ଭୁବନେଶ୍ୱର ଏସଡିଜେଏମ୍ କୋର୍ଟରେ ଅଭାବନୀୟ ଘଟଣା : ଜାମିନ ଦେଲେନି ବୋଲି ମାଜିଷ୍ଟ୍ରେଟ୍ଙ୍କୁ ତାଲା ପକାଇଦେଲେ ଓକିଲ
ଜିଲ୍ଲା ଜଜଙ୍କ ହସ୍ତକ୍ଷେପ ପରେ ଘଟଣାର ହେଲା ସମାଧାନ
କନକ ବ୍ୟୁରୋ : ଭୁବନେଶ୍ୱର ଏସଡିଜେଏମ୍ କୋର୍ଟରେ ଅଭାବନୀୟ ଘଟଣା । ମହକିଲଙ୍କୁ ଜାମିନ ମିଳିଲାନି ବୋଲି କୋର୍ଟ ରୁମରେ ତାଲା ପକାଇ ଦେଲେ ଓକିଲ । କୋର୍ଟ ରୁମରେ ତାଲା ପକାଇବାର ଫଟୋ ଏବେ ହ୍ୱାଟ୍ସଆପରୁ ହ୍ୱାଟ୍ସଆପ ଘୂରି ବୁଲୁଛି । ଘଟଣାରେ ଜିଲ୍ଲା ଜଜଙ୍କ ହସ୍ତକ୍ଷେପ ପରେ ଏହା ସମାଧାନ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ଯୌତୁକ ନିର୍ଯାତନା ଅଭିଯୋଗରେ ଜଣେ ଅଭିଯୁକ୍ତଙ୍କୁ ଗିରଫ କରି ପୁଲିସ କୋର୍ଟଚାଲାଣ କରିବା ପରେ ସେ ଜେଲ୍ ଯାଇଥିଲେ। ତାଙ୍କ ବିରୋଧରେ ଆଇପିସିର-୪୯୮(ଏ) ସମେତ ଆହୁରି କେତେକ ଦଫା ଲାଗିଥିଲା । ଗୁରୁବାର ଦିନ ଏସଡିଜେଏମ୍ଙ୍କ କୋର୍ଟରେ ଏହି ଅଭିଯୁକ୍ତଙ୍କ ଜାମିନ ଆବେଦନର ଶୁଣାଣି ଥିଲା । ଅପରାହ୍ନ ପ୍ରାୟ ୨ଟାରେ ମାମଲାର ଶୁଣାଣି କରିବା ପରେ ଜାମିନ ଖାରଜ କରି ଦେଇଥିଲେ ମାଜିଷ୍ଟ୍ରେଟ୍ ଗୁରୁବାର ଦିନ ଏସଡିଜେଏମ୍ଙ୍କ କୋର୍ଟରେ ଏହି ଅଭିଯୁକ୍ତଙ୍କ ଜାମିନ ଆବେଦନର ଶୁଣାଣି ଥିଲା । ଅପରାହ୍ନ ପ୍ରାୟ ୨ଟାରେ ମାମଲାର ଶୁଣାଣି କରିବା ପରେ ଜାମିନ ଖାରଜ କରି ଦେଇଥିଲେ ମାଜିଷ୍ଟ୍ରେଟ୍। ଏହି ଘଟଣାକୁ ନେଇ ଅଭିଯୁକ୍ତଙ୍କ ଓକିଲ ତାତି ଯାଇଥିଲେ । କାହିଁକି ଜାମିନ ଖାରଜ କରାଗଲା ବୋଲି କହିବା ସହ ତାଙ୍କ ଚାମ୍ବର କବାଟରେ ତାଲା ପକାଇ ଦେଇଥିଲେ ।। ଏହି ଘଟଣାକୁ ନେଇ ଅଭିଯୁକ୍ତଙ୍କ ଓକିଲ ତାତି ଯାଇଥିଲେ । କାହିଁକି ଜାମିନ ଖାରଜ କରାଗଲା ବୋଲି କହିବା ସହ ତାଙ୍କ ଚାମ୍ବର କବାଟରେ ତାଲା ପକାଇ ଦେଇଥିଲେ ।
ଏହା ସହିତ ‘ଏସଡିଜେଏମ୍ କୋର୍ଟ ଭୁବନେଶ୍ବର ବୟକଟ୍’ ବୋଲି କାଗଜରେ ଲେଖି କବାଟରେ ମାରି ଦେଇଥିଲେ । ତାଙ୍କ ସହ ଆଉ ଦୁଇ ତିନି ଜଣ ମିଶି ମାଜିଷ୍ଟ୍ରେଟଙ୍କ ବିରୋଧରେ ନାରାବାଜି କରଥିଲେ । ଏହି ଘଟଣା ପ୍ରଚାରିତ ହୋଇ ଯିବା ପରେ ଅନ୍ୟ ଓକିଲମାନେ ସେଠାରେ ପହଞ୍ଚି ମାଜିଷ୍ଟ୍ରେଟ୍ଙ୍କ ସହ ଆଲୋଚନା କରିଥିଲେ। ପରେ ସଂପୃକ୍ତ ଓକିଲକୁ ଡକାଯାଇ ଘଟଣାର ସମାଧାନ କରାଯାଇଥିଲା । ଏଭଳି ଘଟଣାକୁ ବହୁ ବରିଷ୍ଠ ଓକିଲ ନିନ୍ଦା କରିଛନ୍ତି ।