ଠକେଇ କରି ମାଓବାଦୀଙ୍କ ମୁଣ୍ଡରେ ଅଠା ବୋଳିବାକୁ ଉଦ୍ୟମ: ନବରଙ୍ଗପୁରରେ ନାଟକୀୟ ଢଙ୍ଗରେ ଅବସରପ୍ରାପ୍ତ ଅଧିକାରୀଙ୍କଠାରୁ ଲୁଟିି ନେଲେ ୪୭ ଲକ୍ଷ ଟଙ୍କା
କନକ ବ୍ୟୁରୋ: ନାଟକୀୟ ଢଙ୍ଗରେ ୪୭ ଲକ୍ଷ ଟଙ୍କା ଲୁଟ୍ । ଜଣେ ଅବସରପ୍ରାପ୍ତ ରାଜସ୍ୱ ନୀରିକ୍ଷକଙ୍କଠାରୁ ଟଙ୍କା ଲୁଟ ପାଇଁ ଏଭଳି ପ୍ଲଟ ତିଆରି କରାଯାଇଥିଲା, ଯାହା ଜାଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ପୁରା ଘଟଣା ଥିଲା ଏହିପରି । ନବରଙ୍ଗପୁର ଦାସହରାପଦାର ଅବସରପ୍ରାପ୍ତ ରାଜସ୍ୱ ନୀରିକ୍ଷକ ମହମ୍ମଦ ମନସୁରଙ୍କ ସହ ସନ୍ତୁ ନାମକ ଜଣେ ଦୋକାନୀଙ୍କ ଚିହ୍ନା ପରିଚୟ ଥିଲା । ମନସୁର ଜମି ବିକ୍ରି କରି ମୋଟା ଅଙ୍କର ଅର୍ଥ ପାଇଥିବା ଜାଣିବା ପରେ ଠକିବା ପାଇଁ ଯୋଜନା କରିଥିଲା ସନ୍ତୁ । ଆଉ ରଶ୍ମିତା ନାମକ ଜଣେ ମହିଳାଙ୍କ ଜରିଆରେ ମନସୁରଙ୍କୁ ୧୫ ଲକ୍ଷ ୬୦ ହଜାର ଟଙ୍କା ଚୁନା ଲଗାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଏହାପରେ ରଶ୍ମିତାଙ୍କୁ ମାଓବାଦୀ ଅପହରଣ କରିନେଇଥିବା କହି ରଶ୍ମିତାଙ୍କୁ ମୁକୁଳାଇବା ପାଇଁ ମନସୁରଙ୍କ ଠାରୁ ପୁଣି ୨୫ ଲକ୍ଷ ଟଙ୍କା ଠକିନେଇଥିଲା । ଏହି ଠକେଇ ଘଟଣାରେ ନା ରଶ୍ମିତା ସାମ୍ନାକୁ ଆସିଥିଲେ ନା ମାଓବାଦୀ । ପୁରା ଘଟଣାକୁ ଅପରେସନ କରୁଥିଲା ସନ୍ତୁ । ତେବେ ମନସୁରଙ୍କ ଅସ୍ୱଭାବିକ ଆଚରଣ ଦେଖି ତାଙ୍କ ଦୁଇ ପୁଅ ସନ୍ଦେହ କରି ଖୋଲତାଡ କରିବା ୪୭ ଲକ୍ଷ ଟଙ୍କା ଠକେଇ କଥା ଜାଣିବାକୁ ପାଇଥିଲେ । ସତ ଜାଣିବା ପରେ ଦୁଇ ପୁଅ ସନ୍ତୁ ଘରକୁ ଯାଇ ୨୯ ଲକ୍ଷ ଟଙ୍କା ଆଦାୟ କରିବା ସହ ଥାନାରେ ମୌଖିକ ଅଭିଯୋଗ କରିଥିବା ସୂଚନା ମିଳିଛି ।