କନକ ବ୍ୟୁରୋ: ଲୋକସଭା ନିର୍ବାଚନ ପାଇଁ କର୍ଣ୍ଣାଟକରେ ଛିଡିଲା ସିଟ୍ ଭାଗବଣ୍ଟା ଅଙ୍କ । ଏନଡିଏର ସହଯୋଗୀ ଦଳ ଜେଡିଏସ୍ ୩ଟି ଆସନରେ ନିର୍ବାଚନ ଲଢିବା ନେଇ ସୂଚନା ମିଳିଛି । ଏନେଇ ସାଂସଦ ପ୍ରଜ୍ୱଳ ରେବନ୍ନା ଟୁଇଟ୍ କରି ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପୂର୍ବତନ ପ୍ରଧାନମନ୍ତ୍ରୀ ଏଚଡି ଦେବଗୌଡାଙ୍କ ନାତି ତଥା ହାସନରୁ ଲୋକସଭା ସାଂସଦ ଥିବା ରେବନ୍ନା ନିଜ ଅଫିସିଆଲ୍ ଟୁଇଟର ଆକାଉଣ୍ଟରୁ ଟୁଇଟ୍ କରି ଏହି ସୂଚନା ଦେଇଛନ୍ତି । ସେ କହିଛନ୍ତି ଯେ, ଆମ ପାର୍ଟି କର୍ଣ୍ଣାଟକ ତିନୋଟି ଆସନରେ ନିର୍ବାଚନ ଲଢିବ । ଏଥିସହିତ ସେ ଜେଡିଏସ୍ ନେତା ଏଚଡି ଦେବଗୌଡା, ପ୍ରଧାନମନ୍ତ୍ରୀ ମୋଦୀ ଓ ଭାଜପା ନେତୃତ୍ୱଙ୍କୁ ଧନ୍ୟବାଦ ଜଣାଇଛନ୍ତି । ଅନ୍ୟପଟେ ଜେଡିଏସ୍ ତାଙ୍କୁ ପୁଣିଥରେ ହାସନ ସିଟରୁ ଲଢିବାକୁ ଟିକେଟ୍ ଦେଇଛି ।
କର୍ଣ୍ଣାଟକରେ ମୋଟ ଲୋକସଭା ସିଟ୍ ହେଉଛି ୨୮ । ତା ମଧ୍ୟରୁ ୩ଟି ଆସନରେ ଜେଡିଏସ୍ ଲଢିବାକୁ ଥିବାବେଳେ, ୨୫ଟି ଆସନରେ ବିଜେପି ନିଜର ପ୍ରାର୍ଥୀ ଦେବ । କର୍ଣ୍ଣାଟକରେ ଦ୍ୱିତୀୟ ଓ ତୃତୀୟ ଚରଣରେ ନିର୍ବାଚନ ହେବାକୁ ଅଛି । ତାରିଖ ଅନୁଯାୟୀ, ଏପ୍ରିଲ ୨୬ ତାରିଖରେ ୧୪ଟି ସିଟ୍, ମେ ୭ ତାରିଖରେ ୧୪ଟି ସିଟରେ ନିର୍ବାଚନ ହେବ ।