ବ୍ୟାନ୍ ହଟିବା ପରେ ନିର୍ବାଚନ ଆୟୋଗଙ୍କ ଉପରେ ବର୍ଷିଲେ ମାୟାବତୀ ! ପ୍ରଶ୍ନ କଲେ , ଯୋଗୀଙ୍କ ଉପରେ ନିର୍ବାଚନ ଆୟୋଗଙ୍କ ଏତେ ଦରଦ କାହିଁକି ?
ଆଦର୍ଶ ଆଚାର ସଂହିତାର ଉଲ୍ଲଘଂନ ମାମଲାରେ ବହୁଜନ ସମାଜ ପାର୍ଟି ସୁପ୍ରିମୋ ମାୟାବତୀଙ୍କ ଉପରେ ନିର୍ବାଚନ ଆୟୋଗ (ଇସି) ପ୍ରଚାର -ପ୍ରସାର କରିବାକୁ ନେଇ ୪୮ ଘଣ୍ଟାର ବ୍ୟାନ୍ ଲଗାଇଥିଲେ । ଇସିଙ୍କ ବ୍ୟାନ୍ ଗୁରୁବାର ସକାଳ ୬ ଟା ବେଳେ ଶେଷ ହୋଇଥିଲା । ବ୍ୟାନ୍ ସମୟ ଶେଷ ହେବା ପରେ ମାୟାବତୀ ଟ୍ୱିଟ୍ କରି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଉପରେ ବର୍ଷିଥିଲେ । ସେ ଟ୍ୱିଟରେ କହିଛନ୍ତି ଯୋଗୀ ଆଦିତ୍ୟନାଥ ନିଜ ଅଧିକାରର ଖୋଲାଖୋଲି ଉଲ୍ଲଘଂନ କରୁଛନ୍ତି , କିନ୍ତୁ ଇସି ତାଙ୍କ ପ୍ରତି ଏତେ ଦରଦ କାହିଁକି ଦେଖାଉଛନ୍ତି ?
Kanak News is now on WhatsApp
Join and get latest news updates delivered to you via WhatsApp
चुनाव आयोग की पाबंदी का खुला उल्लंघन करके यूपी के सीएम योगी शहर- शहर व मन्दिरों में जाकर एवं दलित के घर बाहर का खाना खाने आदि का ड्रामा करके तथा उसको मीडिया में प्रचारित/प्रसारित करवाके चुनावी लाभ लेने का गलत प्रयास लगातार कर रहे हैं किन्तु आयोग उनके प्रति मेहरबान है, क्यों?
— Mayawati (@Mayawati) April 18, 2019
ସେ ଟ୍ୱିଟ କରି କହିଛନ୍ତି , ନିର୍ବାଚନ ଆୟୋଗର ନିୟମକୁ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଖୋଲାଖୋଲି ଉଲ୍ଲଘଂନ କରୁଛନ୍ତି । ସେ ସହର-ସହର ମନ୍ଦିରକୁ ଯାଇ ,ଦଳିତଙ୍କ ଘରେ ଖାଦ୍ୟ ଖାଇବା ଭଳି ଡ୍ରାମା କରୁଛନ୍ତି । ଏହାର ଫଟୋ ମିଡିଆରେ ପ୍ରଚାର ଏବଂ ପ୍ରସାର କରି ସେ ରାଜନୈତିକ ଲାଭ ପାଇବାକୁ ଚାହୁଁଛନ୍ତି । କିନ୍ତୁ ଆଚମ୍ବିତର କଥା ତାଙ୍କ ପ୍ରତି ନିର୍ବାଚନ ଆୟୋଗଙ୍କ ଏତେ ଦରଦ କାହିଁକି ରହିଛି?
अगर ऐसा ही भेदभाव व बीजेपी नेताओं के प्रति चुनाव आयोग की अनदेखी व गलत मेहरबानी जारी रहेगी तो फिर इस चुनाव का स्वतंत्र व निष्पक्ष होना असंभव है। इन मामलों मे जनता की बेचैनी का समाधान कैसे होगा? बीजेपी नेतृत्व आज भी वैसी ही मनमानी करने पर तुला है जैसा वह अबतक करता आया है, क्यों?
— Mayawati (@Mayawati) April 18, 2019
ନିଜର ଆଉ ଏକ ଟ୍ୱିଟରେ ସେ ଲେଖିଥିଲେ , ଯଦି ଏହିଭଳି ଭେଦଭାବ ବିଜେପି ନେତାଙ୍କ ପ୍ରତି ନିର୍ବାଚନ ଆୟୋଗଙ୍କ ରହିବ ତେବେ ଚଳିତଥରର ନିର୍ବାଚନ ସ୍ୱତନ୍ତ୍ର ଏବଂ ନିଷ୍ପକ୍ଷ ହେବା ଅସମ୍ଭବ । ଏହି ମାମଲାରେ ଜନତାଙ୍କ ଚିନ୍ତାର କିଭଳି ଭାବେ ସମାଧାନ ହୋଇପାରିବ? ଆପଣଙ୍କୁ କହିରଖୁଛୁ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଉପରେ ନିର୍ବାଚନ ଆୟୋଗ ୭୨ ଘଣ୍ଟାର ପ୍ରତିବନ୍ଧ ଲଗାଇଥିଲେ । ପ୍ରତିବନ୍ଧ ଲାଗୁ ହେବା ପରେ ଯୋଗୀ ବଜରଙ୍ଗବାଲୀ ଏବଂ ଲଖନଉଁ ,ଅଯୋଧ୍ୟାରେ ଦର୍ଶନ କରିବା ପାଇଁ ବାହାରି ପଡିଥିଲେ । ଗୁରୁବାର ସେ କାଶୀ ପହଂଚିଛନ୍ତି ।