କେନ୍ଦ୍ରମନ୍ତ୍ରୀଙ୍କ ହେଲ୍ଥ ଟିପ୍ସ୍ । ମଦ ଏକ ବଡ ଟନିକ୍ । କରୋନା କାଳରେ ସ୍ୱାସ୍ଥ୍ୟପାଇଁ ନିହାତି ଜରୁରୀ
କନକ ବ୍ୟୁରୋ : ଡାକ୍ତର କହୁଛନ୍ତି ମଦ ସ୍ୱାସ୍ଥ୍ୟପକ୍ଷେ ହାନିକାରକ । ମଦ ପିଇବା ଦ୍ୱାରା ପରିବାର ତଥା ସମାଜରେ ଅଶାନ୍ତି ସୃଷ୍ଟି ହେଉଛି ବୋଲି ଦାବି କରି ଅନେକ ସାମାଜିକ ସଂଗଠନ ଦେଶରୁ ମଦ ବନ୍ଦ କରିବାକୁ ରାଜରାସ୍ତାରେ ବିକ୍ଷୋଭ କରୁଛନ୍ତି । ହେଲେ ଆଜି କେନ୍ଦ୍ରମନ୍ତ୍ରୀ ତଥା ବିଜେପି ନେତା ଫଗନ ସିଂ କୁଲେସ୍ତାଙ୍କ ବୟାନ ଶୁଣିବା ପରେ ମଦୁଆଙ୍କ ମନ କୁଣ୍ଢେମୋଟ ହୋଇଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଆଜି ମଧ୍ୟପ୍ରଦେଶ ମଣ୍ଡଲାରେ ଏକ ସଭାକୁ ଉଦବୋଧନ ଦେବାକୁ ପହଂଚିଥିଲେ କେନ୍ଦ୍ର ଇସ୍ପାତ ରାଜ୍ୟମନ୍ତ୍ରୀ ଫଗନ ସିଂ କୁଲେସ୍ତା । ସେଠାରେ ସେ ମଦକୁ ନେଇ ଏକ ବୟାନ ଦେଇଛନ୍ତି । ସେ କହିଛନ୍ତି କି ମଦ ମଣିଷ ଶରୀରରେ ଏକ ଟନିକ୍ ଭଳି କାମକରେ । କରୋନା କାଳରେ ସ୍ୱାସ୍ଥ୍ୟପାଇଁ ମଦର ନିତ୍ୟାନ୍ତ ଆବଶ୍ୟକତା ରହିଛି । ତେଣୁ ଦେଶରେ ମଦ ପିଇବା ଲୋକଙ୍କ ସଂଖ୍ୟା ସର୍ବାଧିକ ରହିଛି ।
ସେ ଆହୁରି କହିଛନ୍ତି କି, କରୋନା କାଳରେ ଯେତେବେଳେ ରାଜ୍ୟ ସରକାରମାନେ ଲକଡାଉନ୍ ଘୋଷଣା କଲେ ସେତେବେଳେ ସବୁ ଦୋକାନ ବନ୍ଦ ହୋଇଗଲା । ଏହାପରେ ଯେତେବେଳେ ଦୋକାନ ଖୋଲିଲା ସେତେବେଳେ ମଦ ଦୋକାନ ଆଗରେ ଲୋକଙ୍କର ନାହିଁ ନଥିବାର ଭିଡ ଦେଖିବାକୁ ମିଳିଲା । ସେ ଆହୁରି କହିଛନ୍ତି କି ମଦ ଲୋକଙ୍କ ସ୍ୱାସ୍ଥ୍ୟ ପାଇଁ ଏକ ଟନିକ୍ ଭଳି କାମ କରୁଥିବା ବେଳେ ଏହା ବି ସରକାରଙ୍କ ରାଜସ୍ୱ ଆଦାୟର ଏକ ବଡ ଭାଗ ପୂରଣ କରୁଛି । ଏହାସହ ମଦ କାରବାର ଫଳରେ ରାଜ୍ୟ ଓ କେନ୍ଦ୍ର ସରକାରଙ୍କ ମଧ୍ୟରେ ଗୋଟିଏ ସୁ ସଂପର୍କ ସ୍ଥାପନ ହୋଇ ପାରୁଛି । ଏଥିପାଇଁ ସରକାର ନିଜ ହିସାବରେ ନିସ୍ପତ୍ତି ନେଉଛନ୍ତି । କାହିଁକି ନା ମଦ ପିଇବା ଲୋକଙ୍କ ସଂଖ୍ୟା ବହୁତ ଅଧିକ ।