ ଯାତାୟାତ ଠପ ହୋଇଛି । ଅଗ୍ନିଶମ ଅଧିକାରୀ ସେଠାରେ ପହଂଚି ଗଛକାଟି, ମାଟିକୁ ସଫା କରିଛନ୍ତି । ଭାରତୀୟ ପାଣିପାଗ ବିଭାଗ ପକ୍ଷରୁ ଆଗାମୀ ୨୪ଘଂଟା ଯାଏ ମାଲକାନଗିରି ଜିଲ୍ଲାରେ ରେଡ ଆଲର୍ଟ ଜାରି ହୋଇଛି । ତେଣୁ ତଳିଆ ଅଂଚଳକୁ ଖାଲି କରିବା ଲାଗି ପ୍ରଶାସନ ପକ୍ଷରୁ ଘୋଷଣା କରାଯାଇଛି ।

Comments are closed.