ପ୍ରେମ ପାଇଁ ଗଲା ଜୀବନ : ପରିବାର ଲୋକଙ୍କ ବିରୋଧ ପରେ ଆତ୍ମହତ୍ୟା କଲେ ପ୍ରେମୀଯୁଗଳ
କନକ ବ୍ୟୁରୋ : ପ୍ରେମ ପାଇଁ ଗଲା ଜୀବନ । ସ୍ୱୀକୃତି ନପାଇବାରୁ ବେକରେ ରଶି ଲଗାଇ ଅତ୍ମହତ୍ୟା କଲେ ପ୍ରେମୀଯୁଗଳ । ଅନୁଗୁଳ ଜିଲ୍ଲା ପୁରୁଣାକୋଟ ଥାନା କମୁରୀ ଗାଁରେ ଦେଖିବାକୁ ମିଳିଛି ଏହି ଘଟଣା । ବିବାହ କରିଥିବା ଦୁଇଜଣଙ୍କ ପ୍ରେମକୁ ଘର ଲୋକ ଗ୍ରହଣ ନକରିବାରୁ ଶେଷର ଆତ୍ମହତ୍ୟା ବାଟ ଆପଣେଇ ନେଇଛନ୍ତି ପ୍ରେମୀଯୁଗଳ ।
Kanak News is now on WhatsApp
Join and get latest news updates delivered to you via WhatsApp
ଡଲାସିଂହା ଗାଁର ପୁଅ ମଧୁ ସାହୁ ଏବଂ କୋଠାଭୁଇଁ ଗାଁର ଆଉ ଜଣେ ବିବାହିତ ମହିଳା ପରସ୍ପରଙ୍କ ପ୍ରେମରେ ପଡ଼ି ଯାଇଥିଲେ । ହେଲେ ପୂର୍ବରୁ ବିବାହିତ ହେତୁ ଏମାନଙ୍କ ସମ୍ପର୍କକୁ ସ୍ୱୀକୃତି ମିଳିପାରିନଥିଲା । ଶେଷରେ ଆଜି ସକାଳୁ ଗାଁ ପାଖରେ ଥିବା ଆମ୍ବ ଗଛରେ ବେକରେ ରଶି ଲଗାଇ ଏମାନେ ଆତ୍ମହତ୍ୟା କରିଛନ୍ତି । ଘଟଣା ସ୍ଥଳରେ ପୋଲିସ ପହଂଚି ଦୁଇ ପ୍ରେମୀଯୁଗଳଙ୍କ ମୃତ ଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଜାରି ରଖିଛି ।