ଗୋଟିଏ ପଟେ ମା’,ସ୍ତ୍ରୀ,ବୋହୂର ଦାୟିତ୍ୱ ଆଉ ଗୋଟିଏ ପଟେ ଦେଶସେବା ! ଦୁଇଟିକୁ ଖୁବ୍ ସୁଚାରୂରୁପେ ବହନ କରିଛନ୍ତି ମେଜର୍ ପ୍ରେରଣା ସିଂହ ।
ରାଜସ୍ଥାନର ଯୋଧପୁରରେ ଜନ୍ମିଥିବା ପ୍ରେରଣା ସିଂହ ସମାଜ ପାଇଁ ଏକ ଉଦାହରଣ ସାଜିଛନ୍ତି କହିଲେ ଅତ୍ୟୁକ୍ତି ହେବ ନାହିଁ । ଭାରତୀୟ ସ୍ଥଳସେନାରେ ମେଜର୍ ରହିଥିବା ସତ୍ତେ୍ୱ ସେ ଜଣେ ଆଦର୍ଶ ବୋହୂ , ପତ୍ନୀ ଏବଂ ମା’ ଭୂମିକା ତୁଲାଇବାରେ ପଛଘୁଞ୍ଚା ଦେଇନାହାନ୍ତି । ଏଥିପାଇଁ ତାଙ୍କ ସ୍ୱାମୀ , ଶାଶୁ ଏବଂ ଶ୍ୱଶୁର ମଧ୍ୟ ତାଙ୍କୁ ସମ୍ପୁର୍ଣ୍ଣ ସହଯୋଗ କରନ୍ତି । ସେ ୨୦୧୧ ରେ ଆର୍ମି ଜଏନ୍ କରିଥିଲେ ଏବଂ ବିବାହ ୫ ବର୍ଷ ପୂର୍ବେ ହୋଇଥିଲା । ତାଙ୍କ ସ୍ୱାମୀ ମନ୍ଧାନା ସିଂହ ପେସାରେ ଜଣେ ଓକିଲ ଏବଂ ଦୁହିଁଙ୍କ ୩ ବର୍ଷର ଏକ ଝିଅ ମଧ୍ୟ ରହିଛି । ତାଙ୍କ ଶାଶୂଘର ଲୋକ ମଧ୍ୟ ବୋହୂର ଏହି ସଫଳତାରେ ଖୁବ୍ ଖୁସି ଅଛନ୍ତିି । ଗାଁରୁ ତାଙ୍କ ବୋହୂ ପ୍ରଥମ ମହିଳା ଯେ ଆର୍ମିରେ ପୋଷ୍ଟେଡ୍ ରହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପ୍ରେରଣା ଘରେ ଥିବା ସମୟରେ ରାଜପୁତଙ୍କ ପାରମ୍ପରିକ ପୋଷାକରେ ରହିବାକୁ ପସନ୍ଦ କରିଥାନ୍ତି । ତାଙ୍କୁ ଏଭଳି ପୋଷାକରେ ଦେଖି କେହି ଭାବି ବି ପାରିବେ ନାହିଁ କି ସେ ଜଣେ ଆର୍ମି ଅଫିସର । ତେବେ ପ୍ରେରଣାଙ୍କ ସଫଳତା ଏବଂ ଦାୟିତ୍ୱ ଏବେ ସମାଜ ପାଇଁ ଏକ ଉଦାହରଣ ସୃଷ୍ଟି କରିଛି ।