ମହାରାଷ୍ଟ୍ରରେ କରୋନା ସଙ୍କଟ : ୨୪ ଘଂଟାରେ ୯ ହଜାର ମାମଲା, ୮୦ ମୃତ; ମୁମ୍ବାଇର ଧରାବିରେ ଦୁଇଅଙ୍କ ଛଇଁଲା ସଂକ୍ରମଣ; ସ୍କୁଲ ହଷ୍ଟେଲରେ ୧୯୦ ଛାତ୍ର ପଜିଟିଭ
କନକ ବ୍ୟୁରୋ : ମହାରାଷ୍ଟ୍ରରେ ବଢ଼ିବାରେ ଲାଗିଛି କରୋନା ସଂକଟ । ୪ମାସ ପରେ ପୁଣି ରାଜ୍ୟରେ କରୋନା ସଂକ୍ରମଣ ଦୈନିକ ବଢ଼ୁଥିବା ଦେଖିବାକୁ ମିଳିଛି । ମହାରାଷ୍ଟରେ କରୋନା ଉପରମୁହାଁ ଥିବା ବେଳେ ଗତ ୨୪ ଘଂଟାରେ ୮ ହଜାର ୮୦୭ ନୂଆ ସଂକ୍ରମଣ ଚିହ୍ନଟ ହୋଇଛି । ନୂଆ ମାମଲା ମିଶାଇ ସଂକ୍ରମଣ ସଂଖ୍ୟା ୨୧ ଲକ୍ଷ ୨୧ ହଜାର ୧୧୯ରେ ପହଂଚିଛି । ସେହିପରି ୨୪ ଘଂଟାରେ ୮୦ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଥିବା ବେଳେ ମୃତକଙ୍କ ସଂଖ୍ୟା ୫୧ ହଜାର ୯୩୭ରେ ପହଂଚିଛି । ୨ ହଜାର ୭୭୨ କରୋନାରୁ ସୁସ୍ଥ ହୋଇ ଘରକୁ ଫେରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କରୋନାର ପ୍ରକୋପ ଦେଶରେ କିଛି ଦିନ କମିଥିବା ବେଳେ ଏବେ ପୁଣି ମୁମ୍ବାଇରେ ବଢ଼ିବାରେ ଲାଗିଛି ସଂକ୍ରମଣ ସଂଖ୍ୟା । ବୁଧବାର ଦିନ ମୁମ୍ବାଇରେ ୧ହଜାର ୧୬୭ ନୂଆ ମାମଲା ଚିହ୍ନଟ ହୋଇଥିଲା । ନାଗପୁର ଜିଲ୍ଲା ଏବଂ ଅମରାବତୀ ସହର ସଂକ୍ରମଣ ସଂଖ୍ୟା ବଢ଼ୁଥିବା ଦେଖିବାକୁ ମିଳିଛି । ସେହିପରି ମୁମ୍ବାଇ ଝୁଙ୍ଗୀ ବସ୍ତିରେ ମଧ୍ୟ କରୋନା ସଂକ୍ରମଣ ଚିହ୍ନଟ ହୋଇଛନ୍ତି । ୨୪ ଘଂଟାରେ ୧୦ ନୂଆ ସଂକ୍ରମଣ ଚିହ୍ନଟ ହୋଇଥିବା ନେଇ ବିଏମସି ପକ୍ଷରୁ ସୂଚନା ଦିଆଯାଇଛି । ଗତକାଲି ବାଶିମ ଜିଲ୍ଲାରୁ ୩୧୮ ସଂକ୍ରମଣ ଚିହ୍ନଟ ହୋଇଥିବା ବେଳେ ସେଥି ମଧ୍ୟରୁ ୧୯୦ଜଣ ଛାତ୍ର ଅଛନ୍ତି । ଜିଲ୍ଲାରେ ଥିବା ରିସୋଡ ତହସିଲ ନିକଟରେ ଥିବା ଏକ ସ୍କୁଲ ହଷ୍ଟେଲରେ ୧୯୦ ଛାତ୍ର କରୋନା ପଜିଟିଭ ଖବର ଭୟର ବାତାବରଣ ସୃଷ୍ଟି କରିଛି ।