ପୁଣି ଥରେ ବୁର୍ଖା ଭିତରୁ ଜାଲିଆତୀ ହେଲା ଭୋଟ୍ ! ବୁର୍ଖା ପିନ୍ଧି ଭୋଟ୍ ଦେଉଥିଲେ ବ୍ୟକ୍ତି,ଗିରଫ କଲା ପୋଲିସ୍ ।
ଆଜି ହେଉଛି ଲୋକସଭା ନିର୍ବାଚନ ୨୦୧୯ ର ଦ୍ୱିତୀୟ ମତଦାନ ପର୍ଯ୍ୟାୟ । ଗୁରୁବାର ରାଜ୍ୟର ୧୨ ଟି ରାଜ୍ୟ ଏବଂ ୯୫ ଟି ଲୋକସଭା ସିଟରେ ଭୋଟିଙ୍ଗ୍ ହେବାକୁ ଯାଉଛି । ତେବେ ନିର୍ବାଚନର ପ୍ରଥମ ଚରଣ ଭଳି ଦ୍ୱିତୀୟ ଚରଣରେ ବି ଜାଲିଆତିରେ ଭୋଟିଙ୍ଗ୍ ହେଉଥିବା ଖବର ସାମ୍ନାକୁ ଆସିଛି । ବିଜେପି ସାଂସଦ କୁଅଁର ସିଂହ ତୱର ଅଭିଯୋଗ ଆଣିଛନ୍ତି ଯେ ବୁର୍ଖା ପିନ୍ଧି ଜାଲିଆତି କରାଯାଉଛି । ଏହି ଅଭିଯୋଗ ସେ ଡିଏମ୍ ଙ୍କ ଆଗରେ କହିଛନ୍ତି । କୁଅଁର ସିଂହ ତୱର ଅମରୋହା ବିଜେପି ସାଂସଦ ରହିଛନ୍ତି ଏବଂ ଆଉ ଥରେ ନିର୍ବାଚନ ମଇଦାନରେ ଓହ୍ଲାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗଣମାଧ୍ୟମ ସହ କଥାବାର୍ତ୍ତା କରି ସେ କହିଥିଲେ ଯେ ଜଣେ ବ୍ୟକ୍ତି ବୁର୍ଖା ପିନ୍ଧି ନୋଗାଓଁ ରେ ମତଦାନ କରୁଥିଲେ । ଯାହାକୁ ପୋଲିସ୍ ଧରିନେଇଛି । ସାଂସଦ କହିଛନ୍ତି ଅମରୋହାରେ ୧୦୦ ଟି ବୁଥ୍ ରହିଛି । ଯେଉଁଠାରେ ତାଙ୍କ ପୋଲିଙ୍ଗ୍ ଏଜେଣ୍ଟ୍ ନାହାନ୍ତି । ସେଠାରୁ ତାଙ୍କ ଏଜେଣ୍ଟଙ୍କୁ ବାହାର କରି ଏବେ ସେଠାରେ ଜାଲିଆତିରେ ଭୋଟ୍ ଦିଆଯାଉଛି । ତେବେ ଏହି ଘଟଣାକୁ ନେଇ ସାଂସଦ ଅଭିଯୋଗ କରିଛନ୍ତି ।
ତେବେ ଆପଣଙ୍କୁ କହିରଖୁଛୁ ଏହା ପୂର୍ବରୁ ୧୧ ଏପ୍ରିଲ୍ ରେ ନିର୍ବାଚନର ପ୍ରଥମ ଚରଣ ପାଇଁ ମତଦାନ ହେବା ସମୟରେ ୟୁପିର ମୁଜାଫରନଗରରେ ବିଜେପି ନେତା ସଂଜୀବ ବଲିୟାନ୍ ମଧ୍ୟ ଏହିଭଳି ଅଭିଯୋଗ ଲଗାଇଥିଲେ । ସେ ମଧ୍ୟ ବୁର୍ଖାରେ ଜାଲିଆତି ହେଉଥିବା କଥା କହିଥିଲେ । ଯାହାପରେ ଏହାର ଜାଞ୍ଚ୍ ମଧ୍ୟ ହୋଇଥିଲା । କିନ୍ତୁ ନିର୍ବାଚନ ଆୟୋଗଙ୍କ ତରଫରୁ ଏହାକୁ ନିରାଧାର ବୋଲି କୁହାଯାଇଥିଲା ।