ଟିକା ପାଇଁ ମେଡିକାଲ ସାମ୍ନାରେ ଲମ୍ବା ଲାଇନ : ଟିକା ଯେତିକି ତାହା ଠାରୁ ଲୋକ ଅଧିକ, ଆଗ ଟିକା ନେବା ପାଇଁ ରାତି ଅଧରୁ ଲାଗିଛି ଭିଡ
କନକ ବ୍ୟୁରୋ : ଟିକା ନେବା ପାଇଁ ରାତି ୩ଟାରୁ ଲଗାଇଥିଲେ ଭିଡ । କଟକ ଏସସିବି ମେଡିକାଲ କଲେଜରେ ଟିକା ମିଳିବ ଭାବି ପହଂଚିଯାଇଥିଲେ ଲୋକ । ଦିନ ବଢିଲେ, ଭିଡ ବଢିବ ଭାବି ବୟସ୍କ ଲୋକମାନେ ଟିକା ପାଇଁ ଧାଡିରେ ଛିଡାହୋଇ ରହିଥିଲେ । ହେଲେ ସରକାରଙ୍କ ନିୟମ ଅନୁସାରେ ସାକଳ ସମୟରେ ୧୮ ବର୍ଷରୁ ଅଧିକ ଏବଂ ଅପରାହ୍ନରେ ବୟସ୍କଙ୍କ ଟିକାକରଣ ହେଉଥିବାରୁ ଏମାନଙ୍କୁ ନିରାଶ ହେବାକୁ ପଡିଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଯାଜପୁର ରୋଡ ମେଡିକାଲରେ ମଧ୍ୟ ଲୋକେ ଟିକା ନେବାପାଇଁ ରାତି ୪ଟାରୁ ଧାଡି ଲଗାଇଥିବା ଦେଖିବାକୁ ମିଳିଛି । ଅତ୍ୟଧିକ ଭିଡକୁ ନିୟନ୍ତ୍ରଣ କରିବା ପାଇଁ ପୋଲିସ ମୁତୟନ ହୋଇଛି । ପୂର୍ବରୁ ଟୋକନ ଜରିଆରେ ଲୋକଙ୍କ ଟିକାକରଣ ହେଉଥିବାବେଳେ ଭିଡ କମ୍ କରିବାକୁ ଏବେ ହସ୍ପିଟାଲ କର୍ତୃପକ୍ଷ ହିତାଧିକାରୀଙ୍କୁ ଫୋନ କରି ଟିକା ନେବା ପାଇଁ ଡାକୁଛନ୍ତି । ଅର୍ଥାତ ଯେଉଁ ନିର୍ଦ୍ଧାରିତ ହିତାଧିକାରୀଙ୍କୁ ଫୋନ ଯାଇଥିବ କେବଳ ସେହିମାନେ ହିଁ ଟିକା ନେବା ପାଇଁ ଆସିବେ । ତେଣୁ ଏଠାରେ ମଧ୍ୟ ରାତି ୪ଟାରୁ ଆସି ଧାଡିବାନ୍ଧିଥିବା ଲୋକଙ୍କୁ ନିରାଶ ହୋଇ ଫେରିବାକୁ ପଡୁଛି ।