ମହାରାଷ୍ଟ୍ର ମହାବିକାଶ ଅଘାଡିର ବଡ ଘୋଷଣା । ଏକାଠି ଲଢିବେ ଆଗାମୀ ବିଧାନସଭା ନିର୍ବାଚନ
କନକ ବ୍ୟୁରୋ : ଲୋକସଭା ନିର୍ବାଚନ ପରେ ପରେ ମହାରାଷ୍ଟ୍ରରେ ବିଧାନସଭା ନିର୍ବାଚନ ପାଇଁ ପ୍ରସ୍ତୁତି ଆରମ୍ଭ ହୋଇଯାଇଛି । ମହାବିକାଶ ଅଘାଡି ଲୋକସଭା ନିର୍ବାଚନରେ ବିଜେପିକୁ ମାତ୍ ଦେବା ପରେ ଏବେ ବିଧାନସଭା ନିର୍ବାଚନ ଏକାଠି ଲଢିବେ ବୋଲି ସାମ୍ବାଦିକ ସମ୍ମିଳନୀ କରି ସୂଚନା ଦେଇଛନ୍ତି । ଏହି ସାମ୍ବାଦିକ ସମ୍ମିଳନୀରେ ଉଦ୍ଧବ ଠାକରେ, ଶରତ ପାୱାର ଓ କଂଗ୍ରେସ ନେତା ପୃଥୀରାଜ ଚୌହାଣ ଯୋଗ ଦେଇ ଏନଡି ମେଣ୍ଟକୁ ଟାର୍ଗେଟ କରିଛନ୍ତି । ଏହାସହ ମହାବିକାଶ ଅଘାଡି ଆଗାମୀ ବିଧାନସଭା ନିର୍ବାଚନରେ ମିଳିତ ଭାବେ ନିର୍ବାଚନ ଲଢିବ ବୋଲି ସ୍ପଷ୍ଟ କରିଦେଇଛି ।
Kanak News is now on WhatsApp
Join and get latest news updates delivered to you via WhatsApp
ସାମ୍ବାଦିକ ସମ୍ମିଳନୀରେ ଶରଦ ପାୱାର ପ୍ରଧାନମନ୍ତ୍ରୀ ମୋଦୀଙ୍କୁ କଟାକ୍ଷ କରି କହିଥିଲେ କି, ମହାରାଷ୍ଟ୍ରରେ ଯେଉଁ ଯେଉଁ ଲୋକସଭା କ୍ଷେତ୍ରରେ ପ୍ରଧାନମନ୍ତ୍ରୀ ରୋଡ ସୋ’ କରିଛନ୍ତି ସେସବୁ ସ୍ଥାନରେ ଏନଡିଏର ପରାଜୟ ହୋଇଛି । ଏନେଇ ସେ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ଦେଇଛନ୍ତି । ଏହାସହ ପାୱାର କହିଛନ୍ତି କି, ଆଗାମୀ ବିଧାନସଭା ନିର୍ବାଚନରେ ପ୍ରଧାନମନ୍ତ୍ରୀ ମୋଦୀ ମହାରାଷ୍ଟ୍ରରେ ଅଧିକରୁ ଅଧିକ ରୋଡ ସୋ ଓ ଜନସଭା କରନ୍ତୁ ବୋଲି ପାୱାର କହିଛନ୍ତି ।
#WATCH | Shiv Sena (UBT) leader Uddhav Thackeray says, “We will move forward with all those people who stayed with us, and struggled with us. If some people want to join us then we will see…” pic.twitter.com/VH5Z1tZCWJ
— ANI (@ANI) June 15, 2024
ଉଦ୍ଧବ ଠାକରେ କହିଥିଲେ, କି ମହାରାଷ୍ଟ୍ରର ଜନତା ପ୍ରମାଣ କରିଦେଲେ ଯେ ବିଜେପି ବିରୋଧରେ ନିର୍ବାଚନ ଲଢାଯାଇପାରିବ । ଏ ଲଢେଇ ସମ୍ବିଧାନ ରକ୍ଷା କରିବା, ଲୋକତନ୍ତ୍ରକୁ ଜୀବୀତ ରଖିବାର ଲଢେଇ ବୋଲି ସେ କହିଛନ୍ତି । ଏବେ ମୋଦୀ ସରକାର ବଦଳି ଏନଡିଏ ସରକାର ହୋଇଛି, ଏହି ସରକାର କେତେ ଦିନ ଚାଲିବ ତାର କିଛି ଗ୍ୟାରେଣ୍ଟି ନାହିଁ ବୋଲି ଠାକରେ କହିଛନ୍ତି ।