ଦେଢ ଶହ ବର୍ଷ ତଳର ମାଲଗୋଦାମ କଟକରୁ ଉଠିଯିବ : ନୂଆ ମାଲଗୋଦାମ ପାଇଁ ବ୍ୟବସାୟୀ ସଙ୍ଘର ରୂପରେଖ ପ୍ରସ୍ତୁତ

କନକ ବ୍ୟୁରୋ : ଦେଢ ଶହ ବର୍ଷ ତଳର ମାଲଗୋଦାମ କଟକରୁ ଉଠିଯିବ । ଫୁଲନଖରାରୁ ମଙ୍ଗୁଳି ଭିତରେ ଜାତୀୟ ରାଜପଥ ପାଶ୍ୱର୍କୁ ସ୍ଥାନାନ୍ତର କରିବାକୁ ବ୍ୟବସାୟୀ ସଂଘ ନିଷ୍ପତ୍ତି ନେଇଛି । ନୂଆ ମାଲଗୋଦାମ ପାଇଁ ବ୍ୟବସାୟୀ ସଂଘ ଚୂଡାନ୍ତ ରୁପରେଖ ପ୍ରସ୍ତୁତ କରିସାରିଛନ୍ତି । ଖୁବ ଶୀଘ୍ର ରାଜ୍ୟ ସରକାରଙ୍କୁ ଏନେଇ ପ୍ରସ୍ତାବ ଦିଆଯିବ ବୋଲି ସୂଚନା ମିଳିଛି । ଖୁଚୁରା ବ୍ୟବସାୟୀମାନେ କଟକର ପୁରୁଣା ମାଲଗୋଦାମରେ ରହିବେ ।

କେବଳ ୩ଶହ ଛୋଟ, ବଡ ମାଲଗୋଦାମ ସ୍ଥାନାନ୍ତର ହେବ ବୋଲି ସୂଚନା ମିଳିଛିା ନଅଙ୍କ ଦୁର୍ଭିକ୍ଷ ପରେ ପରେ ଆରମ୍ଭ ହୋଇଥିବା ମାଲଗୋଦାମ ପ୍ରାୟ ୬୦ ଏକର ଜମିରେ ରହିଛି । ଦୈନିକ ଏଠାରେ ୨୦ କୋଟି ଟଙ୍କାର କାରବାର ହେଉଥିବା ବେଳେ ୪ ହଜାର ଲୋକଙ୍କ ଚଳପ୍ରଚଳ ହେଉଛି । ହେଲେ ଏବେ ଡ୍ରେନଜ ଅବ୍ୟବସ୍ଥା, ଅଣଓସାରିଆ ଗଳିକନ୍ଦି ରାସ୍ତା ସମସ୍ୟା, ପାର୍କିଂସ୍ଥାନରୁ ମାଲ ଅନଲୋଡିଂ କରି ମାଲଗୋଦାମକୁ ନେବା ମଧ୍ୟ ଅସୁବିଧା ସୃଷ୍ଟି କରୁଛି । ତେଣୁ ମାଲଗୋଦାମକୁ ଅନ୍ୟତ୍ର ସ୍ଥାନାନ୍ତର ପାଇଁ ଦାବି ହେଉଛି ।