ଚଣ୍ଡିଖୋଲ ଜାରକ ଜାତୀୟ ରାଜପଥରେ ଗାଡିର ଲମ୍ବା ଲାଇନ । ଘଂଟା ଘଂଟା ଧରି ଅବରୋଧ ଯୋଗୁଁ ବଢୁଛି ଅସନ୍ତୋଷ : ଆମ୍ବୁଲାନ୍ସକୁ ମିଳୁନି ବାଟ, ଫସିରହୁଛନ୍ତି ଗାଡି ଚାଳକ ଓ ଲୋକ
କନକ ବ୍ୟୁରୋ : ମାଲବାହୀ ଟ୍ରକ କବଜାରେ ଜାତୀୟ ରାଜପଥ । ଲାଗିଛି କିଲୋମିଟର ବ୍ୟାପି ଲମ୍ବା ଲାଇନ । ଘଂଟା ଘଂଟା ଧରି ଜାତୀୟ ରାଜପଥ ଅବରୋଧ ଯୋଗୁଁ ବଢୁଛି ଅସନ୍ତୋଷ । କେଉଁଠି ଆମ୍ବୁଲାନସ ଅଟକୁଛି ତ ଆଉକେଉଁଠି ବାଇକ୍ । ଭିଡ ଭିତରେ ଘଂଟାଘଂଟା ଧରି ଫସି ରହୁଛନ୍ତି ଲୋକେ । ଏପରି ଦୃଶ୍ୟ ଦେଖିବାକୁ ମିିଳିଛି ଯାଜପୁର ଜିଲ୍ଳା ଦେଇ ଯାଇଥିବା ୧୬ ନମ୍ବର ଓ ୫୩ ନମ୍ବର ଜାତୀୟ ରାଜପଥ ଉପରେ । ପାଣିକୋଈଲି ଛକଠାରୁ କୁଆଖିଆ,ଜାରକା,ଚଣ୍ଡିଖୋଲ ସବୁଠି ଜାତୀୟ ରାଜପଥ ଉପରେ ଲାଗୁଛି ମାଲବାହୀ ଟ୍ରକଗୁଡିକର ଭିଡ ।
Kanak News is now on WhatsApp
Join and get latest news updates delivered to you via WhatsApp
କରୋନା କଟକଣା ଯୋଗୁଁ କେବଳ ଅତ୍ୟାବଶ୍ୟକୀୟ ମାଲ୍ ପରିବହନ କରୁଥିବା ଗାଡିଗୁଡିକୁ ଜାତୀୟ ରାଜପଥରେ ପରିବହନ ପାଇଁ ଅନୁମତି ମିଳିଥିବା ବେଳେ ଏତେ ଭିଡ ଦେଖିବାକୁ ମିଳିନଥିଲା । କରୋନା ଯୋଗୁଁ କେନ୍ଦୁଝର ଜିଲ୍ଳାରୁ ପାରାଦୀପକୁ ଲୁହାପଥର ପରିବହନ ବନ୍ଦ ରହିଥିବା ବେଳେ ଲାଭଖୋର ମନୋବୃତି ରଖି ଟ୍ରକମାଲିକମାନେ ମନଇଛା ପରିବହନ କରିବା ଫଳରେ ଏଭଳି ପରସ୍ଥିତି ସୃଷ୍ଟି ହୋଇଛି । ଏହାଛଡା ରାସ୍ତାରେ ଅହେତୁକ ଭିଡ ଲୋକମାନଙ୍କର ସମସ୍ୟାକୁ ବଢାଉଥିବା ବେଳେ ଘଂଟା ଘଂଟା ଧରି ଫସିରହୁଛନ୍ତି ଗାଡି ଚାଳକ ଓ ଲୋକେ । ଏପରିକି ଆମ୍ବୁଲାନ୍ସ ବି ବହୁ ସମୟ ଧରି ଅଟକି ରହୁଛି ।