ମହାରାଷ୍ଟ୍ରରେ ଚାଲିଛି ରାଜନୀତିର ମହାଭାରତ । ରାତାରାତି ସରକାର ଗଠନ ପଛରେ କାହାର ରହିଛି ହାତ? ରାଜନୈତିକ ଏହି ଷଡଯନ୍ତ୍ରରେ ଶରଦଙ୍କ ନାଁକୁ ନେଇ ଚର୍ଚ୍ଚା
କନକ ବ୍ୟୁରୋ: ମହାରାଷ୍ଟ୍ରରେ ବିଜେପି-ଏନସିପି ସରକାର ଗଠନ ପଛରେ କାହାର ହାତ ରହିଛି । କାହାର ଇସାରାରେ ଅଜିତ ପାୱାର ବିଜେପିକୁ ସମର୍ଥନ ଦେଇଛନ୍ତି । ଏସବୁ ପ୍ରଶ୍ନର ଉତର ଖୋଜୁ ଖୋଜୁ ଏନସିପି ସୁପ୍ରିମୋ ଶରଦ ପାୱାରଙ୍କ ନାଁ କୁ ନେଇ ଜୋର ଧରିଲା ଚର୍ଚ୍ଚା । ହେଲେ ଶରଦ ଏସବୁ ଅଭିଯୋଗକୁ ଖଣ୍ଡନ କରିଛନ୍ତି । କହିଛନ୍ତି, ବିଜେପିକୁ ସମର୍ଥନ ଦେବା ଅଜିତଙ୍କ ବ୍ୟକ୍ତିଗତ ନିଷ୍ପତି, ଦଳୀନିଷ୍ପତି ନୁହେଁ । ଏହା ପଛରେ ମୋର ହାତ ରହିଥିବା କହିବା ଭୁଲ ।
Kanak News is now on WhatsApp
Join and get latest news updates delivered to you via WhatsApp
ମହାରାଷ୍ଟ୍ରରେ ରାତାରାତି ସରକାର ଗଠନ ପଛରେ କାହାର ହାତ ?କିଏ ରଚିଛି ଏହି ରାଜନୈତିକ ଷଡଯନ୍ତ୍ର ?ଅଜିତ ପାୱାର ବିଜେପିକୁ ସମର୍ଥନ ଦେବା ପଛର ନାୟକ କିଏ? ଅଜିତଙ୍କ ନିଷ୍ପତି ପଛରେ ନାହାନ୍ତି ତ ଶରଦ ପାୱାର? ଏସବୁ ପ୍ରଶ୍ନ ସେତେବେଳେ ଉଠିଛି, ଯେତେବେଳେ ମହାରାଷ୍ଟ୍ରରେ ସରକାର ଗଠନ ପାଇଁ ବିଜେପିକୁ ସମର୍ଥନ ଦେଇଛନ୍ତି ଅଜିତ ପାୱାର । ହେଲେ ଅଜିତଙ୍କ ନିଷ୍ପତି ପଛରେ ଶରଦ ରହିଥିବା ନେଇ ହେଉଥିବା ଚର୍ଚ୍ଚାକୁ ସହଜରେ ଗ୍ରହଣ କରିପାରିନାହାନ୍ତି ଏନସିପି ସୁପ୍ରିମୋ ଶରଦ ପାୱାର । ଶରଦ କହିଛନ୍ତି, ବିଜେପିକୁ ଅଜିତ ସମର୍ଥନ ଦେବା ପଛରେ ତାଙ୍କ ହାତ ନାହିଁ । ଏଥିସହ ଶରଦ କହିଛନ୍ତି, ଆଗକୁ ମହାରାଷ୍ଟ୍ରରେ କଂଗ୍ରେସ ଓ ଶିବସେନା ସହିତ ରହି ସରକାର ଗଠନ କରିବ ଏନସିପି । ଆଜି ସାମ୍ବାଦିକମାନଙ୍କ ପ୍ରଶ୍ନର ଉତର ରଖି ଏନସିପି ସୁପ୍ରିମୋ କହିଛନ୍ତି, ମହାରଷ୍ଟ୍ରରେ ବିଜେପିକୁ ସମର୍ଥନ ଦେବା ଅଜିତ ପାୱାରଙ୍କ ନିଷ୍ପତି । ଏହା ଏନସିପିର ନିଷ୍ପତି ନୁହେଁ । ଅଜିତଙ୍କ ଏପରି ନିଷ୍ପତି ପଛରେ ଶରଦ ପାୱାର ରହିଥିବା କଥା କହିବା ଭୁଲ ବୋଲି କହିଛନ୍ତି ଶରଦ ।
ମହାରାଷ୍ଟ୍ରରେ ବିଜେପି-ଏନସିପି ମେଂଟ ସରକାର ଗଠନ କରିବା ପରେ ଅଙ୍ଗୁଳି ଉଠିଥିଲା ଏନସିପି ସୁପ୍ରିମୋ ଶରଦ । ଶରଦଙ୍କ ଜାଣତରେ ଏହା ହୋଇଛି କି ନାହିଂ ସେନେଇ ଚାଲିଲା ଚର୍ଚ୍ଚା ଆଲୋଚନା । କାରଣ ଗୃହରେ ମୋଦି ଏନସିପିକୁ ପ୍ରଶଂସା କରିଥିଲେ ଏବଂ ଶରଦ ପାୱାର ମଧ୍ୟ ମୋଦିଙ୍କୁ ଭେଟିସାରିଥିଲେ । ତେବେ ଏସବୁ କଳ୍ପନା ଜଳ୍ପନା ଉପରୁ ପରଦା ହଟାଇଛନ୍ତି ଶରଦ । ସ୍ପଷ୍ଟ କରିଦେଇଛନ୍ତି, ବିଜେପିକୁ ସମର୍ଥନ ଦେବା ଅଜିତଙ୍କ ନିଜସ୍ୱ ନିଷ୍ପତି । ଏହା ପଛରେ ତାଙ୍କର ନିର୍ଦ୍ଦେଶ ନାହିଁ କି ସହମତି ନାହିଁ ।