ମାଟିତଳୁ ଲ୍ୟାଣ୍ଡମାଇନ୍ ଠାବ କରୁଛି ଏହି ମୂଷା । ବଞ୍ଚାଉଛି ଲୋକଙ୍କ ଜୀବନ

70

ନିଶ୍ଚୟ ସାହସିକତାର ଅନେକ କାହାଣୀ ଶୁଣିଥିବେ, କିନ୍ତୁ ଏହି କାହାଣୀଟି ସମ୍ପୂର୍ଣ୍ଣ ଭିନ୍ନ | ଆଜି ଆମେ ଆପଣଙ୍କୁ ଏମିତି ଏକ ମୂଷା ବାବଦରେ କହିବୁ ଯିଏ କି ୭୧ଟି ଲ୍ୟାଣ୍ଡମାଇନ୍ ଖୋଜି ହଜାର ହଜାର ଲୋକଙ୍କ ଜୀବନ ରକ୍ଷା କରିପାରିଛି | ଏହି ଆଫ୍ରିକୀୟ ପ୍ରଜାତିର ମୂଷାର କାହାଣୀ ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥାଏ | କାରଣ ମାଟି ତଳେ ଥିବା ଲ୍ୟାଣ୍ଡମାଇନ ଖୋଜିବା ପାଇଁ ବେଲଜିୟମର ଏକ ଏନଜିଓ ଆପୋପୋ ଦ୍ୱାରା ତାଲିମ ଦିଆଯାଇଛି। ମାଗାୱା ନାମକ ଏହି ମୂଷା ଗତ ବର୍ଷ ନିଜର ସାହସିକତା ପାଇଁ ବ୍ରିଟିଶ୍ ଚାରିଟିର ଟପ୍ ସିଭିଲ୍ ଆୱାର୍ଡ ମଧ୍ୟ ପାଇଛି |

ଯେତେବେଳେ କି ଏହି ପୁରସ୍କାର ପୂର୍ବରୁ କେବଳ କୁକୁରମାନଙ୍କୁ ସେମାନଙ୍କର ସାହସିକ କାର୍ଯ୍ୟ ପାଇଁ ଦିଆଯାଇଥିଲା | କାମ୍ବୋଡିଆର ଦକ୍ଷିଣ ପୂର୍ବ ଏସୀୟ ଦେଶରେ ଲ୍ୟାଣ୍ଡମାଇନ୍ ଚିହ୍ନଟ କରିବା ସମୟରେ ଏହି ମୂଷାକୁ ତାଲିମ ଦିଆଯାଇଥିଲା | ଟ୍ରେନିଂ ପରେ ମାଗାୱା ଖୁବ ଭଲ କାମ କରିଥିଲା |

ଏକ ରିପୋର୍ଟ ଅନୁଯାୟୀ, ଏହି ମୂଷା ଏହାର ଘ୍ରାଣ ଶକ୍ତି ଦ୍ୱାରା ୧.୪ ଲକ୍ଷ ବର୍ଗ ମିଟର ବା ୨୦ ଟି ଫୁଟବଲ୍ ପଡିଆ ଆକାରର ସ୍ଥାନକୁ ଖୋଜି ଲ୍ୟାଣ୍ଡମାଇନ ଅଛି ନା ନାହିଁ ତାହା ଜଣାଇଦେଇଥିଲା | ଏହା ଦ୍ୱାରା ହଜାର ହଜାର ଜୀବନ ରକ୍ଷା ପାଇଥିଲା | କେବଳ ଏତିକି ନୁହେଁ, ଏହି ମୂଷା ୨୮ଟି ଜୀବନ୍ତ ବିସ୍ଫୋରକ ମଧ୍ୟ ଠାବ କରିଛି |

Comments are closed.