କନକ ବ୍ୟୁରୋ : ଲୋକସଭା ନିର୍ବାଚନ ପୂର୍ବରୁ ଆମ୍ ଆଦମୀ ପାର୍ଟି ବା ଆପର ରାଷ୍ଟ୍ରୀୟ ସଂଯୋଜକ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ବାରମ୍ବାର ପଞ୍ଜାବ ଗସ୍ତ କରୁଛନ୍ତି । ଏହି କ୍ରମରେ ମୁଖ୍ୟମନ୍ତ୍ରୀ ଭଗୱନ୍ତ ମାନଙ୍କ ସହ ମିଶି ସେ ଅନେକ ସରକାରୀ ଯୋଜନାର ଶୁଭାରମ୍ଭ କରୁଛନ୍ତି । ଏହାସହ ଦୁଇ ମୁଖ୍ୟମନ୍ତ୍ରୀ ବିଭିନ୍ନ ସ୍ଥାନ ଗସ୍ତ କରି ଲୋକଙ୍କୁ ଆର୍ଶିବାଦ ମାଗୁଛନ୍ତି । ଏସବୁ ଭିତରେ ଆଜି ପଞ୍ଜାବ ଗସ୍ତରେ ଥିବା ଅରବିନ୍ଦ କେଜ୍ରିୱାଲ ଏକ ବଡ ଘୋଷଣା କରିବା ଅବସରରେ କହିଛନ୍ତି କି, ପଞ୍ଜାବର ସମସ୍ତ ଲୋକସଭା ଆସନରେ ଆପ୍ ପ୍ରାର୍ଥୀ ଦେବ ।
Kanak News is now on WhatsApp
Join and get latest news updates delivered to you via WhatsApp
ଶନିବାର ଦିନ ପଞ୍ଜାବର ଖନ୍ନା ଠାରେ ଏକ ସଭାରେ ଭାଷଣ ଦେବା ଅବସରରେ କେଜ୍ରିୱାଲ କହିଛନ୍ତି କି, ଆଗାମୀ ୧୫ ଦିନ ମଧ୍ୟରେ ପଞ୍ଜାବର ୧୪ ଓ ଚଣ୍ଡିଗଡର ଗୋଟିଏ ଲୋକସଭା ଆସନ ପାଇଁ ଦଳ ପ୍ରାର୍ଥୀ ତାଲିକା ଘୋଷଣା କରିବ ।
#WATCH | Punjab CM Bhagwant Mann says, “By the end of this month, we will declare all 13 of our candidates from Punjab and the 14th from Chandigarh…” pic.twitter.com/whUxOMYp3Y
— ANI (@ANI) February 10, 2024
ସୂଚନା ଥାଉକି ଇଣ୍ଡିଆ ମେଣ୍ଟରେ ଥିବା ଆମ୍ ଆଦମୀ ପାର୍ଟି ଓ କଂଗ୍ରେସ ମଧ୍ୟରେ ପଞ୍ଜାବ ଲୋକସଭା ଆସନ ଭାଗବଣ୍ଟାକୁ ନେଇ ବେଶ୍ ଚର୍ଚ୍ଚା ହେଉଥିଲା । ହେଲେ କେଜ୍ରିୱାଲଙ୍କ ଘୋଷଣା ପରେ ଆଜି ସ୍ପଷ୍ଟ ହୋଇଯାଇଛି କି, ପଞ୍ଜାବରେ କଂଗ୍ରେସ ଓ ଆପ୍ ଅଲଗା ଭାବେ ଲୋକସଭା ନିର୍ବାଚନ ଲଢିବାକୁ ଯାଉଛନ୍ତି ।