ରୋଚକ ହେଉଛି ମହାରାଷ୍ଟ୍ର ରାଜନୀତି । ଛିଣ୍ଡୁନି ମୁଖ୍ୟମନ୍ତ୍ରୀ ଅଙ୍କ, ବାରମ୍ବାର କଥା ବଦଳାଉଛି ଶିବସେନା, ସଂଜୟ ରାଉତ କହିଲେ, ବିଜେପି ସହ ମେଂଟ ଧର୍ମ ପାଳନ କରିବ ସେନା
କନକ ବ୍ୟୁରୋ : ଶିବସେନାର ସ୍ୱର ନରମିଲା । ମେଂଟ ଧର୍ମ ପାଳନ କରିବ ଦଳ । ମହାରାଷ୍ଟରେ ମୁଖ୍ୟମନ୍ତ୍ରୀ ପଦକୁ ନେଇ ବିଜେପି-ଶିବସେନା ମଧ୍ୟରେ ଟଣାଅଟରା ଲାଗିରହିଥିବା ବେଳେ ଶିବସେନାର ଆଭିମୁଖ୍ୟ ନରମ ପଡିଛି । ସରକାର ଗଠନ ପାଇଁ ବିଜେପି ସହ ଦଳ କଥାବାର୍ତା ଜାରି ରଖିଛି ଏବଂ ଶେଷ ପର୍ଯ୍ୟନ୍ତ ଶିବସେନା ମେଂଟ ଧର୍ମ ପାଳନ କରିବ ବୋଲି କହିଛନ୍ତି ଦଳର ବରିଷ୍ଠ ନେତା ସଂଜୟ ରାଉତ । ତେବେ ସରକାର ଗଠନ ନେଇ ଉଭୟ ଦଳ ମଧ୍ୟରେ ଔପଚାରିକ ଆଲୋଚନା ହୋଇନଥିବାରୁ ଏହାକୁ ନେଇ ସସପେନ୍ସ ଜାରି ରହିଛି ।ମହାରାଷ୍ଟର ଚଳିତ ବିଧାନସଭାର କାର୍ଯ୍ୟକାଳ ୮ ନଭେମ୍ବରରେ ଶେଷ ହେବ ।
Kanak News is now on WhatsApp
Join and get latest news updates delivered to you via WhatsApp
ବିଜେପି ସହ ଶିବସେନା କଥାବାର୍ତା ଜାରି ରଖିଥିବା ବେଳେ ଆସନ୍ତାକାଲି ସୁଦ୍ଧା ସ୍ପଷ୍ଟ ଚିତ୍ର ମିଳିବ ବୋଲି ଆଶା କରାଯାଉଛି । ସେପଟେ ଶିବସେନାକୁ ସମର୍ଥନ ପାଇଁ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧିଙ୍କୁ ଚିଠି ଲେଖିଛନ୍ତି ଦଳର ସାଂସଦ ହୁସେନ୍ ଦାଲୱାଇ । ଶିବସେନା ମଧ୍ୟ ଅତୀତରେ କଂଗ୍ରେସ ମନୋନୀତ ପ୍ରାର୍ଥୀ ପ୍ରତିଭା ପାଟିଲ ଏବଂ ପ୍ରଣବ ମୁଖାର୍ଜୀଙ୍କୁ ରାଷ୍ଟ୍ରପତି କରିବାରେ ସମର୍ଥନ କରିଥିବା ସେ ମନେ ପକାଇଦେଇଛନ୍ତି । ବିଜେପିକୁ କ୍ଷମତାରୁ ହଟାଇବାକୁ ହେଲେ ଶିବସେନାକୁ ସାହାଯ୍ୟ କରିବାକୁ ପଡିବ ବୋଲି ସେ କହିଛନ୍ତି । ସେପଟେ ଏନସିପିସୁପ୍ରିମୋ ଶରତ ପାୱାର କହିଛନ୍ତି ଯେ, ମହାରଷ୍ଟ୍ର ଜନସାଧାରଣ ଏନସିପିକୁ ବିରୋଧୀ ଦଳରେ ହିଁ ରହିବାକୁ ଜନାଦେଶ ଦେଇଛନ୍ତି ଏବଂ ଏହାକୁ ଦଳ ପାଳନ କରିବ ।