ନିର୍ବାଚନ ଲଢିପାରନ୍ତି ଜମ୍ମୁ-କାଶ୍ମୀରର ପୂର୍ବତନ ରାଜ୍ୟପାଳ ସତ୍ୟପାଲ ମଲ୍ଲିକ । ଜାଣନ୍ତୁ କେଉଁ ପାର୍ଟି ତରଫରୁ ମିଳିଲା ଅଫର

କନକ ବ୍ୟୁରୋ : ପଶ୍ଚିମ ଉତ୍ତର ପ୍ରଦେଶରେ ଆରଏଲଡିକୁ ଟକ୍କର ଦେବାକୁ ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ସତ୍ୟପାଲ ମଲ୍ଲିକଙ୍କୁ ଟିକେଟ ଅଫର କରିଛନ୍ତି । ସୂତ୍ର ସୂଚନା ମୁତାବକ ଅଖିଳେଶ ଯାଦବ ଓ ସତ୍ୟପାଲ ମଲ୍ଲିକଙ୍କ ମଧ୍ୟରେ ଏନେଇ ଆଲୋଚନା ଚାଲିଛି । ଅଖିଳେଶ ଯାଦବ ସତ୍ୟପାଲଙ୍କୁ ଅଲିଗଡ ଆସନରୁ ପ୍ରାର୍ଥୀ ହେବାକୁ ଅନୁରୋଧ କରିଛନ୍ତି । ସତ୍ୟପାଲ ମଲ୍ଲିକ ୧୯୮୯ ମସିହାରେ ଅଲିଗଡ ଲୋକସଭା ଆସନରୁ ସାଂସଦ ଭାବେ ବିଜୟୀ ହୋଇଥିଲେ ।

କହିରଖୁ କି, ସମାଜବାଦୀ ପାର୍ଟି ସହ ମେଣ୍ଟରୁ ଜୟନ୍ତ ଚୌଧୁରୀ ବାହାରିଯିବା ପରେ ଅସନ୍ତୁଷ୍ଟ ଥିବା ଅଖିଳେଶ ଯାଦବ ଜାଟ୍ ଭୋଟ ହାତେଇବାକୁ ଚେଷ୍ଟା ଚଳାଇଛନ୍ତି । ତେଣୁ ସେ ଅଲିଗଡରୁ ସତ୍ୟପାଲଙ୍କୁ ପ୍ରାର୍ଥୀ କରି ଜାଟ ଭୋଟ ପାଇବାକୁ ଆଶା କରୁଛନ୍ତି ।

ସୂଚନା ଥାଉକି ୨୦୧୯ ରେ ଅଖିଳେଶ ଯାଦବଙ୍କ ସହ ମେଣ୍ଟ କରିବା ପରେ ମଧ୍ୟ ଜୟନ୍ତ ଚୌଧରୀଙ୍କ ପାର୍ଟି ଆରଏଲଡି ପଶ୍ଚିମ ଉତ୍ତର ପ୍ରଦେଶରେ ସେଭଳି କିଛି ସଫଳତା ହାସଲ କରିପାରି ନ ଥିଲା । ଭୋଟ ପ୍ରତିଶତ ବଢିଥିଲେ ବି ଗୋଟିଏ ହେଲେ ଲୋକସଭା ଆସନ ହାତେଇପାରି ନଥିଲା ।