ଦୁର୍ବଳ ଦାନ୍ତ ଏବଂ ମାଢିକୁ ମଜଭୂତ କରିଥାଏ ଏହି ୭ଟି ଘରୋଇ ଉପଚାର !
ସଫା ଦାନ୍ତ ଏବଂ ମଜଭୂତ ମାଢି ହେଉଛି ସୁସ୍ଥ ଦାନ୍ତର ପରିଚୟ । ମାଢି ସୁସ୍ଥ ରହିଲେ କୌଣସି ସମସ୍ୟା ହୋଇନଥାଏ । କିନ୍ତୁ ଯଦି ମାଢି ଦୁର୍ବଳ ହୋଇଯାଏ ତେବେ ବିଭିନ୍ନ ପ୍ରକାର ସମସ୍ୟା ଉପୁଜିଥାଏ । ଦୁର୍ବଳ ଦାନ୍ତ ଏବଂ ମାଢି ଯୋଗୁଁ ଖାଦ୍ୟ ପାନୀୟରେ ମଧ୍ୟ ଅନେକ ସମସ୍ୟା ହୋଇଥାଏ । କୌଣସି ଥଣ୍ଡା କିମ୍ବା ଗରମ ଖାଦ୍ୟ ଖାଇବା ବେଳେ ଦାନ୍ତ ମୂଳ ଝିମ୍ ଝିମ୍ ହୋଇଥାଏ । ତେବେ ଦାନ୍ତ ଏବଂ ମାଢିକୁ ମଜଭୂତ ରଖିବା ପାଇଁ କେବଳ ବ୍ରଶ୍ କରିବା ଯଥେଷ୍ଟ ନୁହେଁ । ସେଥିପାଇଁ ବିଶେଷ ଧ୍ୟାନ ରଖିବାକୁ ପଡିଥାଏ ।
Kanak News is now on WhatsApp
Join and get latest news updates delivered to you via WhatsApp
ଯଦି ଆପଣ ବି ଦୁର୍ବଳ ମାଢି ପାଇଁ ଚିନ୍ତିତ ତେବେ ନଜର ପକାନ୍ତୁ କିଛି ସହଜ ଘରୋଇ ଉପଚାର ଉପରେ ।
ମୂଳା : ମୂଳାରେ ପ୍ରଚୁର ପରିମାଣର କ୍ୟାଲସିୟମ୍ ଥାଏ । ତେଣୁ ପ୍ରତିଦିନ ମୂଳା ଖାଇଲେ କମଜୋର୍ ଦାନ୍ତ ଏବଂ ମାଢି ମଜଭୂତ ହୋଇଥାଏ ।
ମେଥୀ : ମେଥୀକୁ ପାଣିରେ କିଛି ସମୟ ଫୁଟାଇ ସେହି ପାଣିକୁ ଥଣ୍ଡା କରନ୍ତୁ । ଥଣ୍ଡା ହୋଇଯିବା ପରେ ପାଣିକୁ ଦାନ୍ତରେ ଘଷନ୍ତୁ । ନିୟମିତ ଏପରି କଲେ କମଜୋର ଦାନ୍ତ ଏବଂ ମଜଭୂତ ହେବା ସହ ଦାନ୍ତରେ ହେଉଥିବା ପୀଡା ମଧ୍ୟ ଦୂର ହୋଇଥାଏ ।
ବାଦାମ : ଦାନ୍ତ ପାଇଁ ଖୁବ୍ ଲାଭଦାୟକ ହେଉଛି ବାଦାମ । ଏହାକୁ ଭଲ ଭାବରେ ଚୋବାଇ ଖାଇଲେ ଦାନ୍ତ ଏବଂ ମାଢି ମଜଭୂତ ହୋଇଥାଏ ।
ମଂଜୁଆତି ପତ୍ର : ଯଦି ଆପଣଙ୍କ ଦାନ୍ତ ଖୁବ୍ ଦୁର୍ବଳ ଏବଂ ସମୟ ସମୟରେ ରକ୍ତ ବାହାରୁଛି ତେବେ ଏଥିପାଇଁ ଭଲ ଔଷଧ ହେଉଛି ମଂଜୁଆତି ପତ୍ର । ଏପରି ସମସ୍ୟା ଦେଖାଦେଲେ ମଂଜୁଆତି ପତ୍ରକୁ ଫୁଟାଇ ପାଣିକୁ ଥଣ୍ଡା କରନ୍ତୁ । ଏହାପରେ ସେହି ପାଣିକୁ କୁଳି କରନ୍ତୁ । ନିୟମିତ ଏପରି କଲେ ଦାନ୍ତର ବିଭିନ୍ନ ସମସ୍ୟାରୁ ମୁକ୍ତି ମିଳିଥାଏ ।
ଜାମୁ କୋଳି : ଜାମୁ କୋଳିର ମଂଜିକୁ ଭଲ ଭାବରେ ଶୁଖାଇ ଗୁଣ୍ଡ କରନ୍ତୁ । ଏହା ପରେ ସେଥିରେ ଅଳ୍ପ ସୈନ୍ଧବ ଲୁଣ ଏବଂ କିଛି ଗୋଲମରିଚ ଗୁଣ୍ଡ ମିଶାଇ ଦାନ୍ତରେ ଘଷନ୍ତୁ । ନିୟମିତ ଏପରି କଲେ ଦାନ୍ତ ମଜଭୂତ ହୋଇଥାଏ ।
ଡାଳିମ୍ବ : ଡାଳିମ୍ବର ଫୁଲକୁ ଛାଇରେ ଭଲ ଭାବରେ ଶୁ୍ଖାଇ ଗ୍ରାଇଣ୍ଡିଂ କରି ଛାଣି ଦିଅନ୍ତୁ । ନିୟମିତ ଏହି ଗୁଣ୍ଡକୁ ଘଷିଲେ ଦାନ୍ତ ମଜଭୂତ ହୋଇଥାଏ ।
ଲେମ୍ବୁ : ଲେମ୍ବୁରେ ଭିଟାମିନ୍ ସି ଭରପୁର ରହିଛି । ଯାହାକୁ ଦାନ୍ତକୁ ମଜଭୂତ କରିବାରେ ସାହାଯ୍ୟ କରିଥାଏ । ଲେମ୍ବୁ ରସରେ ସାଧାରଣ ଲୁଣ ଏବଂ କିଛି ବୁନ୍ଦା ସୋରିଷ ତେଲ ମିଶାନ୍ତୁ । ଦାନ୍ତରେ ଧୀରେ ଧୀରେ ଏହି ମିଶ୍ରଣକୁ ମାଲିସ କରନ୍ତୁ । ନିୟମିତ ଏପରି କଲେ ଦାନ୍ତ ମଜଭୂତ ହୋଇଥାଏ ।