ଧୋନୀଙ୍କୁ ଭେଟିବାକୁ ପ୍ରଶଂସକ କଲେ ଏଭଳି କାମ, ଭେଟିବା ପରେ ଏମିତି ଉତ୍ତର ଦେଲେ ଧୋନୀ
କନକ ବ୍ୟୁରୋ : ସାରା ବିଶ୍ୱରେ କ୍ରିକେଟର ମହେନ୍ଦ୍ର ସିଂ ଧୋନୀଙ୍କର କୋଟି କୋଟି ପ୍ରଶଂସକ ରହିଛନ୍ତି । ହେଲେ ଏମିତି କିଛି ପ୍ରଶଂସକ ଅଛନ୍ତି ସେମାନେ ଧୋନୀଙ୍କର ଟିକେ ଝଲକ ପାଇବାକୁ କିଛି ବି କରିବାକୁ ପ୍ରସ୍ତୁତ । ଧୋନୀଙ୍କର ଏଭଳି ଜଣେ ପ୍ରଶଂସକ ହେଉଛନ୍ତି ଅଜୟ ଗିଲ, ଯେ କି ଧୋନୀଙ୍କୁ ଭେଟିବାକୁ ସୁଦୂର ହରିଆଣାରୁ ୧୪୩୬ କିଲୋମିଟର ପାଦରେ ଚାଲି ରାଂଚି ପହଂଚିଛନ୍ତି । ଏସବୁ କଷ୍ଟ ସେ ସେତେବେଳେ ଭୂଲି ଯାଇଛନ୍ତି ଯେତେବେଳେ ପାଖରେ ସେ ମହାନ କ୍ରିକେଟର ଧୋନୀଙ୍କୁ ପାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଅଜୟ ଗିଲ୍ ଧୋନୀଙ୍କୁ ଭେଟିବା ପରେ ପ୍ରଥମେ ତାଙ୍କ ସହ ଗଳା ମିଳାଇ ତାଙ୍କୁ ଆଇ ଲଭ ୟୁ କହିଥିଲେ । ଏହାସହ ଧୋନୀ ପ୍ରଶଂସକଙ୍କ ପାଇଁ ବିମାନ ଟିକେଟର ବ୍ୟବସ୍ଥା କରି ତାଙ୍କୁ ପୁଣି ରାଞ୍ଚିରୁ ହରିଆଣା ପଠାଇବାର ବ୍ୟବସ୍ଥା କରିଛନ୍ତି । ଅଜୟ ଗିଲ ମହେନ୍ଦ୍ର ସିଂ ଧୋନୀଙ୍କ ପାଖରେ ପହଂଚିବା ପରେ ଉଭୟଙ୍କ ମଧ୍ୟରେ କେବଳ ଭେଟ ହୋଇ ନଥିଲା । ଏହି ଅବସରରେ ଧୋନୀ ଅଜୟଙ୍କୁ ତାଙ୍କର ଫାର୍ମ ହାଉସ ବି ବୁଲାଇ ଦେଖାଇଥିଲେ ।
କହିରଖୁ କି, ହରିଆଣାର ଜଲାନ ଖେଡା ଜିଲ୍ଲାର ୧୮ ବର୍ଷିୟ ଅଜୟ ଗିଲଙ୍କୁ ଧୋନୀଙ୍କର ଜଣେ ବଡ ପ୍ରଶଂସକ ଭାବେ ସମସ୍ତେ ଜାଣିଥାନ୍ତି । ଧୋନୀଙ୍କୁ ଭେଟିବାକୁ ସେ ୧୮ ଦିନ ଧରି ହରିଆଣାରୁ ରାଞ୍ଚି ପଦଯାତ୍ରା ଆରମ୍ଭ କରିଥିଲେ । ଧୋନୀଙ୍କୁ ଭେଟିବା ପରେ ତାଙ୍କ ଜୀବନ ଧନ୍ୟ ହୋଇଯାଇଥିବା କଥା ଅଜୟ କହିଛନ୍ତି ।
ଅଜୟ ଗିଏ ନିଜ ବାବଦରେ କହିବାକୁ ଯାଇ କହିଛନ୍ତି କି, ସେ ପ୍ରତିଜ୍ଞା କରିଥିଲେ କି ଯେତେବେଳେ ପର୍ଯ୍ୟନ୍ତ ତାଙ୍କୁ ଧୋନୀ ଆର୍ଶିବାଦ ନକରିଛନ୍ତି ସେ କ୍ରିକେଟ ଖେଳିବେ ନାହିଁ । ଅନ୍ୟପଟେ ୨୦୨୦ ଅଗଷ୍ଟ ୧୫ ତାରିଖରେ ଧୋନୀ କ୍ରିକେଟ ଛାଡିବା ପରେ ସେ ବି କ୍ରିକେଟ ଖେଳିବା ଛାଡି ଦେଇଥିଲେ । ଏବେ ପୁଣିଥରେ ଅଜୟ କ୍ରିକେଟ ଖେଳିବା ଆରମ୍ଭ କରିଛନ୍ତି । ଅଜୟ ଏବେ ଯୁକ୍ତ ଦୁଇ ପାସ କରି ନିଜ ସହରରେ ଜଣେ ବାରିକ ଭାବେ କାମ କରୁଛନ୍ତି ।