ମହାରାଷ୍ଟ୍ର ୱାକଫ୍ ବୋର୍ଡ ଜମି ମାମଲାରେ ୭ଟି ସ୍ଥାନରେ ଇଡିର ଚଢାଉ, ନୱାବ ମଲ୍ଲିକଙ୍କ ପରିସରରେ ରହିଛି ଏହି ମନ୍ତ୍ରଣାଳୟ
କନକ ବ୍ୟୁରୋ : ମହାରାଷ୍ଟ ୱାକଫ୍ ବୋର୍ଡ ଜମି ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ କାର୍ଯ୍ୟାନୁଷ୍ଠାନ ଆରମ୍ଭ କରିଛି । ଇଡି ତରଫରୁ ଗୁରୁବାର ଦିନ ପୁଣେର ୭ ଟି ସ୍ଥାନରେ ଚଢାଉ କରାଯାଇଛି । ଏହି ମାମଲା ୱାକଫ୍ ବୋର୍ଡ ସମ୍ବୋଧିତ ଜମିର ବେଆଇନ ବିକ୍ରି ସହ ଜଡିତ ରହିଛି । ସବୁଠାରୁ ବଡକଥା ୱାକଫ୍ ବୋର୍ଡ ମହାରାଷ୍ଟ୍ର ସରକାରରେ ମନ୍ତ୍ରୀଥିବା ନୱାବ ମଲ୍ଲିକଙ୍କ ମନ୍ତ୍ରଣାଳୟ ପରିସରଭୂକ୍ତ ।
Kanak News is now on WhatsApp
Join and get latest news updates delivered to you via WhatsApp
ଇଡିର କାର୍ଯ୍ୟାନୁଷ୍ଠାନ ଏଭଳି ସମୟରେ ହୋଇଛି କି ଯେତେବେଳେ ଏନସିପି ନେତା ତଥା କ୍ୟାବିନେଟ ମନ୍ତ୍ରୀ ନୱାବ ମଲ୍ଲିକ କ୍ରୁଜ ଡ୍ରଗ୍ସ ମାମଲାରେ ଏନସିବି ଓ ଯାଂଚ ଅଧିକାରୀ ସମୀର ୱାଙ୍ଖଡେଙ୍କୁ ଲଗାତର ଟାର୍ଗେଟ୍ କରିବାରେ ଲାଗିଛନ୍ତି । କେବଳ ସେତିକି ନୁହେଁ ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡର୍ନାଭିସଙ୍କ ବିରୋଧରେ ବି ନୱାବ ମଲ୍ଲିକ ସାଂଘାତିକ ଅଭିଯୋଗ ଆଣିଛନ୍ତି ।
ସେପଟେ ଆଜି (ଗୁରୁବାର) ନୱାବ ମଲ୍ଲିକଙ୍କ ଜ୍ୱାଇଁ ସମୀର ଖାନ ଦେବେନ୍ଦ୍ର ଫଡର୍ନାଭିସଙ୍କ ବିରୋଧରେ ମାନହାନୀ ମକଦ୍ଦମା କରି ତାଙ୍କ ପାଖକୁ ଆଇନଗତ ନୋଟିସ ପଠାଇଛନ୍ତି । କହିରଖୁ କି ଗଣମାଧ୍ୟମ ସହ କଥାବାର୍ତ୍ତା ବେଳେ ଫଡର୍ନାଭିସ କହିଥିଲେ କି ନୱାବ ମଲ୍ଲିକଙ୍କ ଜ୍ୱାଇଁଙ୍କ ଘରୁ ଡ୍ରଗ୍ସ ଜବତ୍ ହୋଇଛି । ଏହି ବୟାନ ବିରୋଧରେ ସମୀର ଖାନ ଫଡର୍ନାଭିସଙ୍କ ନିକଟକୁ ଆଇନଗତ ନୋଟିସ ପଠାଇଛନ୍ତି ।