ଢେଙ୍କାନାଳରେ ବନ୍ଧୁକ ଡିଲ ବେଳେ ଧରାପଡିଲେ ମାଫିଆ : ଭାପୁର ନିକଟରୁ ଦୁଇ ମାଫିଆଙ୍କୁ କାବୁ କଲା ଏସଟିଏଫ୍
ନିଜେ ତିଆରି କରି ବନ୍ଧୁକ କରୁଥିଲେ ବିକ୍ରି; ୯ଟି ଦେଶୀ ବନ୍ଧୁକ ସହ ରିଭଲଭର ଜବତ
କନକ ବ୍ୟୁରୋ : ବେଆଇନ ବନ୍ଧୁକ କାରବାର ବେଳେ ଚଢାଉ କରି ଦୁଇ ମାଫିଆଙ୍କୁ ଗିରଫ କରିଛି କ୍ରାଇମ ବ୍ରାଚର ସ୍ପେଶାଲ ଟାକ୍ସ ଫୋର୍ସ । ଢେଙ୍କାନାଳରେ ଏଭଳି ବନ୍ଧୁକ ଡିଲ୍ ଚାଲୁଥିବା ବେଳେ ଚଢାଉ କରିଛି ଏସଟିଏଫ । ଦୁଇ ଅଭିଯୁକ୍ତଙ୍କ ଠାରୁ ଏସଟିଏଫ ଗୋଟିଏ ପିସ୍ତଲ ସହ ୯ ଟି ଦେଶି ବନ୍ଧୁକ ଜବତ କରିଛି । ଅଭିଯୁକ୍ତ ଦ୍ୱୟ ହେଲେ କାନ୍ଦି ନାୟକ ଏବଂ ଶ୍ୟମସୁନ୍ଦର ସେଠୀ । ସେମାନଙ୍କୁ ଗିରଫ କରି ପୋଲିସ ପଚାରାଉଚରା ଜାରି ରଖିଛି ।
Kanak News is now on WhatsApp
Join and get latest news updates delivered to you via WhatsApp
ଫଟୋ ଦେଖାଇ ଡିଲ ପରେ ବନ୍ଧୁକ ଚାଲାଣ କରୁଥିବା ବେଳେ ଗୁଇନ୍ଦା ସୁତ୍ରରୁ ଖବର ପାଇ ଚଢାଉ କରିଥିଲା ଏସଟିଏଫ୍ । ତେବେ ମୋଟ ଉପରେ ୨୦୨୦ରୁ ଏପର୍ଯ୍ୟନ୍ତ ଏସଟିଏଫ ୫୬ ବନ୍ଧୁକ ଜବତ କରିବା ସହ ୯୬ ରାଉଣ୍ଡ ଗୁଳି ଜବତ କଲାଣି । ପ୍ରାରମ୍ଭିକ ତଦନ୍ତ ବେଳେ ଜଣାପଡ଼ିଛି ଯେ ଢେଙ୍କାନାଳ ଅଞ୍ଚଳରେ କେତେକ ଅପରାଧୀ ବନ୍ଧୁକ ତିଆରି ଓ ଚୋରା ଚାଲାଣରେ ଲିପ୍ତ ଅଛନ୍ତି । ସେମାନଙ୍କୁ ଧରିବାକୁ ଅଭିଯାନ ଆରମ୍ଭ ହୋଇଛି ବୋଲି ପୁଲିସ ପକ୍ଷରୁ ସୂଚନା ଦିଆଯାଇଛି ।