ବିହାରରେ ମହାଗଠବନ୍ଧନର ଶତକ । ୧୧୪ ଆସନରେ ମହାଗଠବନ୍ଧନ ଆଗୁଆ, ମ୍ୟାଜିକ ନମ୍ବର ଠାରୁ ଆଉ ଅଳ୍ପ ଦୂରରେ । ସରକାର ଗଠନ କ୍ଷେତ୍ରରେ ଅନ୍ୟାନ୍ୟ ଦଳ ସାଜିପାରନ୍ତି ଟ୍ରମ୍ପକାର୍ଡ ।
କନକ ବ୍ୟୁରୋ : ବିହାରରେ ଶତକ ପାର କଲା ମହାଗଠବନ୍ଧନ । ପ୍ରାରମ୍ଭିକ ଟ୍ରେଣ୍ଡରେ ବିହାରରେ ଶହେରୁ ଅଧିକ ଆସନରେ ମହାଗଠବନ୍ଧନ ଆଗୁଆ ରହିଛି । ୧୧୪ ଆସନରେ ଆଗୁଆ ରହିବା ସହ ବିହାର ଶାସନ ଗାଦି ଆଡକୁ ପାଦ ବଢାଉଛି ମହାଗଠବନ୍ଧନ । ସେହିଭଳି ଏନଡିଏ ମଧ୍ୟ ମହାଗଠବନ୍ଧନକୁ କଡା ଟକ୍କର ଦେଉଥିବାର ଦେଖିବାକୁ ମିଳିଛି । ୯୦ ଆସନାର ଏନଡିଏ ପ୍ରାର୍ଥୀ ଆଗରେ ଥିବା ବିହାର ଗଣିତ ଜଟିଳ ସ୍ଥିତି ଆଡକୁ ଗତି କରୁଛି । ଖାସକରି ଅନ୍ୟାନ୍ୟ ଦଳ ଗୁଡିକ ୧୪ଟି ଆସନରେ ଆଗୁଆ ଥିବାରୁ ଉଭୟ ଏନଡିଏ ଓ ମହାଗଠବନ୍ଧନ , କିଏ ସରକାର ଗଢିବ ତାହା ଏବେଠୁ ଆକଳନ କରିବା କଷ୍ଟକର ହୋଇପଡିଛି ।
Kanak News is now on WhatsApp
Join and get latest news updates delivered to you via WhatsApp
୨୧୮ଟି ଆସନର ଟ୍ରେଣ୍ଡ ସାମ୍ନାକୁ ଆସିଥିବା ବେଳେ ୧୧୪ ଆସନରେ ମହାଗଠବନ୍ଧନ ଆଗରେ ରହିବା ସହ ଏବେ ମ୍ୟାଜିକ ନମ୍ବର ହାସଲ ଲକ୍ଷ୍ୟରେ ରହିଛି । ତେବେ ଅନ୍ୟାନ୍ୟ ଦଳର ପ୍ରାର୍ଥୀ ବିହାରରେ ବଡ ଭୂମିକାରେ ନଜର ଆସିପାରନ୍ତି । ଯଦି ମହାଗଠବନ୍ଧନ ମ୍ୟାଜିକ ନମ୍ବର ହାସଲ କରିବାରେ ବିଫଳ ହୁଏ ତେବେ ସରକାର ଗଠନରେ ଅନ୍ୟାନ୍ୟ ଦଳର ପ୍ରାର୍ଥୀ ସାଜିପାରନ୍ତି ଟ୍ରମ୍ପକାର୍ଡ ।