ଟିକା ନେଇ ନଥିଲେ ମିଳିବନି ମଦ, ଜାଣନ୍ତୁ କେଉଁଠି ଲାଗୁହେଲା ଏଭଳି ନିୟମ
କନକ ବ୍ୟୁରୋ : କରୋନା ମହାମାରୀ ବିରୋଧରେ ଲଢିବାକୁ ସରକାର ଟିକାକରଣକୁ ପ୍ରାଧାନ୍ୟ ଦେଇଛନ୍ତି । ଏହି କ୍ରମରେ ଗୁରୁବାର ସୁଦ୍ଧା କୋ-ୱିନ୍ ଆପରୁ ମଳିଥିବା ରିପୋର୍ଟ ମୁତାବକ ଦେଶରେ ୧ ଶହ ୧୫ କୋଟି ଲୋକ ଟିକା ନେଇଛନ୍ତି । ହେଲେ ଏବେ ବି କିଛି ଲୋକ ଟିକାର ଉଭୟ ଖୋରାକ ବା ଗୋଟିଏ ବି ଖୋରାକ ନେଇ ନାହାଁନ୍ତି । ସେମାନଙ୍କୁ ସଚେତନ କରିବା ଓ ଦେଶରେ ଶତ ପ୍ରତିଶତ ଟିକାକରଣ କରାଇବାକୁ ରାଜ୍ୟ ସରକାରମାନେ ଭିନ୍ନ ଭିନ୍ନ ପନ୍ଥା ଆପଣାଉଥିବା ବେଳେ ମଧ୍ୟ ପ୍ରଦେଶର ଗୋଟିଏ ଜିଲ୍ଲାରେ ଅବକାରୀ ବିଭାଗ ଏକ ନୂଆ ତରିକା ଆପଣାଇଛି ।
Kanak News is now on WhatsApp
Join and get latest news updates delivered to you via WhatsApp
ମଧ୍ୟ ପ୍ରଦେଶ ଖଣ୍ଡବା ଜିଲ୍ଲାର ଅବକାରୀ ବିଭାଗ ନିର୍ଦ୍ଦେଶ ଦେଇଛି କି ଯେଉଁମାନେ ଟିକାର ଉଭୟ ଡୋଜ ନେଇ ନାହାଁନ୍ତି ସେମାନଙ୍କୁ ସରକାରୀ ମଦ ଦୋକାନରୁ ମଦ ମିଳିବ ନାହିଁ । ଏନେଇ ମଦ ଦୋକାନୀମାନେ ମଦ ବିକ୍ରି କରିବା ପୂର୍ବରୁ କିଣୁଥିବାର ଲୋକର ଟିକାକରଣ ସାର୍ଟିଫିକେଟ ଯାଂଚ କରିବାକୁ ଅବକାରୀ ବିଭାଗ ନିର୍ଦ୍ଦେଶ ଦେଇଛି । ଅର୍ଥାତ ଅବକାରୀ ବିଭାଗ ସ୍ପଷ୍ଟ କରିଛି କି କେବଳ ଟିକାର ଉଭୟ ଖୋରାକ ନେଇଥିବା ଲୋକମାନେ ହିଁ ମଦ କିଣିପାରିବେ । କହିରଖୁ କି ଖଣ୍ଡବା ଅବକାରୀ ବିଭାଗ ଜିଲ୍ଲାରେ ଥିବା ୧୯ ଟି ବିଦେଶୀ ମଦଦୋକାନ ଓ ୫୬ ଟି ଦେଶୀ ମଦ ଦୋକାନକୁ ଏଭଳି ନୋଟିସ ପଠାଇଛି ।
ଖଣ୍ଡବା ଅବକାରୀ ଅଧିକାରୀ ପି.କିରଣ କହିଛନ୍ତି କି ଜିଲ୍ଲା ପ୍ରଶାସନ ପକ୍ଷରୁ ତାଙ୍କୁ ନିର୍ଦ୍ଦେଶ ଦିଆଯାଇଥିଲା କି, ମଦ ପିଉଥିବା ଲୋକଙ୍କ ପାଇଁ ବି ଟିକାର ଉଭୟ ଖୋରାକ ଲଗାଇବା ଜରୁରୀ । ଯେଉଁମାନେ ଟିକା ନେଇଛନ୍ତି କେବଳ ସେମାନଙ୍କୁ ମଦ ବିକ୍ରି କରାଯାଉ ।
Alcohol will be sold at the liquor stores to only those people who have received both doses of COVID vaccine: Khandwa District Excise Officer #MadhyaPradesh pic.twitter.com/CoCqiITgsN
— ANI (@ANI) November 18, 2021
ଅନ୍ୟପଟେ ମଧ୍ୟ ପ୍ରଦେଶ ପର୍ଯ୍ୟଟନ ବିଭାଗ ଦ୍ୱାରା ବିକଶିତ ହୋଇଥିବା ହନୁବନ୍ତିଆ ଟାପୁ ଠାରେ ଅନୁଷ୍ଠିତ ହେବାକୁ ଯାଉଥିବା ୬ ଷ୍ଠ ଜଳ ମହୋତ୍ସବକୁ ନେଇ ବି ଗାଇଡ ଲାଇନ ଜାରି କରାଯାଇଛି । ନଭେମ୍ବର ୨୦ ତାରିଖରେ ଏହାକୁ ମୁଖ୍ୟମନ୍ତ୍ରୀ ଶିବରାଜସିଂ ଚୌହାନ ଔପଚାରିକ ଭାବେ ଏହାକୁ ଉଦଘାଟନ କରିବେ । ଏନେଇ ପର୍ଯ୍ୟଟନ ବିଭାଗ କହିଛି କି, ଯେଉଁମାନେ ଟିକାର ଉଭୟ ଖୋରାକ ନେଇଥିବେ ସେହିମାନଙ୍କୁ କେବଳ ପର୍ଯ୍ୟଟନସ୍ଥଳୀ ଭ୍ରମଣର ସୁଯୋଗ ମିଳିବ ।