କନକ ବ୍ୟୁରୋ: ଖାଁ ଖାଁ ଲୋୟର ପିଏମଜି । ଧାରଣାସ୍ଥଳରୁ କମିଲାଣି ଭିଡ । ଆଦର୍ଶ ଆଚରଣ ବିଧି ଲାଗୁ ହେବା ପରେ ଯେଝା ବାଟରେ ଯେଝେ ଫେରିଗଲେଣି । କିଛି ଦାବି ପୂର୍ଣ୍ଣ ହେଲା, କିଛି ପ୍ରତିବାଦ ପ୍ରତିବାଦରେ ହିଁ ରହିଗଲା । ଧାରଣାସ୍ଥଳରୁ ଗର୍ଜନର ସ୍ୱର ଆଉ କିଛି ମାସ ଯାଏ ଶୁଭିବନି । ପ୍ରତିବାଦକାରୀ ମାନେ ଗୋଟେ ନିରାଶା ନେଇ ଘରମୁହାଁ ହେଲେଣି । ନୂଆ ସରକାର ଗଢା ହେବା ଯାଏଁ କିଏ ଅପେକ୍ଷା କରିଛି ତ ପୁଣି କିଏ ସରକାର ଗଢିବା ଯାଏଁ ସେଇଠି ବସିବ ବୋଲି ନିଷ୍ପତ୍ତି ନେଇଛି ।
Kanak News is now on WhatsApp
Join and get latest news updates delivered to you via WhatsApp
ଆଉ ୟାରି ଭିତରେ ଭିଡରୁ ଭାତ ପାଇଁ ଟଙ୍କା ରୋଜଗାର କରୁଥିବା ମଣିଷଙ୍କ ମନ ବି ଭାଙ୍ଗି ଯାଇଛି । ଲୋୟର ପିଏମଜିରେ ଭିଡ ହେଲେ ସେମାନଙ୍କ ପରିବାର ଚଳେ । ଧାରଣାସ୍ଥଳର ପ୍ରତିବାଦ କରୁଥିବା ଲୋକଙ୍କୁ ହେଉ କିମ୍ବା ସେଠି ଖବର ସଂଗ୍ରହ କରୁଥିବା ସାମ୍ବାଦିକ କିମ୍ବା ପୋଲିସ କର୍ମୀଙ୍କୁ ନିଜ ସାମଗ୍ରୀ ବିକି କିଛି ପଇାସା ରୋଜଗାର କରନ୍ତି ।ଉ ସେଥିରେ ସେମାନଙ୍କ ଘର ଚଳେ । କିନ୍ତୁ ଆଦର୍ଶ ଆଚରଣ ବିଧି ଲାଗୁ ହେବା ପରେ ଏବେ କିଛି ମାସ ଧାରଣାସ୍ଥଳରୁ ସେମାନେ କୌଣସି ରୋଜଗାର କରିପାରିବେନି ତେଣୁ ମନମାରି ବସିଛନ୍ତି କାକୁଡି ବିକ୍ରି କରୁଥିବା ଏ ମାଉସୀ ଜଣଙ୍କ । ଖାଲି ଏ ମାଉସୀ ନୁହଁନ୍ତି ଅନେକ ବ୍ୟବସାୟୀ ମଧ୍ୟ ଯେଉଁମାନେ ଆନ୍ଦୋଳନସ୍ଥଳୀରେ ବିକ୍ରିବଟା କରି ରୋଜଗାର କରନ୍ତି ସେମାନେ ଚିନ୍ତାରେ ।