ମହାନଦୀ ମହାରାଜନୀତି : ଆଜି ପାରାଦୀପରେ ସରୁଛି ବିଜେଡିର ମହାନଦୀ ବଂଚାଅ ଅଭିଯାନ । ଯୋଗ ଦେଇପାରନ୍ତି ମୁଖ୍ୟମନ୍ତ୍ରୀ
କନକ ବ୍ୟୁରୋ: ମୋଦିଙ୍କ ଗସ୍ତ ପୂର୍ବରୁ ବିଜେଡି କରିବ ଶକ୍ତି ପ୍ରଦର୍ଶନ । ଆଜି ପାରାଦୀପରେ ଉଦ୍ୟାପତି ହେଉଛି ବିଜେଡି ମହାନଦୀ ବଂଚାଅ ଅଭିଯାନ । ପାରାଦୀପର ବିଜୁ ମଇଦାନରେ ଏଥିପାଇଁ ଦଳ ପକ୍ଷରୁ ପ୍ରସ୍ତୁତି କରାଯାଇଛି । ଏହି ଅଭିଯାନର ସମାପନ ଦିବସରେ ବିଜେଡି ସୁପ୍ରିମୋ ନବୀନ ପଟ୍ଟନାୟକ ଯୋଗ ଦେବାର କାର୍ଯ୍ୟକ୍ରମ ରହିଛି । ମୁଖ୍ୟମନ୍ତ୍ରୀଙ୍କ ଗସ୍ତକୁ ଆଖିରେ ରଖି ସୁରକ୍ଷା କଡାକଡି କରାଯାଇଛି । ମହାନଦୀର ଉପର ମୁଣ୍ଡରେ ଛତିଶଗଡର ବ୍ୟାରେଜ ନିର୍ମାଣକୁ ବିରୋଧ କରି ଗତ ୧୬ ତାରିଖରେ ଝାରସୁଗଡ଼ା ଜିଲ୍ଲାରୁ ଏହି ଅଭିଯାନ ଆରମ୍ଭ ହୋଇଥିଲା । ଯାହା ଓଡ଼ିଶାର ୧୫ଟି ଜିଲ୍ଲା ଅତିକ୍ରମ କରି ପାରଦୀପରେ ପହଂଚିଛି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ସଂଧ୍ୟାରେ ମନ୍ତ୍ରୀ ପ୍ରତାପ ଜେନା, ବିଧାୟକ ଡାକ୍ତର ଦାମୋଦର ରାଉତ, ବିଧାୟକ ସଂଜୟ ଦାସବର୍ମା, ସଂପାଦକ ସମ୍ବିତ ରାଉତରାୟ ପ୍ରମୁଖ ନେତା ବିଜୁ ମଇଦାନରେ ପହଞ୍ଚି କାର୍ଯ୍ୟକ୍ରମକୁ ସଫଳ କରାଇବା ପାଇଁ ସମସ୍ତ ପ୍ରୟାସ ଚଳାଇଛନ୍ତି । ସେହିଭଳି ସୁରକ୍ଷା ପାଇଁ ସଭାସ୍ଥଳ ନିକଟରେ ଅତିରିକ୍ତ ଆରକ୍ଷୀ ଅଧୀକ୍ଷକ ବିଷ୍ଣୁଚରଣ ମିଶ୍ରଙ୍କ ନେତୃତ୍ଵରେ ଏକ ବୈଠକ ଅନୁଷ୍ଠିତ ହୋଇଛି। ଏହି ବୈଠକରେ ଜିଲ୍ଲାର ସମସ୍ତ ବରିଷ୍ଠ ପୁଲିସ ଅଧିକାରୀ ଓ ଥାନା ଆଇଆଇସିମାନେ ଯୋଗଦେଇ ସୁରକ୍ଷା ଓ ଆଇନଶୃଙ୍ଖଳା ସମ୍ପର୍କରେ ଆଲୋଚନା କରିଛନ୍ତି।
ସୂଚନାଯୋଗ୍ୟ ଯେ, ଗଲା ୧୬ ତାରିଖରେ ଏହି ଅଭିଯାନ ଝାରସୁଗୁଡ଼ାରୁ ଆରମ୍ଭ ହୋଇଥିଲା। ପ୍ରାୟ ୧୫ଟି ଜିଲ୍ଲା ଅତିକ୍ରମ କରିଥିବା ଶୋଭାଯାତ୍ରାକାରୀ ଆଜି ପାରାଦୀପରେ ପହଞ୍ଚିବେ।