କନକ ବ୍ୟୁରୋ: ଲେଫ୍ଟନାଣ୍ଟ ଜେନେରାଲ ଡକ୍ଟର ଶରତ ଚନ୍ଦ୍ର ଦାଶଙ୍କୁ ମିଳିଲା ସମ୍ମାନଜନକ ଅତି ବିଶିଷ୍ଟ ସେବା ମେଡାଲ। ରାଷ୍ଟ୍ରପତି ଦ୍ରୌପଦୀ ମୁର୍ମୁ ଡକ୍ଟର ଦାଶଙ୍କୁ ଏହି ସମ୍ନାନ ପ୍ରଦାନ କରିଛନ୍ତି। ରାଷ୍ଟ୍ରପତି ଭବନରେ ଆୟୋଜିତ ପୁରସ୍କାର ବିତରଣ କାର୍ଯ୍ୟକ୍ରମରେ ଲେଫ୍ଟନାଣ୍ଟ ଜେନେରାଲ ଡକ୍ଟର ଶରତ ଚନ୍ଦ୍ର ଦାଶଙ୍କୁ ଏହି ସମ୍ମାନ ପ୍ରଦାନ କରାଯାଇଛି। ନୟାଗଡ ଜିଲ୍ଲା, ରାଜରଣପୁରଗଡର ବାସିନ୍ଦା ଲେଫ୍ଟନାଣ୍ଟ ଜେନେରାଲ ଡକ୍ଟର ଶରତ ଚନ୍ଦ୍ର ଦାଶ। ଭାରତୀୟ ସ୍ଥଳ ସେନାରେ ଦୀର୍ଘ ବର୍ଷ ଧରି ସେବା ଯୋଗାଇ ଆସୁଛନ୍ତି ଡକ୍ଟର ଦାଶ। ନିକଟରେ ସେ ଅବସର ନେଇଛନ୍ତି। ତେବେ ତାଙ୍କୁ ଅତି ବିଶିଷ୍ଟ ସେବା ମେଡାଲ ପ୍ରଦାନ କରିଛନ୍ତି ରାଷ୍ଟ୍ରପତି । ପୂର୍ବରୁ କାରଗିଲ ଯୁଦ୍ଧ ସମୟରେ ତାଙ୍କ ସେବା କାର୍ଯ୍ୟ ପାଇଁ ଯୁଦ୍ଧ ସେବା ମେଡାଲ ମଧ୍ୟ ପାଇଛନ୍ତି ଡକ୍ଟର ଦାଶ।