ପେଟିଏମରେ ବୁକ୍ କରନ୍ତୁ ଏଲପିଜି ସିଲିଣ୍ଡର । ୯୦୦ ଟଙ୍କା କ୍ୟାସବ୍ୟାକ୍ ସହ ମିଳିବ ଅନେକ ଫାଇଦା ! ଜାଣନ୍ତୁ କେମିତି କରିବେ ବୁକିଂ ।
କନକ ବ୍ୟୁରୋ : ପେଟିଏମରେ ବୁକ୍ କରନ୍ତୁ ଏଲପିଜି ସିଲିଣ୍ଡର । ୯୦୦ ଟଙ୍କା କ୍ୟାସବ୍ୟାକ୍ ସହ ମିଳିବ ଅନେକ ଫାଇଦା ! ଗ୍ୟାସ ଉପଭୋକ୍ତାଙ୍କ ପାଇଁ ଆସିଛି ଏକ ଖୁସି ଖବର । ଯଦି ଆପଣ ଅନଲାଇନରେ ଗ୍ୟାସ ସିଲିଣ୍ଡର ବୁକିଂ କରୁଛନ୍ତି, ତେବେ ଆପଣଙ୍କୁ ଅନେକ ଫାଇଦା ମିଳିବ । ଦିନକୁ ଦିନ ଗ୍ୟାସ ସିଲିଣ୍ଡରର ଦର ବୃଦ୍ଧି ପାଉଥିବା ବେଳେ ଏକ ଆଶ୍ୱସ୍ତିକର ଖବର ଆଣିଦେଇଛି ପେଟିଏମ୍ । ପେଟିଏମ୍ ଏମିତି ଅନେକ ଆକର୍ଷଣୀୟ ସୁବିଧା ଆଣିଛି, ଯାହା ଆପଣଙ୍କର ସିଲିଣ୍ଡର ବୁକିଂ ଅଭିଜ୍ଞତାକୁ ଅଧିକ ଆରାମଦାୟକ କରିବ । ବର୍ତମାନ ପେଟିଏମ୍ ବ୍ୟବହାରକାରୀମାନେ ଆଇଭିଆର୍, ମିସ୍ କଲ୍, କିମ୍ବା ହ୍ୱାଟ୍ସଆପ୍ ମାଧ୍ୟମରେ ସିଲିଣ୍ଡର ବୁକ୍ କରିପାରିବେ ଏବଂ ପେଟିଏମ୍ ମାଧ୍ୟମରେ ପେମେଂଟ କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
ଯଦି ଆପଣ ଏକ ସମୟରେ ତିନୋଟି ସିଲିଣ୍ଡର ବୁକ୍ କରୁଛନ୍ତି, ତେବେ ଆପଣ ୯୦୦ ଟଙ୍କା ପର୍ଯ୍ୟନ୍ତ କ୍ୟାସବ୍ୟାକ୍ ମଧ୍ୟ ପାଇପାରିବେ । କିନ୍ତୁ ଗୋଟିଏ ସର୍ତ ରହିବ । ଏହି କ୍ୟାସବ୍ୟାକ୍ ସେହି ଲୋକଙ୍କ ପାଇଁ ଉପଲବ୍ଧ ହେବ, ଯେଉଁମାନେ ପ୍ରଥମ ଥର ପାଇଁ ପେଟିଏମରୁ ଗ୍ୟାସ ସିଲିଣ୍ଡର ବୁକ୍ କରିବେ । ଏହା ସହ ଆପଣଙ୍କୁ ପେଟିଏମ୍ ଫାଷ୍ଟ ପଏଂଟ ମଧ୍ୟ ମିଳିବ, ଯାହା ୱାଲେଟ୍ ବାଲାନ୍ସ ଭାବରେ ଉପଲବ୍ଧ ହୋଇପାରିବ । ଏବେ ଆସନ୍ତୁ ଜାଣିବା ପେଟିଏମରେ କେମିତି କରିବେ ଗ୍ୟାସ ବୁକିଂ ।
ପେଟିଏମରୁ ଗ୍ୟାସ୍ ସିଲିଣ୍ଡର ବୁକିଂ କରିବା ଅତ୍ୟନ୍ତ ସହଜରେ ହୋଇପାରିବ । ଏହି ପ୍ରକ୍ରିୟାକୁ ଆହୁରି ସହଜ କରିବା ପାଇଁ ପେଟିଏମ୍ ଏକ ନୂତନ ବ୍ୟବସ୍ଥା କରିଛି ।
ସିଲିଣ୍ଡର ବୁକ୍ କରିବା ପାଇଁ ଉପଭୋକ୍ତାଙ୍କୁ କେବଳ ପେଟିଏମର ବୁକ୍ ଗ୍ୟାସ୍ ସିଲିଣ୍ଡର ଟ୍ୟାବକୁ ଯିବାକୁ ପଡିବ । ଏହି ଟ୍ୟାବକୁ ଯାଆନ୍ତୁ ଏବଂ ଗ୍ୟାସ କମ୍ପାନୀ ଚୟନ କରନ୍ତୁ ।
ଆପଣଙ୍କର ମୋବାଇଲ୍ ନମ୍ବର, ଏଲପିଜି ଆଇଡି ଦିଅନ୍ତୁ ଏବଂ କଷ୍ଟମର ନମ୍ବର ଏଂଟର କରନ୍ତୁ । ଏହା ପରେ ଆପଣ ପେମେଂଟ କରିପାରିବେ । ଇଣ୍ଡେନ୍, ଏଚପି ଏବଂ ଭାରତ ଗ୍ୟାସ ଭଳି ପ୍ରମୁଖ ଗ୍ୟାସ କମ୍ପାନୀର ଗ୍ରାହକମାନେ ପେଟିଏମର ଏହି ନୂତନ ସୁବିଧାର ଲାଭ ପାଇପାରିବେ ।
ଏହା ବ୍ୟତୀତ ଆଉ ଏକ ଗୁରୁତ୍ୱପୂର୍ଣ୍ଣ କଥା ହେଉଛି, ଏଣିକି ଗ୍ରାହକମାନେ ପେଟିଏମ୍ ମାଧ୍ୟମରେ ସିଲିଣ୍ଡରର ଡେଲିଭରୀକୁ ଟ୍ରାକ୍ କରିପାରିବେ । ଅର୍ଥାତ ବୁକିଂ ପରେ ଆପଣଙ୍କ ପାଖକୁ ଗ୍ୟାସ ସିଲିଣ୍ଡର କେବେ ଆସିବ, କେଉଁଠୁ ଆସିବ, ସେନେଇ ଆପଣ ସହଜରେ ଟ୍ରାକ୍ କରିପାରିବେ ।