ଖୋର୍ଦ୍ଧା ଧଳାପଥର ବଜାରରେ ବ୍ଲାକ ପଲସର ଆତଙ୍କ :  ସୁନାଗହଣା ଦୋକାନରେ ମାଲିକଙ୍କୁ ବନ୍ଧୁକ ଦେଖାଇ ଲୁଟିନେଲେ ଅଳଙ୍କାର

ବାହାରେ ବୋମା ଫୁଟାଇ ଲୋକଙ୍କୁ କଲେ ଭୟଭୀତ

59

କନକ ବ୍ୟୁରୋ: ପୁଣି ବ୍ଲାକ ପଲସର ଆତଙ୍କ । ଖୋର୍ଧା ଧଳାପଥର ବଜାରରୁ ବନ୍ଧୁକ ଦେଖାଇ ଲୁଟେରା ସୁନାଗହଣା ଲୁଟିନେଇଛନ୍ତି । ବଜାର ଉପରେ ଥିବା ନାରାୟଣୀ ଜୁଏଲାରୀରୁ ଅଚାନକ ୩ଟି ବାଇକରେ ୬ ଜଣ ଆସି ଦୋକାନାରେ ପଶିଥିଲେ । ସେମାନେ ଦୁଇଟି ବନ୍ଧୁକ ଦେଖାଇ ଦୋକାନ ମାଲିକଙ୍କୁ ଭୟଭୀତ କରି ସମସ୍ତ ସୁନା ଅଳଙ୍କାର ଲୁଟି ନେଇଥିବା ଅଭିଯୋଗ ହୋଇଛି । ଲୁଟେରାମାନେ ହେଲମେଟ ପିନ୍ଧି ଦୋକାନରେ ପଶିଥିଲେ । ବାହାରେ ବୋମା ଫୁଟାଇ ଲୋକଙ୍କୁ ଭୟଭୀତ କରିଥିଲେ । ମାରଣାସ୍ତ୍ର ଦେଖାଇ ଲୋକଙ୍କୁ ହାଣିଦେବାକୁ ଧମକ ଦେଇଥିଲେ । ପରେ ସୁନା ଅଳଙ୍କାର ଧରି ଧଳାପଥର-ସୁନାଖଳା ରାସ୍ତାରେ ଚାଲିଯାଇଥିଲେ ।