ମହାରାଷ୍ଟ୍ର ଏମ୍ଏଲସି ନିର୍ବାଚନ : କେମିତି ଭାଙ୍ଗିଲା ଶିବସେନା ?
କନକ ବ୍ୟୁରୋ : ମହାରାଷ୍ଟ୍ରରେ ହୋଇଥିବା ଏମ୍ଏଲସି ନିର୍ବାଚନ ପରେ ରାଜ୍ୟରେ ରାଜନୈତିକ ଗତିବିଧି ବଢିଯାଇଛି । ରାଜ୍ୟର ମହାବିକାଶ ଅଘାଡି ସରକାରକୁ ଏଥିରେ ଝଟକା ଲାଗିଛି ଓ ଉଦ୍ଧବ ସରକାରଙ୍କ ଉପରେ ବିପଦ ସୃଷ୍ଟି ହୋଇଥିବାର ଦେଖିବାକୁ ମିଳୁଛି । ପ୍ରଥମ ନିର୍ବାଚନରେ ଏମ୍ଭିଏ କେବଳ ୫ ପ୍ରାର୍ଥୀ ଜିତିକି ଆସିଥିଲା । ଏବେ ଶିବସେନାର ବରିଷ୍ଠ ନେତା ଓ ମନ୍ତ୍ରୀ ଏକନାଥ ସିନ୍ଦେ ବିଦ୍ରୋହୀ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏମ୍ଏଲସି ନିର୍ବାଚନ, କେମିତି ଭାଙ୍ଗିଲା ଶିବସେନା ?୧୦ଟି ଏମ୍ଏଲସି ସିଟ୍ ପାଇଁ ମଇଦାନରେ ୧୧ ପ୍ରାର୍ଥୀ ଥିଲେ । ଏମଭିଏର ୬ ଜଣ ପ୍ରାର୍ଥୀ ନିର୍ବାଚନ ଲଢିଥିଲେ । ନିର୍ବାଚନରେ ୫ ଜଣଙ୍କୁ ବିଜେପି ପ୍ରାର୍ଥୀ କରିଥିଲା । ସମସ୍ତ ୬ ପ୍ରାର୍ଥୀ ଜିତିବା ପାଇଁ ଏମଭିଏ ପାଖରେ ସଂଖ୍ୟା ରହିଥିଲା । ସଂଖ୍ୟା ଥିଲେ ବି ଗୋଟିଏ ଆସନ ହାରିଗଲା ଏମଭିଏ । ୪ଟି ଆସନରେ ବିଜେପିର ପ୍ରାର୍ଥୀ ଜିତିବାର ଥିଲା । ହେଲେ ୫ ଜଣ ବିଜେପି ପ୍ରାର୍ଥୀ ନିର୍ବାଚନରେ ବିଜୟୀ ହେଲେ । ଏଥିରୁ ସ୍ପଷ୍ଟ ଯେ, ନିର୍ବାଚନରେ ହୋଇଥିଲା କ୍ରସ ଭୋଟିଂ ।
ରାଜ୍ୟସଭା ନିର୍ବାଚନରେ ବି ବିଦ୍ରୋହ !
– ମହାରାଷ୍ଟ୍ରର ୬ଟି ରାଜ୍ୟସଭା ଆସନ ପାଇଁ ହୋଇଥିଲା ଭୋଟ୍
– ଏମ୍ଭିଏର ୩ ଓ ବିଜେପିର ୩ ପ୍ରାର୍ଥୀ ବିଜୟୀ ହୋଇଥିଲେ
– ମହାରାଷ୍ଟ୍ର ବିଧାନସଭାରେ ବିଜେପିର ଅଛନ୍ତି ୧୦୬ ବିଧାୟକ
– ସ୍ୱାଧୀନ ବିଧାୟକ ମିଶିଲେ ମାଟ୍ ବିଧାୟକଙ୍କ ସଂଖ୍ୟା ୧୧୩
– ରାଜ୍ୟସଭା ନିର୍ବାଚନରେ ବିଜେପିକୁ ମିଳିଥିଲା ୧୨୩ ଭୋଟ୍
– ଅର୍ଥାତ୍ ଶାସକ ଦଳର ୧୦ ବିଧାୟକଙ୍କ ସମର୍ଥନ ପାଇଥିଲା ବିଜେପି
– ଏମ୍ଏଲ୍ସି ନିର୍ବାଚନରେ ବିଜେପିକୁ ୧୩୪ ଭୋଟ୍ ମିଳିଥିଲା
– ଅର୍ଥାତ୍ ସମର୍ଥନ କରିଥିଲେ ଶାସକ ଦଳର ୨୧ ବିଧାୟକ