ସ୍ୱାଭିମାନ ଅଞ୍ଚଳରେ ନିମ୍ନ ମାନର ରାସ୍ତାକାମ । ଆନ୍ଧ୍ର ସୀମାକୁ ସଂଯୋଗ କରୁଥିବା ରାସ୍ତା କାମରେ ବ୍ୟବହୃତ ବାଲି ଗୋଡି ଧରି ଜିଲ୍ଲାପାଳଙ୍କ ଦ୍ୱାରସ୍ଥ ହେଲେ ଅଂଚଳବାସୀ ।

59

କନକ ବ୍ୟୁରୋ: ସ୍ୱାଧୀନତାର ସାତ ଦଶକ ପରେ ବି ମାଲକାନଗିରିର ବିଚ୍ଛିନ୍ନାଂଚଳରେ ବିକାଶ ପହଂଚି ପାରିନି । ସ୍ୱାଭିମାନ ଅଂଚଳରେ ନିମ୍ନମାନର ରାସ୍ତା କାମ ହେଉଥିବା ଅଭିଯୋଗ ଆଣି ଜିଲ୍ଲାପାଳଙ୍କ ଦ୍ୱାରସ୍ଥ ହୋଇଛନ୍ତି ଅଂଚଳବାସୀ । ସ୍ୱାଭିମାନ ଅଂଚଳ ବାସିନ୍ଦା ଅଖାରେ ବାଲି, ଗୋଡି ନେଇ ଜିଲ୍ଲାପାଳଙ୍କ ଦ୍ୱାରସ୍ଥ ହୋଇଛନ୍ତି ।

ସ୍ୱାଭିମାନ ଅଂଚଳରେ ନିମ୍ନମାନ ର ରାସ୍ତା ନିର୍ମାଣ ଅଭିଯୋଗ । ନିମ୍ନମାନର ବାଲି, ଗୋଡି ନେଇ ଜିଲ୍ଲାପାଳଙ୍କ ଦ୍ୱାରାସ୍ତ ହେଲେ ସ୍ୱାଭିମାନ ଅଂଚଳବାସିନ୍ଦା । ରାସ୍ତା କାମର ମାନ ସୁଧାରିବାକୁ ନିବେଦନ କରିଛନ୍ତି ଗ୍ରାମବାସୀ । ପୂର୍ତ ବିଭାଗ ପକ୍ଷରୁ ଣସପୁଟ ପଂଚାୟତ ଜାମଗୁଡା ଠାରୁ ତାବଲାଗୁଡା ଓ ସେଠାରୁ ଆନ୍ଦ୍ର ସୀମା ରାସ୍ତା ନିର୍ମାଣ ନିମ୍ନମାନର ବୋଲି ଅଭିଯୋଗ ହୋଇଛି ।

ଏନେଇ ଠିକାଦାରଙ୍କ ଠୁ ଆରମ୍ଭ କରି ବିଭାଗୀୟ ଯନ୍ତ୍ରୀଙ୍କୁ ଜଣାଇଲେ ବି କୌଣସି ସୁଫଳ ମିଳିନଥିଲା । ଓଲଟା ଧମକ ଚମକ ଦେବା ସହ ଥାନା ରେ ଗ୍ରାମବାସୀଙ୍କ ବିରୋଧରେ ଏତଲା ଦିଆଯାଇଥିବା ଜଣା ପଡିଛି । ତେଣୁ ବାଧ୍ୟ ହୋଇ ଅଂଚଳର ଲୋକେ ଜିଲ୍ଲାପାଳଙ୍କ ଦ୍ୱାରସ୍ଥ ହୋଇଛନ୍ତି ।

ମାଲକାନଗିରି ପୁର୍ତବିଭାଗ ପକ୍ଷରୁ ସ୍ୱାଭିମାନ ଅଂଚଳରେ ଏଲ.ଡବ୍ଲୁ.ଇ ପାଣ୍ଠି ଓ ସେତୁ ଯୋଜନାରେ ୫୦ କିଲୋମିଟର ରାସ୍ତା ଓ ୩ଟି ପୋଲ ଲାଗି ୧୦୦ କୋଟି ଟଙ୍କାର କାମ ଜାରି ରହିଛି । ସେହି ପରି ଗ୍ରାମ୍ୟ ଉନ୍ନୟମ ବିଭାଗ ପକ୍ଷରୁ ୧୪୨ କୋଟି ଟଙ୍କା ବ୍ୟୟ ଅଟକଳ ମୁଲ୍ୟ ରେ ୩୧ ଟି ରାସ୍ତା ନିର୍ମାଣ ଲାଗି ଲକ୍ଷ୍ୟ ଧାର୍ଯ୍ୟ ହୋଇ ଥିବା ବେଳେ ମାଓ ଭୟ ଯୋଗୁ ଏବେ ବି ଅନେକ କାମ ଆରମ୍ଭ ହୋଇ ପାରି ନାହିଁ । ଦୁର୍ଗମ ଏବଂ ମାଓ ଇଲାକାର ଆଳ ଦେଖାଇ ମନଇଚ୍ଛା କାମ ଜାରି ରଖିଛି ବିଭାଗୀୟ ଯନ୍ତ୍ରୀ ଓ ଠିକାଦାର । ତେବେ ଏନେଇ କ୍ୟାମେରା ସମ୍ମୁଖରେ ମୁହଁ ଖୋଲି ନାହାନ୍ତି ମାଲକାନଗିରି ପୁର୍ତ ବିଭାଗ ର ନିର୍ବାହୀ ଯନ୍ତ୍ରୀ ।

ରାସ୍ତା ନିର୍ମାଣ କାମରେ ଦୁର୍ନୀତି । ଯଦି ସ୍ୱାଭିମାନ ଅଂଚଳବାସୀଙ୍କ ଅଭିଯୋଗ ସତ ତେବେ ସାଂଘାତିକ । କାରଣ ବର୍ଷ ବର୍ଷ ଧରି ଯେଉଁଠି ସରକାରୀ ଯୋଜନା ଅପହଁଚ ଥିଲା, ସେଠାରେ ଯେତେବେଳେ ବିକାଶ ପାଦ ଥାପିବା ଆରମ୍ଭ କରିଛି, ଠିକ ସେତିକି ବେଳେ ଏପରି ଦୁର୍ନିତୀ ଓ ଅନିୟମିତତା ଅତ୍ୟନ୍ତ ନିନ୍ଦନୀୟ ଓ ତଦନ୍ତ ସାପେକ୍ଷ ।

Comments are closed.