କନକ ବ୍ୟୁରୋ : ଇଚ୍ଛାଶକ୍ତି ଆଗରେ ସବୁ ପ୍ରତିବନ୍ଧକ ଦୁର୍ବଳ ହୋଇଯାଏ । ସେ ବୟସ ହେଉ କି ଆର୍ଥିକ ସମସ୍ୟା ସଫଳତାର ଇଚ୍ଛା ଆଗରେ ଏମାନେ ଯେ ହାର ମାନିବାକୁ ବାଧ୍ୟ ଏକଥା ପ୍ରମାଣ କରିଛନ୍ତି ଜଣେ ୭୦ ବର୍ଷର ବୃଦ୍ଧ । ଏହି ବୃଦ୍ଧଙ୍କର କାମ ଦେଖି ଲୋକମାନେ ତାଙ୍କୁ ପାଗଳ କହୁଥିଲେ । ହେଲେ ଏବେ ସଫଳତା ପାଇବା ପରେ ସେହିମାନେ ହିଁ ତାଙ୍କ ପ୍ରଶଂସାରେ ଶତମୁଖ । ଖାଲି ପ୍ରଶଂସା କରୁନାହାଁନ୍ତି ଏହି ବୃଦ୍ଧଙ୍କ ପାଇଁ ଏବେ ପାଖଆଖର ବେକାରୀ ଯୁବକ ଆଉ ବାହାରକୁ କାମ ସନ୍ଧାନରେ ନଯାଇ ନିଜର ବୃତ୍ତି ପାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗୋଟେପଟେ ବିହାରରେ ଦୁର୍ନିତୀ ଭିତରେ ବୁଡିରହି ନୀତିଶ ସରକାରଙ୍କର ସ୍ୱପ୍ନର ଯୋଜନା ‘ସାତ ନିଶ୍ଚୟ’ ବଳିପଡିଥିଲା ସେତେବେଳେ ଏହାର ପ୍ରଭାବରେ ପ୍ରତିଘରକୁ ପାନୀୟ ଜଳ ଯୋଗାଣ ଯୋଜନା ବି ଫେଲ ମାରିଥିଲା । ଏହି କ୍ରମରେ ବି ନୀତିଶ ସରକାରଙ୍କ କେନାଲ ଯୋଜନା ବି ଦୁର୍ନିତୀରେ ବୁଡି ରହି ଫେଲ ମାରିଛି ।
ସେପଟେ ବୟସର ଅପରାହ୍ନରେ ଲଙ୍ଗି ମାଂଝି ଏବେ ବିହାର ଲୋକଙ୍କ ପାଇଁ ଉଦାହରଣ ପାଲଟିଛନ୍ତି । ସ୍ୱାଧୀନତାର ୭୦ ବର୍ଷ ପରେ ଯେଉଁ ଅଞ୍ଚଳରେ ମୌଳିକ ସୁବିଧା ଯୋଗାଇବାରେ ଗଣତନ୍ତ୍ରିକ ସରକାର ଫେଲ ହୋଇଛନ୍ତି ସେଠିକାର ଲୋକଙ୍କ ପାଇଁ ଉଦାହରଣ ପାଲଟି ଯାଇଛନ୍ତି ୭୦ ବର୍ଷିୟ ବୃଦ୍ଧ ଲଙ୍ଗି ମାଂଝି । ନକ୍ସଲବାଦ ଓ ଉଗ୍ରବାଦ କୋଳରେ ଥିବା ବିହାର ଗୟା ଜିଲ୍ଲାର ଦୁର୍ଗମ ପାହାଡିଆ ଏବଂ ଜଙ୍ଗଲ ଅଞ୍ଚଳରେ ଲଙ୍ଗି ମାଂଝି କେବଳ ଲୋକଙ୍କ ଜୀବନ ପାଇଁ ପଥ ପରିସ୍କାର କରି ନାହାଁନ୍ତି ବରଂ ଲୋକଙ୍କୁ ଉତ୍ସାହିତ ବି କରିଛନ୍ତି ।
ଆଧୁନିକ ଯୁଗରେ ଯେତେବେଳେ ମୁଠେ ମାଟିତାଡିବାକୁ ମେସିନର ବ୍ୟବହାର କରାଯାଉଛି ସେତେବେଳେ କୋଦଳ ଓ କୁଡି ସହାୟତାରେ ଜଣେ ଲୋକ ପୁରା ୩୦ ବର୍ଷ ଧରି ମାଟିତାଡି ଏକ ୫ କିଲୋମିଟର ଲମ୍ବର କେନାଲ ଖୋଳିଦେବା ଆପଣଙ୍କୁ ଅବାସ୍ତାବ ଲାଗିପାରେ କିନ୍ତୁ କଥାଟି ସତ । ଗୟା ଜିଲ୍ଲା ବାଙ୍କେ ବଜାରର କୋଠିଲବା ଗାଁରେ ରହୁଥିବା ଲଙ୍ଗି ମାଂଝି ଏହା କରି ଦେଖାଇଛନ୍ତି । ପାହାଡରୁ ଝରୁଥିବା ଜଳସ୍ରୋତକୁ ଚାଷଜମି ଓ ଗାଁ ଆଡେ ଆଣିବାକୁ ସେ ଏଭଳି ପ୍ରୟାସ ୩୦ ବର୍ଷ ତଳେ ଆରମ୍ଭ କରିଥିଲେ । ନିଜର ଦୃଢ ଇଚ୍ଛାଶକ୍ତି ଫଳରେ ସେ ଆଜି କେବଳ ସଫଳ ହୋଇନାହାଁନ୍ତି । ଜଳ ଜମିକୁ ଆସିବା ଫଳରେ ଅନେକ ସ୍ଥାନୀୟ ଯୁବକ ଏବେ ଚାଷକୁ ବୃତ୍ତି କରି ବେସ୍ ଖୁସିରେ ଅଛନ୍ତି ।