ବିଜେପିକୁ ଶିବସେନାର କଡା ପ୍ରଶ୍ନ । ମୁଖପାତ୍ର ସଂଜୟ ରାଉତ କହିଲେ, ରାଷ୍ଟ୍ରପତି କଣ ବିଜେପି ପକେଟରେ, ବିଜେପି ସାଂସଦ କହିଥିଲେ, ସରକାର ଗଢିବାରେ ବିଳମ୍ବ ହେଲେ ଲାଗୁ ହୋଇପାରେ ରାଷ୍ଟ୍ରପତି ଶାସନ
କନକ ବ୍ୟୁରୋ : ମହାରାଷ୍ଟ୍ର ରାଜନୀତି ପ୍ରତି ମୁହୂର୍ତର ବଦଳାଉଛି କଡ । ଏଠି ଘଡିକେ ଘୋଡା ଛୁଟୁଛି । ବିଧାନସଭା ନିର୍ବାଚନର ଫଳାଫଳ ପ୍ରକାଶ ପାଇବାର ୮ ଦିନ ବିତିଯାଇଥିଲେ ମଧ୍ୟ ସରକାର ଗଠନର ହେବାର କୌଣସି ସ୍ପଷ୍ଟ ସୂଚନା ମିଳୁନାହିଁ । ମହାରାଷ୍ଟ୍ରରେ କଂଗ୍ରେସ ତାର ରଣନୀତି ବଦଳାଇ ସରକାର ଗଠନ କରିବା ପାଇଁ ତତ୍ପର ହେଉଥିବା ଚର୍ଚ୍ଚା ହେଉଥିବା ବେଳେ ଏହାକୁ ଖଣ୍ଡନ କରିଛି କଂଗ୍ରେସ । ରାଜ୍ୟରେ ବିରୋଧୀ ଆସନରେ ବସିବାକୁ ଜନମତ ମିଳିଛି ଏବଂ କଂଗ୍ରେସ ବିରୋଧୀ ଆସନରେ ହିଁ ବସି ଦାୟିତ୍ୱ ତୁଲାଇବ ବୋଲି କହିଛନ୍ତି ବରିଷ୍ଠ କଂଗ୍ରେସ ନେତା ମଲ୍ଲିକାର୍ଜୁନ ଖଡଗେ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଏନସିପି ମୁଖ୍ୟ ଶରଦ ପାୱାର ମଧ୍ୟ ସମାନ ଢଙ୍ଗରେ ବୟାନ୍ ଦେଇ କହିଥିଲେ ଯେ, ଲୋକେ ତାଙ୍କୁ ବିରୋଧୀ ଆସନରେ ବସିବା ପାଇଁ ଭୋଟ୍ ଦେଇଛନ୍ତି । ସେପଟେ ବିଜେପି ଓ ଶିବସେନା ମେଂଟକୁ ସଂଖ୍ୟା ଗରିଷ୍ଠତା ମିଳିଥିଲେ ମଧ୍ୟ ମୁଖ୍ୟମନ୍ତ୍ରୀ ପଦକୁ ନେଇ ଦୁଇ ଦଳ ମଧ୍ୟରେ ଲାଗି ରହିଛି ଟଣାଓଟରା । ୫୦-୫୦ ଫର୍ମୁଲା ନେଇ ଶିବସେନା ଦାବି କରୁଥିବା ବେଳେ ବିଜେପି ଏହାକୁ ଗ୍ରହଣ କରୁନାହିଁ । ଫଳରେ ଏତେ ଦିନ ପରେ ବି ମହାରାଷ୍ଟ୍ରରେ ସରକାର ଗଠନ ସମ୍ଭବ ହେଉନାହିଁ । ଏପରିକି ୭ ତାରିଖ ସୁଦ୍ଧା ସରକାର ଗଠନ ନହେଲେ ମହାରାଷ୍ଟ୍ରରେ ରାଷ୍ଟ୍ରପତି ଶାସନ ଲାଗୁ ହେବ ବୋଲି ବିଜେପି ନେତା କହୁଛନ୍ତି । କାରଣ ୮ ତାରିଖରେ ସରୁଛି ମହାରାଷ୍ଟ୍ର ବିଧାନସଭାର କାର୍ଯ୍ୟକାଳ ।