ନୀତି ଆୟୋଗ ରିପୋର୍ଟ : ୫ ବର୍ଷରେ ଓଡ଼ିଶାରେ ୬୨ ଲକ୍ଷରୁ ଅଧିକ ଲୋକ ଦାରିଦ୍ର୍ୟ ମୁକ୍ତ; ରାଜ୍ୟରେ ମାଲକାନଗିରି ସବୁଠୁ ଗରିବ

କନକ ବ୍ୟୁରୋ : ପ୍ରକାଶ ପାଇଛି ନୀତି ଆୟୋଗ ରିପୋର୍ଟ । ଗତ ୫ ବର୍ଷ ଭିତରେ ଦେଶ ଦାରିଦ୍ର୍ୟ ଦୂରୀକରଣରେ ଏକ ବଡ଼ ସଫଳତା ହାସଲ କରିଛି । ଏ ୫ ବର୍ଷ ଭିତରେ ୧୩ କୋଟି ୫୦ ଲକ୍ଷ ଲୋକ ଦାରିଦ୍ର୍ୟ କବଳରୁ ମୁକ୍ତ ହୋଇଛନ୍ତି । ଓଡ଼ିଶାରେ ଏ ସଂଖ୍ୟା ୬୨ ଲକ୍ଷ ୬୨ ହଜାର ୮୫୨ । ହେଲେ ବିଡମ୍ବନାର କଥା ଏବେବି ରାଜ୍ୟର ଆଦିବାସୀ ବହୁଳ ଓ ଉପାନ୍ତ ଅଂଚଳ ଗୁଡ଼ିକରେ ଦାରିଦ୍ର୍ୟ ହାର ବେଶ ଚିନ୍ତାଜନକ । ଆଉ ଏ ଚିନ୍ତାକୁ ଅଧିକ ବଢ଼ାଇଛି ମାଲକାନାଗିରି ।

କାରଣ ମାଲକାନାଗିରିର ଦାରିଦ୍ର୍ୟ ହାର ରାଜ୍ୟର ସର୍ବାଧିକ । ଏଠାରେ ୪୫ ଦଶମିକ ୦୧ ପ୍ରତିଶତ ଦାରିଦ୍ର୍ୟ ହାର ଥିବା ବେଳେ ୩୪ ଦଶମିକ ୦୩ ସହ ରାୟଗଡ଼ା ଦ୍ୱିତୀୟରେ ରହୁଛି । ତା ପଛକୁ ପଛ ରହୁଛି କୋରାପୁଟ ଓ ନବରଙ୍ଗପୁର । ତ ମୋଟା ମୋଟି କହିଲେ, ଅଭିଭକ୍ତ କୋରାପୁଟ ଜିଲ୍ଲାର ସବୁ ଅଞ୍ଚଳରେ ଦାରିଦ୍ର୍ୟର ଚିତ୍ର ଏ କ୍ଷେତ୍ରରେ ଉପକୂଳବର୍ତ୍ତୀ ଜିଲ୍ଲାଗୁଡ଼ିକ ବେଶ ଭଲରେ ଥିବା ବେଳେ ପୁରୀରେ ଦାରିଦ୍ର୍ୟ ହାର ସର୍ବନିମ୍ନ ୩ ଦଶମିକ ୨୯ ପ୍ରତିଶତ ରହିଛି । ପ୍ରଶ୍ନ ଆସୁଛି ମାଲକାନାଗିରିର ସର୍ବାଙ୍ଗୀନ ଉନ୍ନତି ପାଇଁ ସରକାର ଏତେ ସବୁ ଯୋଜନା କରୁଥିବା ବେଳେ ଏଠାରେ ଗରିବ ହାର ଏତେ ଅଧିକ କାହିଁକି ।