ଏକନାଥ ସିନ୍ଦେ କହିଲେ ବିଧାୟକଙ୍କ ବିଦ୍ରୋହର କାରଣ। ପ୍ରଧାନମନ୍ତ୍ରୀ କଣ ଦେଇଥିଲେ ମନ୍ତ୍ର? ପଢନ୍ତୁ…
କନକ ବ୍ୟୁରୋ: ମହାରାଷ୍ଟ୍ରର ନୂଆ ମୁଖ୍ୟମନ୍ତ୍ରୀ ଏକନାଥ ସିନ୍ଦେ ବିଦ୍ରୋହ ସମ୍ପର୍କରେ ମୁହଁ ଖୋଲିଛନ୍ତି । କାହିଁକି ଶିବସେନାର ବିଧାୟକ ବିଦ୍ରୋହ କଲେ ଏବଂ ବିଜେପି ସହ ମିଳିତ ଭାବେ ସରକାର କଲେ ସେନେଇ ମୁହଁଖୋଲିଛନ୍ତି । ମୁଖ୍ୟମନ୍ତ୍ରୀ ଏକନାଥ ସିନ୍ଦେ ବୁଧବାର କହିଛନ୍ତି, ଶିବସେନା ବିଧାୟକ ମହାବିକାଶ ଅଘାଡି ସରକାରରେ କାମ କରିପାରୁନଥିଲେ । ଶିବସେନା-ବିଜେପି ମିଳିତ ଭାବେ ନିର୍ବାଚନ ଲଢିଥିଲେ । ତେବେ ସରକାର ଗଠନ କରିଥିଲେ ଶିବସେନା-ଏନସିପି-କଂଗ୍ରେସ ମେଣ୍ଟ । ଏହି କାରଣରୁ ଯେତେବେଳେ ହିନ୍ଦୁତ୍ୱର ପ୍ରସଙ୍ଗ ଆସିଥିଲା, ଦାଉଦର ପ୍ରସଙ୍ଗ ଆସିଥିଲା ସେତେବେଳେ ଶିବସେନା ନିର୍ଣ୍ଣୟ ନେଇପାରୁନଥିଲା । ଉଦ୍ଧବ ଠାକରେ ହିନ୍ଦୁତ୍ୱ ବିଚାରଧାରାକୁ ପଛରେ ଛାଡିଦେଇଥିଲେ । ଏଥିପାଇଁ ହିନ୍ଦୁତ୍ୱର ପତାକା ତାଙ୍କୁ ଉଡାଇବାକୁ ପଡିଲା ।
Kanak News is now on WhatsApp
Join and get latest news updates delivered to you via WhatsApp
ଖବର ସରବରାହ ସଂସ୍ଥା ଏଏନଆଇକୁ ସାକ୍ଷାତକାର ଦେଇ ଏକନାଥ କହିଛନ୍ତି, ଆମ ସରକାରକୁ ବିଜେପିର ସମର୍ଥନରୁ ସ୍ପଷ୍ଟ ବାରିହେଉଛି କେବଳ ସରକାର ଗଢିବା ପାଇଁ ନୁହେଁ ବିଚାରଧାରା ପାଇଁ ମଧ୍ୟ ସମର୍ଥନ ରହିଛି । ସେ ଆହୁରି ମଧ୍ୟ କହିଛନ୍ତି ଲୋକଙ୍କୁ ଲାଗୁଛି ବିଜେପି ସରକାରରେ ଆସିବା ପାଇଁ କିଛିବି କରିଥାଏ । ତେବେ ସେ ସମସ୍ତ ଦେଶବାସୀଙ୍କୁ କହିରଖିବାକୁ ଚାହୁଁଛି ଯେ ଏହି ୫୦ ଜଣ ହିନ୍ଦୁତ୍ୱ ପାଇଁ ପ୍ରମୁଖ ଭୂମିକା ନେଇଛନ୍ତି । ଏମାନଙ୍କର ଏଜେଣ୍ଡା ହିନ୍ଦୁତ୍ୱର, ବିକାଶର ତେଣୁ ସମସ୍ତେ ସମର୍ଥନ ପାଇଁ ଆସିଥିଲେ । ଆମଠାରୁ ଅଧିକ ବିଧାୟକ ଥାଇ ମଧ୍ୟ ବିଜେପି ଆମକୁ ସମର୍ଥନ କରିଛି । ମୁଖ୍ୟମନ୍ତ୍ରୀ ପଦ ପାଇଁ ଆମକୁ ସମର୍ଥନ ଦେଇଛି । ପ୍ରଧାନମନ୍ତ୍ରୀ ମୋଦି ଏକନାଥ ସିନ୍ଦେଙ୍କୁ କହିଥିଲେ ଯେ ସେ ରାଜ୍ୟକୁ ଆଗକୁ ନେବେ, ବିକାଶକୁ ତ୍ୱରାନ୍ୱିତ କରିବେ । କେନ୍ଦ୍ର ସରକାରଙ୍କ ପୂର୍ଣ୍ଣ ଆଶ୍ୱସନା ପରେ ଆମେ ଏହି ନିଷ୍ପତ୍ତି ନେଇଥିଲୁ ।