କେନ୍ଦ୍ରମନ୍ତ୍ରୀ ନାରାୟଣ ରାଣେଙ୍କୁ ଗିରଫ କରିବାକୁ ପୋଲିସ କମିଶନରଙ୍କ ନିର୍ଦ୍ଦେଶ, ଉଦ୍ଧବ ଠାକରେଙ୍କ ବିରୋଧରେ ଆଣିଥିଲେ ଅଭିଯୋଗ
କନକ ବ୍ୟୁରୋ : ମହାରାଷ୍ଟ୍ର ବିଜେପି ନେତା ତଥା କେନ୍ଦ୍ରମନ୍ତ୍ରୀ ନାରାୟଣ ରାଣେଙ୍କୁ ଗିରଫ କରିବାକୁ ନିର୍ଦ୍ଦେଶ ଦେଇଛନ୍ତି ମହାରାଷ୍ଟ୍ର ପୋଲିସ କମିଶନର । ତାଙ୍କୁ ଗିରଫ କରିବାକୁ ଡିସିପି ସ୍ତରର ଅଧିକାରୀଙ୍କୁ ଦାୟିତ୍ୱ ଦିଆଯାଇଛି । ଗିରଫ ନୋଟିସରେ କୁହାଯାଇଛି କି ନାରାୟଣ ରାଣେ ଜଣେ ରାଜ୍ୟସଭା ସାଂସଦ ସହ କେନ୍ଦ୍ରମନ୍ତ୍ରୀ ଥିବାରୁ ତାଙ୍କୁ ଗିରଫ କରିବା ପୂର୍ବରୁ ରାଷ୍ଟ୍ରପତିଙ୍କୁ ସୂଚନା ଦେଇ ପୁରା ପ୍ରକ୍ରିୟା ଶେଷ କରାଯିବ । ନାସିକ୍ ପୋଲିସ, ନାସିକ ସାଇବର ଟିମ ଓ ପୁଣେ ପୋଲିସ ନାରାୟଣ ରାଣେଙ୍କ ବିରୋଧରେ ମାମଲା ରୁଜୁ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦୁଇଦିନ ପୂର୍ବରୁ ମୁମ୍ବାଇରେ ବିଜେପି ଦ୍ୱାରା ଆୟୋଜିତ ହୋଇଥିବା ତ୍ରିରଙ୍ଗା ଯାତ୍ରାକୁ ନେଇ ନାରାୟଣ ରାଣେଙ୍କ ବିରୋଧରେ ୩୬ ଟି ମାମଲା ରୁଜୁ ହୋଇଛି । ପ୍ରଥମ ଦିନ ୧୯ ଟି ଓ ଦ୍ୱିତୀୟ ଦିନ ୧୭ ଟି ମାମଲା ରୁଜୁ ହୋଇଥିôଲା । ସୋମବାର ଦିନ ନାରାୟଣ ରାଣେ କହିଥିଲେ କି ରାଜ୍ୟର ସମସ୍ତ ବ୍ୟବସାୟ ଧ୍ୱଂସ ହୋଇଯାଇଛି । ୧୦ ବର୍ଷ ପର୍ଯ୍ୟନ୍ତ ବେପାରୀମାନେ ମୁଣ୍ଡ ଟେକି ଚାଲିପାରିବେ ନାହିଁ । ଏହା କେବଳ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଦବ ଠାକରେଙ୍କ ଭୂଲ ପରିଚାଳନା ଯୋଗୁଁ ହୋଇଛି ବୋଲି ସେ ଅଭିଯୋଗ କରିଥିଲେ । ତାଙ୍କ ପାଇଁ ମହାରାଷ୍ଟ୍ରରେ ୧ ଲକ୍ଷ ୫୭ ହଜାର ଲୋକ ପ୍ରାଣ ହରାଇଛନ୍ତି ବୋଲି ସେ ତ୍ରିରଙ୍ଗା ଯାତ୍ରା ବେଳେ ଅଭିଯୋଗ ଆଣିଥିଲେ ।
Maharashtra: Nashik Cyber police registered FIR on Shiv Sena Nashik Chief’s complaint against Union Min Narayan Rane in connection with his statement against CM Thackeray. Police Commissioner issued an order to arrest Rane & formed a team led by DCP Sanjay Barkund to arrest him. pic.twitter.com/oyNmGaZlVq
— ANI (@ANI) August 24, 2021
ଉଦ୍ଧବ ଠାକରେଙ୍କ ବିରୋଧରେ ଏଭଳି ଅଭିଯୋଗ ଆଣିବା ପରେ ମହାରାଷ୍ଟ୍ର ସରକାରଙ୍କ ପକ୍ଷରୁ ବି ନାରାୟଣ ରାଣେଙ୍କ ବିରୋଧରେ ଥାନାରେ ଅଭିଯୋଗ ହୋଇଛି । ଏହି ଅଭିଯୋଗ ଆଧାରରେ ମହାରାଷ୍ଟ୍ର ପୋଲିସ କମିଶନର ରାଣେଙ୍କୁ ଗିରଫ କରିବାକୁ ନିର୍ଦ୍ଦେଶ ଦେଇଛନ୍ତି ।