‘ଓଡିଶାବାସୀ ଚାହୁଁଛନ୍ତି ପରିବର୍ତ୍ତନ, ଚାହୁଁଛନ୍ତି ରାଜ୍ୟରେ ବିଜେପି ସରକାର ଆସୁ’ : ବାଲେଶ୍ୱର କାର୍ଯ୍ୟକର୍ତ୍ତା ସମାବେଶରେ ଏଭଳି କହିଲେ ଓମ୍ ବିର୍ଲା
କନକ ବ୍ୟୁରୋ: ଆଜି କେନ୍ଦ୍ର ନେତୃତ୍ୱଙ୍କ ଓଡିଶା ଗସ୍ତ ଓ ପ୍ରଚାର କ୍ରମରେ ବାଲେଶ୍ୱରଠାରେ ଦଳୀୟ କାର୍ଯ୍ୟକର୍ତ୍ତାଙ୍କ ସମାବେଶକୁ ସମ୍ବୋଧନ କରିଛନ୍ତି ଲୋକସଭା ବାଚସ୍ପତି ତଥା ବିଜେପି ନେତା ଓମ୍ ବିର୍ଲା । କହିଛନ୍ତି, ପୂର୍ବର ଭାରତ ଓ ବର୍ତ୍ତମାନର ଭାରତ ଭିତରେ ଅନେକ ଫରକ ଆସିଛି । ପୂର୍ବରୁ ଭାରତ ବିଭିନ୍ନ ପ୍ରକାର ସାମଗ୍ରୀ ପାଇଁ ବିଦେଶ ଉପରେ ନିର୍ଭର କରୁଥିବାବେଳେ ଏବେ ମେଡ୍ ଇନ୍ ଓଡିଶା ଅଭିଯାନରେ ଆତ୍ମନିର୍ଭରଶୀଳ ହୋଇଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଓମ୍ ବିର୍ଲା ଆହୁରି ମଧ୍ୟ କହିଛନ୍ତି, ଖେଳନା ଠାରୁ ଆରମ୍ଭ କରି ମୋବାଇଲ ସବୁଥିରେ ଭାରତ ଅନ୍ୟ ଦେଶ ମାନଙ୍କ ଠାରୁ ଆମଦାନୀ କରୁଥିଲା । କିିନ୍ତୁ ଏବେ ଛବି ପୁରା ଓଲଟିଛି । ଏବେ ଭାରତ ମୋବାଇଲ ଇଣ୍ଡଷ୍ଟ୍ରିର ହବ୍ ପାଲଟିଛି । ଭାରତର ଯୁବଗୋଷ୍ଠୀଙ୍କ ବୌଦ୍ଧିକ କ୍ଷମତା ଯୋଗୁଁ ଭାରତରେ ବୈଜ୍ଞନିକ ଆବିଷ୍କାର ବଢିଚାଲିଛି । ଏସବୁକୁ ବିଚାର କଲେ ଭାରତ ଆଗାମୀ ୧୦ ବର୍ଷରେ ଦୁନିଆର ସବୁଠୁ ଆଗୁଆ ଏକ୍ସପୋର୍ଟର ଭାବେ ଉଭା ହେବ । ସାରା ଦେଶରେ ମୋଦୀ ସରକାରଙ୍କ ସାମର୍ଥ୍ୟକୁ ବଖାଣିବା ପରେ ରାଜ୍ୟରେ ପରିବର୍ତ୍ତନ ପ୍ରସଙ୍ଗକୁ ଆସିଥିଲେ ଓମ୍ ବିର୍ଲା । କହିଥିଲେ, ଓଡିଶାରେ ମଧ୍ୟ ଏବେ ଲୋକେ ବିରାଟ ପରିବର୍ତ୍ତନ ଚାହୁଁଛନ୍ତି । ଓଡିଶାରେ ମଧ୍ୟ ବିକାଶ ପାଇଁ ବିଜେପି ସରକାରେ ଆସୁ ଏକଥା ଓଡିଶାବାସୀ ଚାହୁଁଛନ୍ତି’ ବୋଲି କହିଛନ୍ତି ଓମ୍ ବିର୍ଲା ।