କନକ ବ୍ୟୁରୋ : ବଞ୍ଚିଛନ୍ତି ଏଲଟିଟିଇ ମୁଖ୍ୟ ପ୍ରଭାକରନ ।ତାମିଲ ବିଶ୍ୱ ପରିସଂଘର ଅଧ୍ୟକ୍ଷ ପାଝା ନେଦୁମାରନ ପ୍ରଭାକରନଙ୍କୁ ନେଇ ବଡ ବୟାନ ଦେଇଛନ୍ତି । ଶନିବାର ନେଦୁମାରନଙ୍କ ଏହି ଘୋଷଣା ଶ୍ରୀଲଙ୍କାରେ ଥିବା ତାମିଲ ମାନଙ୍କ ପାଇଁ ନୂଆ ଆଶା ସଞ୍ଚାର କରିଛି । ଏପରିକି ଯେତେବେଳେ ତାଙ୍କୁ ପ୍ରମାଣ ମିଳିବ ସଙ୍ଗେସଙ୍ଗେ ଗଣମାଧ୍ୟମରେ ଜାରି କରିବେ ବୋଲି କହିଛନ୍ତି ନେଦୁମାରନ । ପ୍ରଭାକରନ ପୁଣିଥରେ ସାମ୍ନାକୁ ଆସିବାର ଏହା ଅନୁକୂଳ ସମୟ ବୋଲି ସେ କହିଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁଯାୟୀ ନେଦୁମାରନ କହିଛନ୍ତି,. ପ୍ରଭାକରନ ବଞ୍ଚିଥିବା ଖବର ଅନେକ ଶ୍ରୀଲଙ୍କା ତାମିଲଙ୍କ ମଧ୍ୟରେ ନୂଆ ଆଶା ସୃଷ୍ଟି କରିଛି । କିନ୍ତୁ ଯଦି କାହାର ପ୍ରମାଣ ଦରକାର ତେବେ ମୁଁ ତାଙ୍କୁ ଫୋନ୍ କରିବି ଓ ଡାକିକି ପ୍ରମାଣ ଦେବି । କିନ୍ତୁ ଏଥିପାଇଁ କିଛି ଦିନ ଅପେକ୍ଷା କରିବାକୁ ପଡିବ । ଯେତେବେଳେ ପ୍ରମାଣ ମିଳିବ ସେତେବେଳେ ସଙ୍ଗେସଙ୍ଗେ ଏହାକୁ ଗଣମାଧ୍ୟମକୁ ଦେବି ।
ଏହାସହ ପୂର୍ବରୁ ନେଦୁମାରନ କହିଥିଲେ, ଖୁବଶୀଘ୍ର ପ୍ରଭାକରନ ସର୍ବସମ୍ମୁଖକୁ ଆସିବା ସହ ତାମିଲ ଜାତିକୁ ମୁକ୍ତି କରିବାକୁ ବଡ ଘୋଷଣା କରିବେ । ଆଉ ଏଥିପାଇଁ ସମସ୍ତ ତାମିଲ ଲୋକଙ୍କର ସମର୍ଥନ ଆବଶ୍ୟକ । ଗତ ୧୪ ବର୍ଷ ପୂର୍ବେ ପ୍ରଭାକରନଙ୍କୁ ଶ୍ରୀଲଙ୍କା ସେନା ହତ୍ୟା କରିଥିଲା ବୋଲି ସ୍ପଷ୍ଟ କରିଥିଲା । ଏପରିକି ପ୍ରଭାକରନଙ୍କ ମରଶରୀରର ମଧ୍ୟ ଫଟୋ ଜାରି କରିଥିଲା ।