ଦୁର୍ଘଟଣାରେ ଦୁଇ ଗୋଡ, ଗୋଟେ ହାତ ହରାଇବା ପରେ ବି ହାର ମାନିନଥିଲେ ସୁରଜ । ପ୍ରଥମ ଚେଷ୍ଟାରେ ୟୁପିଏସସି ପରୀକ୍ଷା କ୍ଲିୟର କଲେ, ଅନ୍ୟଙ୍କ ପାଇଁ ଉଦାହଣ ପାଲଟିଲେ
କନକ ବ୍ୟୁରୋ : ୟୁପିଏସସି ଏକ କଠିନ ପରୀକ୍ଷା । ଅନେକ ଛାତ୍ରଛାତ୍ରୀ ଏହି ପରୀକ୍ଷରେ କୃତକାର୍ଯ୍ୟ ହେବା ପାଇଁ ଦିନ ରାତି ପରିଶ୍ରମ କରିଥାନ୍ତି । ଭଲ କୋଚିଂ ମଧ୍ୟ ନେବାକୁ ପଡିଥାଏ । ତଥାବି ଏଥିରେ ସହଜରେ ସଫଳତା ହାସଲ କରିପାରନ୍ତି ନାହିଁ । ଆଉ ହାର ମାନିନିଅନ୍ତି । କାରଣ ଦିନରାତି ପାଠ ପଢିବା ସମସ୍ତଙ୍କ ଦ୍ୱାରା ସମ୍ଭବ ହୋଇନଥାଏ । କିନ୍ତୁ ଅନେକ କଷ୍ଟ ଯନ୍ତ୍ରଣା ପରେ ଜଣେ ଯୁବକ ୟୁପିଏସି କ୍ଲିୟର କରି ଅନ୍ୟଙ୍କ ପାଇଁ ଉଦାହରଣ ପାଲଟିଯାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ୟୁପିର ସୁରଜ ତିୱାରୀ ନାମକ ଜଣେ ଛାତ୍ର ଅନ୍ୟ ପିଲାଙ୍କ ଭଳି ଖେଳ କୁଦ କରି ମଜ୍ଜାମସ୍ତି କରି ପାଠ ପଢୁଥିଲେ । କିନ୍ତୁ ୨୦୧୭ରେ ଏକ ଦୁର୍ଘଟଣା ତାଙ୍କ ଜୀବନର ମୋଡ ବଦଳାଇଦେଲା । ୨୦୧୭ରେ ଏକ ଟ୍ରେନ୍ ଦୁର୍ଘଟଣାରେ ସୁରଜ ତାଙ୍କର ଦୁଇ ଗୋଡ ଏବଂ ଗୋଟିଏ ହାତ ହରାଇଦେଇଥିଲେ । ଅନ୍ୟ ହାତର ଦୁଇଟି ଆଙ୍ଗୁଠିବି ହରାଇଦେଇଥିଲେ ସୁରଜ । ଏତେ ବଡ ଦୁର୍ଘଟଣା ପରେ ବି ସୁରଜ ଅନ୍ୟଙ୍କଠୁ ନିଜକୁ କେବେ କମ୍ ଭାବିନଥିଲେ । ତାଙ୍କ ଦୃଢ ଇଛାଶକ୍ତି ତାଙ୍କୁ ଆଗକୁ ବଢିବା ପାଇଁ ପ୍ରେରଣା ଦେଇଥିଲା । ନିଜ ସ୍ୱପ୍ନକୁ ପୂରା କରିବା ପାଇଁ ସେ ୟୁପିଏସସି ପରୀକ୍ଷା ଦେବାକୁ ସ୍ଥିର କରିଥିଲେ । ଆଉ ଏଥିପାଇଁ କଠିନ ପରିଶ୍ରମ କରିଥିଲେ । ଆଉ ପ୍ରଥମ ଚେଷ୍ଟାରେ ହିଁ ୟୁପିଏସସି ପରୀକ୍ଷାରେ ଉତ୍ତିର୍ଣ୍ଣ ହୋଇଥିଲେ । ଦୁର୍ଘଟଣା ପରେ ପୂରା ପରିବାର ଦୁଃଖରେ ଭାଙ୍ଗିପଡିଥିବା ବେଳେ ସୁରଜ କିନ୍ତୁ ଭାଙ୍ଗିଯାଇନଥିଲେ । କଠିନ ପରିଶ୍ରମ ବଳରେ ସ୍ୱପ୍ନକୁ ପୂରା କରିପାରିଥିଲେ । ସବୁଠୁ ବଡ କଥା ହେଉଛି ୟୁପିଏସସି ପରୀକ୍ଷା ପାଇଁ ସୁରଜ କୌଣସି କୋଚିଂ ନେଇନଥିଲେ । ଘରେ ନିଜେ ପାଠପଢି ସଫଳତାକୁ ହାସଲ କରିଥିଲେ । ୟୁପିଏସସି ପରୀକ୍ଷାରେ ସେ ୯୭୧ରାଙ୍କରେ ଆସିଥିଲେ ।